Эстээр 8:15 - Библи

¹⁵ Энээнэй удаа хүхэ, сагаан үнгэтэй хаанай һайхан хубсаһа үмдэнхэй, алтан томо титим толгойдоо табинхай, шад улаан үнгэтэй миндаһан нэмэргэ нэмэрэнхэй Мордохайн хаанай ордонһоо гаража ерэхэдэ, ниислэл хотынхид баярлан, хашхаралдажа байжа угтаба.

Эстээр 8:15 ပူးပေါင်းရင်းမြစ်များ

Эхин 41:42

Тиигээд тэрэ тамгатай бэһэлигээ хурганһаа мулталаад, Иосифто зүүлгэбэ, маалинга һайхан хубсаһа үмдэхүүлбэ, хүзүүндэнь алтан зүүдхэл яларуулба.

Эстээр 1:6

Найрай болоһон газар хадаа мүнгэн сахаригуудаар бүһэлөөтэй гантиг баханануудта сагаан, шад улаан үнгэтэй миндаһан утаһаар татаһан саб сагаан, бэхэ мэтэ үнгэтэй хүшэгэнүүдээр шэмэглэгдэнхэй байба. Шала сагаан, улаан гантиг, эржэн, оюун гэхэ мэтэ үнэтэй эрдэни шулуунуудаар шэгэдхэн шэмэглээтэй бэлэй. Алта, мүнгөөр бүриһэн хажуулжа хэбтэхэ олон тоото һандалинууд байгаа.

Эстээр 10:2

Эзэн хаан Ахашвероошой үндэр эрхэ ямба, шадал хүсэн тухай, мүн Мордохайе дээрэ үргэн, алдар хүндэдэ хүртөөһэн тухайнь Перс, Мидиин улас түрын хаанай он дараалалгын бэшэгтэ тэмдэглэгдэн үлэһэн байдаг.

Эстээр 3:15

Хаанай зарлигай ёһоор элшэнэр шамдан ябажа, зарлиг тарааба. Зарлиг мүн лэ ниислэл хото Сүүзэдэ тунхаглагдаба. Эзэн хаан Һамаан хоёрой амар тайбан үзэмэй дараһан архи уужа һуухада, ниислэл хотын арад түмэн хүл хөөрсэгэнөөн боложо, ехэ һүрдэбэ.

Эстээр 5:1

Энээнэй һүүлээр гурбан хоногой удаа Эстээр хатан хубсаһаа үмдөөд, эзэн хаанай ордоной дотоо хашаа руу зүбшөөлгүйгөөр оробо. Энэ үедэ хаан ордоной хойморто, орохо үүдэнэй шанха урдаһаа хараһан талада табяатай хан шэрээ-сэнтиидээ заларжа байгаа.

Эстээр 5:11

Һамаан тэдээндэ баян дэлгэр байдалаа, олон хүбүүдтэй байһанаа, хаанай тэрэниие үндэрөөр сэгнэжэ, хан түрын бүхы захирагша, ноёдһоо дээгүүр тушаалда табиһан тухай хөөрэн байгаа бэлэй.

Эстээр 6:11

Һамаан хаанай хубсаһа, хүлэг мориие абажа, Мордохайе дуудан ерүүлээд, хаанай хубсаһа үмдэхүүлжэ, мориндо мордуулаад, хотын бүхы гудамжаар мори хүтэлэн ябуулжа, «Эзэн хаан хүндэлэл үзүүлхэ гэһэн хүнөө иигэжэ үргэмжэлэн хүндэлнэ!» – гэжэ олондо тунхаглан хашхаран ябаба.

Эстээр 6:8

хаанай үмдэдэг хубсаһа, хаанай унадаг аргамаг һайн хүлэг мори асараад, толгой дээрэнь хаанай титим табижа,

Эстээр 8:14

Хаанай захиралтын ёһоор хурдан моридые унагша элшэнэр зарлиг тараахаяа яаралтай шуумайба. Энээнһээ гадна ниислэл хото Сүүзэдэ зарлиг тунхаглагдаба.

Һургаал 11:10

Үнэн хүнэй дэбжэлтэдэ хотын зон булта баясана, хорон һанаатын мүхэхэ сагта баяр хүүр баһал болодог.

Һургаал 28:12

Үнэн шударга хүнүүдэй баярлахада олон зон омогорхон хүхидэг. Харин хара һанаатанай үргэмжэлэгдэхэдэ, зон нюураа хоргодуулдаг.

Һургаал 29:2

Зүб шударга хүнүүдэй дэбжэхэдэ, арад түмэн баяртай байдаг. Харин нүгэлтэнэй засагта байхада, арад зон халагладаг.

Матвей 11:8

Таанар юу үзэхэеэ тиишэ ошообта? Зөөлэн хубсаһа үмдөөд ябаһан хүниие гү? Теэд зөөлэн хубсаһа үмдөөд ябадаг хүнүүд хаанай үргөөдэ ажаһуунал.

Матвей 6:29

Алдар суутай Соломооншье аргагүй ехэ эд баялигтай байһаншье һаа, эдэ сэсэгүүд шэнги тиимэ гоёор хубсалдаггүй һэн гэжэ би танда хэлэнэб.

Лука 16:19

Нэгэ баян хүн байгаа гэхэ. Магнал торгон хубсаһа үмдэдэг, мүн үдэр бүхэндэ ялагар тологор найр зугаа хэдэг байгаа.