Эстээр 7:10 - Библи

¹⁰ Иигэжэ Мордохайе алахаар бодхооһон үлгүүртэ Һамаан өөрөө үлгүүлэгдэбэ. Энээнэйл удаа одоол хаанай уур сухал номгороо бэлэй.

Эстээр 7:10 ပူးပေါင်းရင်းမြစ်များ

Эхин 40:22

Харин ахамад манзашаниие үлгэбэ. Иигэжэ бүгэдэ Иосифой хэлэгшэ, таагшаар болобо.

Эстээр 2:1

Энэ үйлэ хэрэгэй удаа Ахашвероош хаан уур сухалайнгаа буурахада, Баштии, тэрэнэй хэһэн хэрэг, тэрээн тушаа буулгаһан зарлиг тухайгаа һанаба.

Эстээр 5:14

Зээрэш һамганиинь ба бүхы нүхэдынь тэрээндэ: – Табин тохой үндэртэй үлгэхэ бахана бодхуула. Үглөөдэр хааниие бараалхахадаа, Мордохайе тэрээндэ үлгэжэ алаг гэжэ хэлээрэй. Тиигээд хаантай хамта хүхюутэй юумэд найрта ошооройт, – гэһэн зүбшэл үгэбэ. Энэ зүбшэл Һамаанда һайшаагдажа, тэрэ үлгэхэ бахана бодхуулба.

Эстээр 7:7

Хаан аргагүй ехээр уурлажа, уужа байгааша үзэмэй дараһан архияа орхёод, ордоной сэсэрлиг руу ябашаба, харин Һамаан Эстээр хатанһаа ами наһыень хайрлаха тухай гуйха гэжэ зорюута тэндээ үлэбэ. Эзэн хаан өөрыень хайрлангүй шиидхэхэнь гэжэ Һамаан ойлгоһон байгаа.

Эстээр 7:8

Сэсэрлиг соо нэгэ хэды саг байгаад, хаан дараса уужа байгааша үргөөдөө бусаба. Эстээр хатанай байгааша һандали дээрэ Һамаанай һунаад хэбтэхые тэрэ хараад: – Минии ордон соо, минии хажууда энэ бузар амитан хатаниием хүсөөрөө эдлэхэнь гү?! – гэжэ уурлан үгүүлбэ. Хаанай хэлэмсээр тайган түшэмэлнүүд Һамаанай толгойе бүтүүлэн бүглэбэ.

Эстээр 8:7

Тиихэдэнь Ахашвероош хаан Эстээр хатанда, иудей Мордохайда: – Түрэл арадтнай болохо иудейнүүдэй урдаһаа үйлэдэһэн хэрэгүүдэйнь түлөө би Һамааниие үлгэжэ, эд зөөрииень Эстээртэ үгөө һэм.

Эстээр 9:14

Хаан энээниие зүбшөөжэ, Сүүзэдэ зарлиг тараагдаба. Һамаанай арбан хүбүүдэй бэенүүд баханада үлгэгдэбэ.

Эстээр 9:25

Эстээрэй хааниие бараалхахада, тэрэ зарлиг гаргажа, иудейнүүдэй урдаһаа Һамаанай һэдэгшэ хорото үйлэ хэрэг өөрынь толгой дээрэ буугаа бэлэй: иигэжэ Һамааниие хүбүүдтэйнь хамта баханада үлгөө һэн.

Иоов 18:8

Өөрынь хүлнүүд тэрэниие, муу бодолынь тиимэ хүниие урьхадан торгожо, зангада хүлөө шэхэһэнтэйнь адли болгоно.

Иоов 20:8

Тиимэ хүнэй амидарал зүүдэн мэтэ үнгэрдэг.

Псалманууд 37:15

Огто дуулахагүй, харюусажа шадахагүй хүн шэнги болооб.

Псалманууд 7:16

Ондоо хүндэ унаха нүхэ малтагша нэгэн өөрөөл тиишээ халин унаха!

Һургаал 11:27

Һайниие үйлэдэхэ гэжэ оролдоһон хүн аша хайрада хүртэхэ, мууе бэдэрэгшэдэ тэрэнь олдоод байха.

Һургаал 11:8

Үнэн шударга хүн тодхорһоо мултардаг, нүгэлтэй муу тэрэнэй орондонь ородог.

Һургаал 26:27

Нүхэ малтаһан хүн өөрөө тэрээн руу унана. Шулуу түлхихэдөө өөрөө тэрээндэ даруулха.

Ерэмияа 34:17

Мүнөө энэ Би, Эзэн, айладхал буулганаб. Таанад Минии үгэ дуулабагүйт, иудей зониие сүлөөдэ табибагүйт. Тиигээ хадатнай, дайн дажарта, үбшэ хабшанһаа болон үлэсхэлэн хооһон байдалһаа үхэхэ эрхэ сүлөө та бүгэдэндэ шэлэн абахыетнай дурадханаб. Айлган-һүрдөөн, дэлхэйн бүхы үндэһэ яһатанда Би таанадые үгэхэб.

Эзэкээл 5:13

Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

Даниил 6:24

Тиигээд хаан Даниилые гэмнэгшэ тэдэ зониие асархыень захирба. Тэдэ асарагдажа, үхи хүүгэдтэеэ, һамгадтаяа хамта арсаланай нүхэн руу шэдүүлэгдэбэ. Нүхэнэй оёорто хүрөөгүйдэнь арсаланууд тэдэниие таһа татаа бэлэй.

Даниил 6:25

Энээнэй удаа Даарий хаан иигэжэ бэшэн тунхаглаба: – Дэлхэйн бүхы арадуудта, обогуудта, бүлээлингүүдтэ. Амар амгалан, баян байдал танда оршохонь болтогой!

Захарияа 6:8

Удаань Тэрэ намда хандан үгүүлбэ: «Хара даа, хойто зүгэй орондо ябагшадынь хойто зүгэй орондо хандаһан Минии сухал номгоруулба».

Ударидагшад 15:7

Самсоон пилиштүүдтэ иигэжэ хэлэбэ: – Таанад энэ муу хэрэг хэбэт. Теэд би таанадһаа үһөөгөө абахадаал һанаагаа амархаб!