Эстээр 7:9 - Библи

⁹ Тайган түшэмэлнүүдэй нэгэн Харбонаа хаанда: – Һамаанай гэрэй дэргэдэ һаяхан бодхооһон табин тохой үндэр үлгүүр бии. Танай ами наһа абарһан Мордохайе тэндэ үлгэхэ гэжэ байһан юм, – гээд хэлэбэ. Ахашвероош хаан: – Тиигэбэл, өөрыень тэндэ дүүжэлэн үлгэгты! – гэбэ.

Эстээр 7:9 ပူးပေါင်းရင်းမြစ်များ

4 Хаан түрэнүүд 9:32

Еһүү толгойгоо үргэжэ, сонхо тээшэ хараад: – Хэн эндэ минии тала тээшэб? Хэн нэгэн бии гү? – гэжэ һураба. Заһаагаа абхуулһан хоёр-гурбан харуулшад сонхоор харабад.

Эстээр 1:10

Найрай долоодохи үдэр Ахашвероош хаан халамгай хүхюун болоходоо, өөрынгөө зараса болохо долоон тайган түшэмэлээ ерүүлбэ. Мэһүмаан, Биззэтаа, Харбонаа, Бигтаа, Абагтаа, Зэтаар ба Хархаас гэжэ тэдэ нэрэтэй бэлэй.

Эстээр 5:14

Зээрэш һамганиинь ба бүхы нүхэдынь тэрээндэ: – Табин тохой үндэртэй үлгэхэ бахана бодхуула. Үглөөдэр хааниие бараалхахадаа, Мордохайе тэрээндэ үлгэжэ алаг гэжэ хэлээрэй. Тиигээд хаантай хамта хүхюутэй юумэд найрта ошооройт, – гэһэн зүбшэл үгэбэ. Энэ зүбшэл Һамаанда һайшаагдажа, тэрэ үлгэхэ бахана бодхуулба.

Эстээр 6:14

Үшөө хөөрэлдэжэ байхадань, хаанай тайган түшэмэлнүүд ерэжэ, Эстээрэй бэлдэһэн найр нааданда ошохые Һамааниие яаруулжа эхилбэ.

Эстээр 6:2

Хаанай бэе хамгаалагшад болохо Бигтаан ба Тээрэшэй эзэн хааниие алаха гэжэ байһые мэдээд, Мордохайн хаанда дуулгаһан тухай тэмдэглэл тэндэ уншахадань,

Эстээр 8:7

Тиихэдэнь Ахашвероош хаан Эстээр хатанда, иудей Мордохайда: – Түрэл арадтнай болохо иудейнүүдэй урдаһаа үйлэдэһэн хэрэгүүдэйнь түлөө би Һамааниие үлгэжэ, эд зөөрииень Эстээртэ үгөө һэм.

Эстээр 9:14

Хаан энээниие зүбшөөжэ, Сүүзэдэ зарлиг тараагдаба. Һамаанай арбан хүбүүдэй бэенүүд баханада үлгэгдэбэ.

Эстээр 9:25

Эстээрэй хааниие бараалхахада, тэрэ зарлиг гаргажа, иудейнүүдэй урдаһаа Һамаанай һэдэгшэ хорото үйлэ хэрэг өөрынь толгой дээрэ буугаа бэлэй: иигэжэ Һамааниие хүбүүдтэйнь хамта баханада үлгөө һэн.

Псалманууд 35:8

Бурхан, Танай энэрэл хайра хэды үнэтэй гээшэб! Зон Танай жэгүүрэй һүүдэр доро хородог.

Псалманууд 73:19

Тагтаагайнгаа ами наһа зэрлиг амитадта бү үгыт, зобоһон зоноо хэтэдээ бү мартыт.

Даниил 6:24

Тиигээд хаан Даниилые гэмнэгшэ тэдэ зониие асархыень захирба. Тэдэ асарагдажа, үхи хүүгэдтэеэ, һамгадтаяа хамта арсаланай нүхэн руу шэдүүлэгдэбэ. Нүхэнэй оёорто хүрөөгүйдэнь арсаланууд тэдэниие таһа татаа бэлэй.

Даниил 6:7

Хаан түрын бүхы түшэмэлнүүд, эрхилэгшэд, ноёд, зүбшэгшэд, нютагай ноёд хоорондоо хэлсэжэ, иигэжэ шиидхэбэ: үндэр түрэлтэ хаан, танһаа бэшэ ондоо хүндэ, үгышье һаа, бурханда хэн нэгэн энэ гушан үдэр соо нэгэтэ зальбаран гуйжа байгаа гээшэ һаа, арсаланай нүхэн руу хаюулагдаха ёһотой. Энээн тушаа хаанай зарлиг, хорилго тунхаглагдаг лэ.

1 Хаан түрэнүүд 17:51

Давид гүйжэ ошоод, тэрэ пилишт хүн дээрэ гаража, һэлмыень хуйһаань һугалан абажа, тэрэниие алаад, толгойень һэлмээр таһа сабшаба. Баатарайнгаа алуулһые пилиштүүд хараад, тэрьедэбэ.