Эстээр 8:17 - Библи

¹⁷ Хаанай энэ зарлигай зарлагдаһан газар бүхэндэ иудейнүүд үргэн ехэ баяр тэмдэглэн, найр наада хэдэг байба. Энэ улас түрын ондоо үндэһэ яһатадай олохон зон иудейнүүдһээ айжа, иудейбди гэжэ өөһэдыгөө нэрлэдэг болоо бэлэй.

Эстээр 8:17 ပူးပေါင်းရင်းမြစ်များ

Эхин 35:5

Тэдэнэй аян замдаа гарахада, оршон тойронхи хотын зон гэнтэ Бурханһаа айжа эхилбэ. Тиигэжэ Яковай хүбүүдэй хойноһоо хэншье дахажа, тэдээндэ добтолбогүй.

Нэхэмьяа 8:10

Тэрэ арад зондо иигэжэ хэлэбэ: – Гэртээ харижа, эрхим эдеэ хоол эдигты, үзэмэй дараһан архинһаа хүртэгты, тиигээд үгытэй зондо хүндэһөө хубаалдагты. Энэ үдэр манай Эзэнэй нангин үдэр. Бү гашуудагты: Бурханай баяр таанарта шадал нэмээхэ.

Эстээр 9:19

Тэрэ үеһөө хойшо хүдөөгэй иудейнүүд адаар һарын арбан дүрбэниие баяр нааданай, һайндэрэй үдэр болгожо, найр наада эмхидхэжэ, бэе бэедээ бэлэг баридаг заншалтай болоо һэн.

Эстээр 9:2

Иигэжэ Ахашвероош хаанай мэдэлэй Перс, Мидиин улас түрын бүхы нютаг можонуудаар ажаһуугша иудейнүүд хотонуудаар сугларжа, добтологшо дайсадтаа харюу үгэхөөр бэлэн болобо. Ондоо үндэһэ яһатан иудейнүүдһээ айһан ушарһаа урдаһаань эсэргүүсэхэеэ зүрхэлбэгүй.

Эстээр 9:22

Ушар гэбэл, иудейнүүд тэдэ үдэрнүүдтэ дайсанай гарһаа мултаржа, уйдхар гашуудалынь баяр наадан боложо, гашуудалайнь үдэр баярай үдэр болон хубилаа бшуу. Тиимэһээ Мордохайн эльгээгшэ захяагай ёһоор иудей зон тэрэ үдэрые баярай үдэр болгон тэмдэглэжэ, найр наада дэлгэн, бэе бэеэ амтан эдеэгээр хүндэлжэ, ядаруу зондо бэлэг баридаг болонхой.

Эстээр 9:27

өөһэд хоорондоо болон үеһөө үедэ дамжуулан, захин хэлсэжэ, иудей угай хүн бүхэн тэрэ хоёр үдэрые жэл бүри тэрэл һарадаа, тэрэл үдэртөө Мордохайн заабарилһанай ёһоор заабол тэмдэглэхэ заншал тогтоогоо бэлэй.

Эстээр 9:3

Улас түрын бүхы можо нютагуудай ноёд, захирагшад, түшэмэлнүүд, хаанай зүбшэгшэд Мордохайһаа айһандаа иудейнүүдтэ туһалба.

Псалманууд 105:38

Ямаршье гэмгүй зоной шуһа урасхуулжа, хүбүүд, басагадайнгаа шуһа урасхуулжа, Ханаһаанай онгонуудта тахил болгон үргэдэг байгаа. Иигэжэ газарай хүрьһэн тэрэ шуһанһаа боложо бузартаба.

Египедһээ гаралга 15:16

Айжа һүрдэжэ байг тэдэ! Танай хүсэтэ гар доро шулуун шэнги шэмээгүй болог! Эзэн, энэ Өөрын болгоһон арадтнай алад гаража ябанал!

Хуули дабталга 11:25

Хэншье танай урдаһаа тулажа шадахагүй. Эзэн Бурханайтнай найдуулһанай ёһоор, хайшаашье ошоболтнай, танай урда арадуудые Тэрэ һалгануулан байха.

Хуули дабталга 2:25

Энэ үдэрһөө эхилжэ, Би огторгой доро ажаһуугша бүхы арадуудые таанадһаа айхаарнь һүрдөөжэ эхилхэмни. Таанадай нэрэ дууламсаараа арадууд шэшэржэ-һүрдэжэ байхал».

Нүүнэй Иисүүс 2:11

Энээн тухай дуулахадаа, зүрхэмнай һулараа, танда эсэргүүсэхэ хэндэмнайш үгы болоо, юундэб гэхэдэ, Эзэн, танай Бурхан дээрэ тэнгэришье, доро газарташье захирна.

Нүүнэй Иисүүс 2:9

Тэдээндэ иигэжэ хэлэбэ: – Эзэнэй энэ газарые танда үгэһые мэдэнэб. Тиигээд таанар маниие һүрдөөн айлгаат, энэ газарта һуудаг бүхы зон танһаа һүрдэн шэшэржэ байна.

1 Хаан түрэнүүд 25:8

Өөрынгөө зарасанарһаа асуубалтнай, тэдэ тиигэжэ хэлэхэ. Тиимэһээ минии залуушуулда үршөөл хайра үзүүлыт. Мүнөөдэр һайн үдэр. Бидэ, богоолнуудтаа, танай хүбүүн болохо Давидта арга шадалаараа юушье һаа, үгыт», – гэжэ хэлээрэйгты.