Эстээр 8:9 - Библи

⁹ Иигэжэ иудейнүүдэй он тоололгоор гурбадахи һарын, иудей хэлээр «сиваан» һарын хорин гурбанда хаанай бэшээшэд дуудуулагдажа, Перс ба Мидиин улас түрын Энэдхэгһээ Эфиопи улас түрэ хүрэтэр оршодог зуун хорин долоон можо нютагаар ажаһуугааша бүхы иудейнүүдтэ, улас түрын засаг баригшадта барандань, можо аймагай захирагшадта, ноёд, түшэмэлнүүдтэ зорюулһан зарлигые Мордохайн хэлэгшын ёһоор бэшэбэ. Энэ зарлиг улас түрын бүхы можо нютагуудаар ажаһуугааша үндэһэ яһатан бүхэнэй хэлэн дээрэ, өөһэдынь үзэг бэшэгээр бэшэгдэбэ. Энээнһээ гадна зарлиг иудей хэлэн дээрэ үзэг бэшэгээрнь бэшэгдэбэ.

Эстээр 8:9 ပူးပေါင်းရင်းမြစ်များ

4 Хаан түрэнүүд 18:26

Тиихэдэнь Хилкияагай хүбүүн Элиакиим, Шэбнаа ба Ёһаа тэрээндэ иигэжэ хэлэбэ: – Бидэнтэй араам хэлээр хөөрэлдэгты. Бидэ ойлгохобди. Еврей хэлэн дээрэ бү хэлэгты, зон хотын хэрэм хананууд дээрэһээ шагнажа байна.

2 Угай бэшэг 15:10

Тэдэ Иерусалимда Асаагай хааншалгын эхинһээ арабан табадахи жэлэй гурбадахи һарын ябажа байхада сугларба.

Эстээр 1:1

Энэ үйлэ хэрэг хадаа эзэн хаан Ахашвероошой хан шэрээгээ эзэлэн һуугаа үедэ болоһон гэхэ. Ахашвероош хаан Энэдхэгһээ Эфиопи хүрэтэр зуун хорин долоон аймагые зонхилдог һэн.

Эстээр 1:22

улас түрынгөө бүхы аймаг нютагууд руу яһатан бүхэнэй хэлэн дээрэ бэшэг эльгээжэ, эрэ хүн гээшэ гэрэйнгээ эзэн байха ёһотой мүн гэһэн зар тунхаглаба.

Эстээр 10:1

Тэрэ үедэ эзэн хаан Ахашвероош ниислэл хотоһоо гадуур оршодог, далайн эрьеэр, аралнуудаар ажаһуугша зониие бултыень оруулан, улас түрын бүхы эрхэтэдһээ албан татабари татаха тухай захирба.

Даниил 4:1

Би, Навуходоносор хаан, гэртээ амар амгалан, ордон соогоо баян бардам ажаһуужа байгааб.

Даниил 6:1

Даарий улас түрын бүхы нютагуудаар зуун хорин ноёдые томилбо.

Даниил 6:25

Энээнэй удаа Даарий хаан иигэжэ бэшэн тунхаглаба: – Дэлхэйн бүхы арадуудта, обогуудта, бүлээлингүүдтэ. Амар амгалан, баян байдал танда оршохонь болтогой!