Эстээр 3:8 - Библи

⁸ Энээнэй удаа Һамаан Ахашвероош хаанда орожо: – Манай улас түрын бүхы аймаг, бүхы үндэһэ яһатадай дунда таранхай нэгэл зүрюу һанаатай үндэһэтэн бии. Тэдэнэй хуули ёһонууд ондоо, тэдэ хаанай хуули зарлиг сахинагүй. Эзэн хаан, та тэдэниие хэһээнгүй миин бү орхиита.

Эстээр 3:8 ပူးပေါင်းရင်းမြစ်များ

Эзраа 4:6

Хаан түрэеэ Ахашвероошой һая эзэлээд байхада Иудын газарта, Иерусалимда ажаһуугшадые гэмнэжэ, дайсалагша зон гомдол бэшэһэн юм.

Нэхэмьяа 1:8

Гэбэшье Өөрын богоол Моисейдэ иигэжэ айладаһанаа һаныт: «Хэрбэеэ таанадай урбабал, Би таанадые арадуудай хоорондо сасан тараахаб.

Эстээр 3:9

Энээниие зүб гэжэ һанабал, тэдэниие усадхаха тушаа зарлиг буулгыт. Тиигэбэл, хаанай санда оруулхаяа сангай түшэмэлнүүдтэ арбан мянган талаант сагаан мүнгэ үгэхэб, – гэбэ.

Эстээр 4:1

Мордохай энээн тушаа дуулахадаа, ехэ гашуудажа, хубсаһаа шуу татажа, гашуудалай хубсаһа үмдэжэ, толгой дээрээ үнэһэ сасажа, хотын гудамжада гаража, шангаар уйлан, гашуудан ябаба.

Ерэмияа 33:24

– Израиль болон Иудын хан түрые шэлэһэн аад, Минии тэдэниие буруушааһан тухай зоной хэлсэжэ байһые ойлгоо гүт? Тэдэ Минии арад түмэн руу дээрэлхыгээр хаража, үндэһэ яһатан байна гэжэ тооногүй.

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Эзэкээл 11:16

Эдээндэ Минии иигэжэ айладаһые дуулга: «Би тэдэниие ондоо арадууд руу абаашан, ондоо орон нютагуудаар тараагаашье һаа, ошоһон газарнуудтань Би Өөрөө түр зуура тэдэнэй Һүмэ болооб».

Эзэкээл 6:8

Гэбэшье үсөөхэн зарим зонииетнай абаржа, ондоо үндэһэ яһатадай дундуур сасан байлгахаб.

Даниил 3:8

Энэ үедэ халдейшүүдэй зариман иудейнүүдые хоблон муушалха арга гаргаба ха.

Даниил 6:13

Тиихэдэнь тэдэ хаанда: – Иудаһаа баряанда абтаһан зоной нэгэн болохо Даниил танииешье, хаан, танай зарлигыешье тооногүй: зальбаралнуудаа тэрэ үдэртөө гурба дахин уншажа байнал, – гэбэ.

Даниил 6:14

Энээниие дуулахадаа, хаан угаа голхоржо, Даниилые абарха гэжэ шиидэбэ. Абарха арга тэрэ наранай оротор бэдэрээ бэлэй.

Левит 26:33

Таанадые буса арад зоной дунда тараахаб, хойноһоотнай һэлмэ һугалхаб. Газартнай хооһорхо, хото балгасатнай һандаргагдаха.

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Тоололго 23:9

Би байсын оройһоо тэрэниие шэртэнэб, би гүбээгэй оройһоо тэрэниие харанаб. Бусад арадуудтай тэдэ ниилэнгүй, бултадаа тэдэнэр аминдаа ажаһуунал.

Иоанн 7:35

Тиихэдэнь еврейнүүд өөһэд дундаа хөөрэлдэбэ: – Үгы, бидэнэй Тэрэниие олохогүй ямар газарта Энэмнай ошохоёо түхеэрбэб? Али грегүүдэй дунда тарашоод байһан манай улад зондо ошожо, грегүүдые һургахаяа һанаба гү?

Хэрэгүүд 24:5

Энэ хүн Назорейн шажанай бүлгэм толгойлжо, хёмороо татадаг хүн юм, юртэмсэ дэлхэйгээр хаа хаанагүй ажаһуудаг еврейнүүдэй дунда үймөө татаа юм.

Хэрэгүүд 28:22

Гэбэшье өөрынтнай һанамжа бидэ дуулаха дуратай байнабди, юуб гэхэдэ, һүзэглэгшэдэй энэ бүлгэм хаа хаанагүй арсалдаа гаргадаг гэжэл бидэ мэдэнэбди.

Хуули дабталга 30:3

Эзэн таанадые хайрлажа, баряанһаа бусаажа, арадууд хоорондуур тарааһанаа һөөргэнь та бүгэдые суглуулан асарха, үршөөл хайраяа бэлэглэхэ.

Хуули дабталга 32:26

Би хэлээб: „Тэдэниие тараан сасахаб, үгы хэхэб, тиихэдэм тэдээн тушаа зон огтолон мартаха“.

Хуули дабталга 4:27

Эзэн таанадые бүхы арадуудаар тарааха, тиихэдэнь тэдэ арадуудайнь дунда үсөөхэн тоотой үлэхэт.

Яковай хандалга 1:1

Бүхы газар дэлхэйгээр тараһан арбан хоёр угсаата Бурханай зон, таанадые Бурханай болон Эзэн Иисүүс Христоосой Яков зараса мэндэшэлнэ.

Пётрой 1-дэхи хандалга 1:1

Понт, Галаат, Каппадоки, Аси, Битиини нютагуудаар таража һууһан ерүүл зон, Бурханай шэлэжэ абаһан хүнүүд, таанадые Иисүүс Христоосой Пётр элшэн амаршална.