Эстээр 8:13 - Библи

¹³ Тэрэ үдэр дайсанһаа үһөөгөө абахаар иудейнүүдэй бэлэн байхын тула хуулиин хүсэтэй буулгабари бэшэгүүдые хан түрын бүхы можо нютагуудаар зарлажа, бүхы үндэһэ яһатанда үргэнөөр дуулган тарааха шиидхэбэри гаргагдаа һэн.

Эстээр 8:13 ပူးပေါင်းရင်းမြစ်များ

Эстээр 3:14

Тэрэ үдэртэ арад түмэнэй бэлэн байхын тула тус тогтоол бүхы аймаг можонуудаар бүхы үндэһэ яһатанда тунхаглан уншагдаха ёһотой байба.

Эстээр 8:14

Хаанай захиралтын ёһоор хурдан моридые унагша элшэнэр зарлиг тараахаяа яаралтай шуумайба. Энээнһээ гадна ниислэл хото Сүүзэдэ зарлиг тунхаглагдаба.

Псалманууд 68:23

Тэдэнэй урда байгааша эдеэнэй шэрээнь тэдэндэ занга болог лэ, амгалан тайбан хоол барилгань урьха болог лэ.

Лука 18:7

Тэрэнэй тиигэжэ байхадань, Бурхан шэлэжэ абаһан зонойгоо үдэр һүнигүй туһаламжа гуйхадань, бүришье һайнаар харгалзаха хамгаалха бэшэ гү? Тэдэндээ анхаралаа табиха бэшэ гү?

Гэршэлгэ 6:10

«Нангин гэгээн, хамагые зонхилогшо үнэн бодото Эзэн Бурхан аа! Газар дэлхэй дээрэ бидэниие алаашадые гэмнэнгүй, хэһээнгүй хэды болотор хүлеэхэбта!» – гэжэ тэдэ алуулагшад шанга шангаар хашхаралдаба.

Ударидагшад 16:28

Самсоон Эзэниие дуудан, иигэжэ хэлэбэ: – Эзэн минии, намайе һаныт! Мүнөө Бурхан намда хүсэ шадал үгыт! Өөрынгөө хоёр нюдэнэй түлөө эдэ пилиштүүдһээ үһөөгөө абаһуулби!