Эстээр 7:8 - Библи

⁸ Сэсэрлиг соо нэгэ хэды саг байгаад, хаан дараса уужа байгааша үргөөдөө бусаба. Эстээр хатанай байгааша һандали дээрэ Һамаанай һунаад хэбтэхые тэрэ хараад: – Минии ордон соо, минии хажууда энэ бузар амитан хатаниием хүсөөрөө эдлэхэнь гү?! – гэжэ уурлан үгүүлбэ. Хаанай хэлэмсээр тайган түшэмэлнүүд Һамаанай толгойе бүтүүлэн бүглэбэ.

Эстээр 7:8 ပူးပေါင်းရင်းမြစ်များ

Эстээр 1:5

Энээнэй удаа тэрэ ордонойнгоо сэсэрлиг соо долоон хоногой туршада үргэлжэлһэн найр наада дэлгэжэ, ниислэл хото Сүүзэдэ ажаһуудаг бүхы зониие ехэ, багатайнь уриба.

Эстээр 1:6

Найрай болоһон газар хадаа мүнгэн сахаригуудаар бүһэлөөтэй гантиг баханануудта сагаан, шад улаан үнгэтэй миндаһан утаһаар татаһан саб сагаан, бэхэ мэтэ үнгэтэй хүшэгэнүүдээр шэмэглэгдэнхэй байба. Шала сагаан, улаан гантиг, эржэн, оюун гэхэ мэтэ үнэтэй эрдэни шулуунуудаар шэгэдхэн шэмэглээтэй бэлэй. Алта, мүнгөөр бүриһэн хажуулжа хэбтэхэ олон тоото һандалинууд байгаа.

Эстээр 6:12

Удаань Мордохай ордоной хаалганууд тээшэ һөөргөө бусаба. Һамаан тиихэдэ уруу-дуруу юумэн, нюураа бүглөөд, гэр тээшээ ошоо бэлэй.

Эстээр 7:10

Иигэжэ Мордохайе алахаар бодхооһон үлгүүртэ Һамаан өөрөө үлгүүлэгдэбэ. Энээнэйл удаа одоол хаанай уур сухал номгороо бэлэй.

Иоов 9:24

Адагай муу хүмүүс энэ дэлхэйе зонхилжо, шүүгшэ, шүүмжэлэгшэдынь һохор мэтэ болонхой. Энэ байдалые Тэрээнһээ ондоо хэн бии болгоо юм бэ?

Исай 22:17

Харин Эзэн шамайе абажа, шэдэхэ! Тэрэ шамайе шангаар барижа,

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Амоос 3:12

Эзэн иигэжэ айладана: Хонишон арсалангай аманһаа хоёр хүл ба шэхэнэй таһархайе буляан абадаг мэтэ Самарида оршогшо израильшуудһаа гансал ороной булан ба диванай торгон үлэхэл!

Марк 14:65

Тиигээд зариманиинь Иисүүсые нёлбожо оробо, нюдыень боогоод, нюдаргаараа шаан: – Таниие хэн сохёоб, хэлэгты даа! – гэлдэбэ. Удаань харуулшад Тэрэнэй хасарые альгадаба.