Эстээр 4:14 - Библи

¹⁴ Иимэ үе сагта шинии амаа хаагаад байгаа һаа, иудейнүүдые абарха арга ондоо газарһаа ерэхэ. Харин шинии гал гуламта үгы хэгдэхэ. Тиигээдшье иимэ сагта хэрэгтэй болохо гэжэ шинии хаанай ордондо орожо, хатан болоһон ушар байгаа юм аалам, хэн мэдэхэб.

Эстээр 4:14 ပူးပေါင်းရင်းမြစ်များ

Эхин 22:14

Эзэнэй иигэжэ хуса үгэһэн ушарһаа Абраһаам тэрэ газарые «Эзэн хэрэгтэй зүйл үгэдэг» гэжэ нэрлэбэ. Мүнөөшье болотор «тахилгатай уула дээрэ хэрэгтэй юумээр Эзэн хангажа үгэдэг» гэһэн яряа үгэ бии юм.

4 Хаан түрэнүүд 13:5

Эзэн Израилиие абархын түлөө абарагшые эльгээжэ, израильшуудые Араамай дарлалтаһаа сүлөөлбэ. Тиихэдэнь израильшууд урдандаа байһан шэнги өөһэдынгөө орон нютагта амгалан тайбан ажаһуудаг болобо.

4 Хаан түрэнүүд 19:3

Хэзэкияа Исайда иимэ мэдээсэл дуулгахыень тэдээндэ даалгаа бэлэй: «Энэ үдэр болбол гай гасалангай, хэһээлтын, нэрэ хүндөө бууралгын үдэр. Нарайлхаяа байһан аад, түрэхэ арга шадалгүй эхэнэртэл адли байнабди.

Эзраа 9:9

Бидэ богоолнуудбди, харин богоолшолгыншье үедэ Та, манай Бурхан, бидэниие орхёогүйт. Персиин хаашуулые манда зөөлөөр хандуулжа, маниие һөөргөө өөдэлхэ, Иудадаа, Иерусалимдаа бусажа аршалагдаха, һандаралда ороһон Бурханайнгаа һүмэ дахинаа һэргээн бодхоохо арга манда олгоот.

Нэхэмьяа 6:11

Би иигэжэ хэлэбэб: – Нам шэнги хүн зугадаха болоно гү? Би өөрынгөө ами наһа абархын тула Һүмэ соо хорохо болоно гүб? Орохогүйб.

Эстээр 2:15

Абиһааилай басаган Эстээр, Мордохайн үеэлэ, үргэмэл басаганиинь, хаанда орохо сагайнгаа ерэхэдэ, хаанай тайган түшэмэл Хигай гэгшын зүбшэлэй ёһоор хубсаһа хунар үмдэжэ, гоёолто зүүжэ тааруулба. Тэрэ бэшэ юушье эрибэгүй. Эстээрые хараһан хүн бүхэн өөрыень һайхашаажа байба.

Эстээр 2:17

Эзэн хаан бусад басагадһаа үлүүгээр Эстээртэ дурлажа, энхэрэн илдамаар хандажа, толгой дээрэнь хатанай титим табижа, Баштиин орондо хатан болгон үргэбэ.

Эстээр 2:7

Мордохайн үеэлэ үхин Һадассаагай эхэ эсэгынь хоюулаа наһа барахада, Мордохай басагые үргэн абажа, түрэһэн басагандаа мэтээр хандажа, тэнжээгээ бэлэй. Басаганай нэрэ «Һадассаа», гэбэшье тэрэ «Эстээр» гэжэ үшөө ондоо нэрэтэй һэн. Тэрэ үзэсхэлэн һайхан, тэгшэ гоё бэетэй басаган бэлэй.

Эстээр 4:13

тэрэ Эстээртэ иимэ харюу эльгээбэ: – Хаанай ордондо байгаа хадаа бүхы иудейнүүд сооһоо гансаарханаа амиды мэндэ гарахаб гэжэ ши бү һана!

Эстээр 4:15

Эстээр энээниие шагнаад, Мордохайда иимэ харюу эльгээбэ:

Экклезиаст 3:7

хубсаһаа удар татаха саг ба хубсаһаа хадхаха оёхо саг; анираа хатаха саг ба амалан яриха саг;

Исай 49:23

Тэдэнэй хаашуул эсэгэ мэтээр, хатануудынь эхэнүүд мэтээр шамда хандажа, урдашни доро дохин байха. Тиихэдэнь Намайе Эзэн гэжэ мэдэдэг болохош, Намһаа туһа эригшэд заабол туһадам хүртэхэ».

Исай 54:17

Харин ямаршье зэр зэбсэг шамайе шархатаахагүй, шамайе зэмэлжэ хэлэһэн хүн бүхэндэ харюутайл байхаш. Би Өөрын зарасанарые аршалхаб, илалта туйлуулхаб!» Иигэжэ Эзэн айладана юм.

Ерэмияа 30:11

Би таанадтай байхаб, абархаб. Таанарые арадуудай хоорондо тараагаа һэм, тэдэ арадуудые Би усадхахаб. Гэбэшье таанадые усадхахагүйб. Харин таанадые хэһээнгүй орхихогүйб, теэд хэһээхэдээ, үнэн зүбөөр хэһээлтэ амасуулхаб! Энэ болбол Би, Эзэн, айладхана мүн!

Ерэмияа 46:28

Минии зараса Яков, бү ай, Би таанадтай байнам. Таанадые ондоо орон нютагаар тараагаа һэм, тэрэ нютагай үндэһэ яһатаниие хюдахаб. Таанадые үгы хэхэгүйб, гэбэшье хэһээлтэ амасуулхаб, үнэн зүбөөр хэрэг ябуулхаб! Энэ болбол Би, Эзэн, айладхана мүн!

Левит 26:42

Би Яковтай, Исаагтай, Абраһаамтай баталһан хэлсээгээ һанахаб, энэ газараа һанахаб даа.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Матвей 24:22

Хэрбээ тэдэ зоболонто үдэрнүүдэй тоое Бурханай үсөөрүүлээгүй һаа, хэншье абарагдахагүй һэн. Зүгөөр шэлэжэ абаһан хүнүүдэйнгээ аша туһада Бурхан тэдэ үдэрнүүдэй тоо үсөөрүүлхэ юм.

Хуули дабталга 32:36

Эзэн Өөрынгөө арад зониие сүүдлэхэ. Тэдэнэр хүсэгүй болоо, Өөртэнь мүргэдэг зон ямаршье туһагүй болоо гэжэ харахадаа, эдэ зониие Тэрэ хайрлаха.

Ударидагшад 15:6

«Хэн энэ муухай хэрэг хэбэ гээшэб?» – гэжэ пилиштүүд асууба. Тэдээндэ иигэжэ харюусабад: «Тимнааһаа хүрьгэн орогшо Самсоон энэ хэрэг хэбэ. Ушар юуб гэхэдэ, хадам эсэгэнь тэрэнэй һамгые ондоо хүндэ, тэрэнэй нүхэртэ үгөө юм». Тиихэдэнь пилиштүүд ошожо, Самсооной һамгые эсэгэтэйнь хамта гэр соонь галдажархибад.

1 Хаан түрэнүүд 12:22

Юуб гэхэдэ, Эзэн агууехэ нэрынгээ түлөө Өөрын арад түмэниие орхихогүй. Ушарынь гэбэл, Эзэн таанарые Өөрынгөө арад зон болгон шэлээл!

1 Хаан түрэнүүд 17:29

Харин Давид: – Би юу хээ юмбиб? Һуража болохогүй юм гү? – гэбэ.