Эстээр 6:3 - Библи

³ хаан: – Энээнэй түлөө Мордохайда ямар хайр шагнал үгтөөб? – гэжэ асууба. – Юуншье үгтөөгүй, – гэжэ түшэмэлнүүдынь харюусаба.

Эстээр 6:3 ပူးပေါင်းရင်းမြစ်များ

Эхин 40:23

Египедэй хаанай ахамад архи аягалагша түрмэһөө гараһан болобошье, Иосиф тушаа огто мартажархёо бэлэй.

1 Угай бэшэг 11:6

Тиигээд Давид иигэжэ хэлэбэ: – Евүүсүүдтэ түрүүлэн орогшо хүн толгойлогшонь, сэрэгэй дарга болохо. Хэнһээшье түрүүн Цэруяагай хүбүүн Ёһааб байжа, толгойлогшонь болобо.

Эстээр 6:2

Хаанай бэе хамгаалагшад болохо Бигтаан ба Тээрэшэй эзэн хааниие алаха гэжэ байһые мэдээд, Мордохайн хаанда дуулгаһан тухай тэмдэглэл тэндэ уншахадань,

Эстээр 6:4

– Хэн газаа ерээд байнаб? – гээд хаан асууба ха. Бэлдэһэн үлгэхэ баханадаа Мордохайе үлгэн алаха зүбшөөл хаанһаа абаха гэжэ Һамаан ордоной дотор хашаа соо ерээд байгаа.

Экклезиаст 9:15

Тэрэ хотодо нэгэ хүн олдожо, сэсэн бодолоор хотые абарба, гэбэшье үгытэй һэн хойнонь хэншье хожомынь тэрэниие дурдадаггүй.

Даниил 5:16

Харин шамайе иимэ юумэ тайлбарилжа шададаг, хүрмэлдэһэн юумэ тайладаг гээд дуулаһан байнаб. Зай, энэ бэшээшые уншажа, удхыень намда ойлгуулжа шадаа гээшэ һааш, шамда улаан хубсаһа үмдэхүүлхэ, хүзүүндэш алтан зүүдхэл зүүхэ, тиигээд засагай талаар хан түрэ соо гурбадахи хүн болохош, – гэбэ ха.

Даниил 5:29

Бэлшаццаарай захиралтаар Даниилда улаан хубсаһа үмдэхүүлбэ, алтан зүүдхэл хүзүүндэнь зүүбэ, тиигээд хан түрэ соо засагай талаар гурбадахи хүн гэжэ айладхаба.

Даниил 5:7

Үзэлшэдые, мэргэшүүл халдейшүүдые, зурхайшадые дуудаха тухай хаан шангаар хашхаран захиржа, Вавилооной сэсэн мэргэшүүлдэ хандан, иигэжэ хэлэбэ: – Хэн энэ бэшээшые уншажа, намда тайлбарилнаб – тэрэ улаан хубсаһа үмдэдэг болохо, алтан зүүдхэл хүзүүндэнь үмдэгдэхэ, тиигээд тэрэ хан түрэ соо засагай талаар гурбадахи хүн болохо!