Эстээр 8:11 - Библи

¹¹ Хаанай нэрээр бүтээгдэһэн энэ зарлигай ёһоор бүхы хотонуудаар ажаһуугааша иудейнүүд сугларжа, өөһэдыгөө хамгаалха эрхэтэй болобо. Энэ юун бэ гэбэл, хэрбээ ямар нэгэн угсаатанай гү, али нютаг можын зоной иудейнүүдые дайража, эхэнэр, хүүгэдтэ добтолжо, эд зөөрииень буляажа абахаяа һанаа һаань, иудейнүүд мүн лэ тэдээндэ добтолжо, бүхы зонииень алажа усадхаад, эд зөөрииень олзолхо эрхэтэй болоо бэлэй.

Эстээр 8:11 ပူးပေါင်းရင်းမြစ်များ

Эстээр 3:13

Энэ зарлигай ёһоор иудей он тоололгын арбан хоёрдохи һарын, ондоогоор хэлэбэл, адаар һарын арбан гурбанда, нэгэ үдэрэй туршада хүгшэн залуу гэжэ илгангүй, хүүгэд, эхэнэр гэжэ хайрлангүй, бүхы иудейнүүдые алажа хюдаад, эд зөөрииень хуряан абаха ёһотой байба. Хаанай элшэнэр улас түрын бүхы можо аймагуудаар иимэ бэшэгүүдые абаашаба.

Эстээр 9:18

Ниислэл хото Сүүзэдэ ажаһуугааша иудейнүүд арбан гурбанда, арбан дүрбэндэ суглараад, дайсадаа усадхаа. Тиигээд арбан табанда амаржа, найр наада дэлгэбэ, баясан баярлан байба.

Псалманууд 137:8

Эзэн минии түлөө үһөөгөө абаха! Эзэн, энэрэл хайратнай хэтэ мүнхын, Өөрын гараар бүтээгшэ бүтээлнүүдээ бү орхиит.

Псалманууд 68:3

Би гүнзэгы намагта шабагдааб, хүлөө табиха газар үгы. Гүнзэгы уһанда орооб, түргэн урасхалда абтааб.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Эзэкээл 39:10

Модо отолжо, түлеэ суглуулжа байхын орондо тэдэ энэ зэбсэгүүдые шатааха. Дээрмэдэгшэдээ дээрмэдэхэ, тоногшодоо тэдэ тонохо. Энэ болбол Би, Эзэн Бурхан, айладхана мүн!