Эстээр 5:9 - Библи

⁹ Тэрэ найрһаа Һамаан сээжэ тэнигэр, сэдьхэл дүүрэн гараба. Ордоной гол хаалгын дэргэдэ һуугааша Мордохайтай тэрэ дайралдаба ха. Мордохай тэрэниие хараад, бодобошьегүй, һууриһаа хүдэлбэшьегүй. Тиихэдэнь Һамаан Мордохайда ехэ уурлаа бэлэй.

Эстээр 5:9 ပူးပေါင်းရင်းမြစ်များ

3 Хаан түрэнүүд 21:4

Угайнгаа зөөри үгэхэгүйб гэжэ Езрээлэй Набоодой хэлэһэндэнь Ахааб ехэ уруу дуруу, гомдонги гэртээ ерээд, унтаридаа хэбтэжэ, нюураараа буруу харан, эдеэ хоолһоо гараад байба.

3 Хаан түрэнүүд 21:6

– Уһан үзэмэй сэсэрлигээ намда мүнгөөр гү, али ондоо сэсэрлигээр андалдан үгыш гэжэ Езрээлэй Набоодто хэлэхэдэм, сэсэрлигээ үгэхэгүйб гэжэ тэрэ хэлээ, – гэжэ тэрэ харюусаба.

Эстээр 2:19

Басагадые хоёрдохиёо суглуулган болоходошье, хатан болотороошье Эстээр ямар түрэл гаралтай, ямар үндэһэ яһатанай хүн байһанаа хэндэшье энэ болотор хэлэдэггүй бэлэй. Мордохайн харууһан доро байһандал адляар үгыень сахин дүүргэдэг һэн. Энэ үедэ Мордохай хаанай ордон соо ажаллаха болобо.

Эстээр 3:2

Эзэн хаанай буулгаһан зарлигай ёһоор ордоной бүхы түшэмэлнүүд Һамааниие ёһолон хүндэлжэ, үбдэг һүгэдэн унажа байгаа. Гансал Мордохай тэрэнэй урда һүгэдэдэггүй, унажа байдаггүй һэн.

Эстээр 3:5

Энээниие мэдэһэнэй удаа Мордохайн урдань үнэхөөр һүгэдэнгүй байһые хаража, Һамаан ехэ уурлаба.

Эстээр 5:13

Гэбэшье хаанай ордоной хаалгын дэргэдэ һуугааша Мордохай иудейн минии нюдэндэ үзэгдэжэ байгаа сагта би хэзээдэшье сэдьхэл дүүрэн байжа шадахагүйб, – гэбэ.

Иоов 31:31

«Мяхыень эдижэ садабагүйлди» гэжэ ажалшадни нэгэтэшье хэлээгүй.

Псалманууд 15:4

Ондоо бурханда хандагшадай зоболон олошорог! Шуһата ундан үргэлынь тэдэнтэй хамта үргэхэгүйб, нэрэнүүдыньшье амаараа дурдахагүйб!

Псалманууд 27:3

Хорото муу зонтой болон гэм зэмэ үйлэдэгшэдтэй хамта намайе бү шэрэн абаашыт, бү һалгыт! Тэдэ хажуудахи зонтоёо амгаланаар хөөрэлдэжэ байһан аад, сэдьхэлдээ муу муухай юумэ түсэблөөл.

Даниил 3:13

Навуходоносор хаан ехэ уурлан сухалдажа, Шадраах, Мэшаах болон Абээд-Нэгоое асархыень захирба. Тэдэниие асархадань,

Матвей 10:28

Хүнэй бэе һүнөөгөөд, һүнэһыень һүнөөхэ хүсэ шадалгүй хүнүүдһээ бү айгты, зүгөөр хүнэй һүнэһыеньшье, бэеыеньшье гал тамада хаяжа һүнөөхэ аргатай Бурханһаал айжа һүрдэжэ ябагты.

Матвей 2:16

Сэсэшүүлдэ мэхэлүүлһэнээ мэдэрхэдээ, Ирод аргагүй ехээр сухалдаба. Тиигээд Бэтлэһээм хото болон тэрэниие оршон тойроһон нютагуудай хоёр наһанһаа доошо хүбүүдые алагты гэһэн захиралтатайгаар сэрэгшэдээ эльгээбэ. Үхибүүнэй наһа Ирод сэсэшүүлһээ мэдэжэ абаһан сагаар багсааһан байна.

Лука 6:25

Мүнөө дуран соогоо садхалан байгаашад, таанар үлэн хооһон ябажа, гашуудал зоболон үзэхэт. Мүнөө энеэлдэжэ ханяалдажа байгаашад, уйлаха бархирха сагтнай ерэжэ, зобохот.

Иоанн 16:20

Таанарта үнэн зүбые хэлэнэб: уйлахат, гашуудахат, харин дэлхэйн зон баярлаха, хүхихэ. Түрүүшээр уйдхар гашуудалда абтахат, теэд удаань баярлахат.

Хэрэгүүд 7:54

Эдэ бүхэниие дуулахадаа Зүблэлэй гэшүүд хоро шараяа бусалжа, шүдөө хабиралдабад.

Яковай хандалга 4:9

Гашуудагты, бархирагты, гэгэн уйлагты. Энеэлдэхэеэ болёод, уйлалдагты. Баярлахын орондо гашуудажа байгты.