Эстээр 3:13 - Библи

¹³ Энэ зарлигай ёһоор иудей он тоололгын арбан хоёрдохи һарын, ондоогоор хэлэбэл, адаар һарын арбан гурбанда, нэгэ үдэрэй туршада хүгшэн залуу гэжэ илгангүй, хүүгэд, эхэнэр гэжэ хайрлангүй, бүхы иудейнүүдые алажа хюдаад, эд зөөрииень хуряан абаха ёһотой байба. Хаанай элшэнэр улас түрын бүхы можо аймагуудаар иимэ бэшэгүүдые абаашаба.

Эстээр 3:13 ပူးပေါင်းရင်းမြစ်များ

2 Угай бэшэг 30:6

Иигэжэ хаанай болон түшэмэлнүүдэйнь бэшэгүүдые абанхай элшэд Израилиин болон Иудын газар дайдаар ябажа, хаанай захяа заабаряар иигэжэ хэлэн байба: – Израилиин арад зон, Абраһаамай, Исаагай болон Израилиин Эзэн Бурханда эрьегты! Ассириин сэрэгэй һүүлээр амиды мэндэ үлөөшэ танай зондо Тэрэ тиихэдэ эрьехэл.

Эстээр 7:4

Маанадые мүнгэнэй түлөө усадхаха гэжэ байна. Хэрбээ минии арад түмэниие нээрээшье богоол болгон худалдаха гэжэ байгаагүй һаань, эзэн хаамни, танда би нэгэшье хандахагүй байгааб.

Эстээр 8:5

– Минии эрхим хаан, хэрбээ һанаандатнай минии таараһан, үршөөл хайра доротнай байгаа һаамни, эзэн хаанайм бүхы можо нютагуудаар ажаһуугша иудейнүүдые усадхахаар Агаагай удам угсаа болохо Һаммидаатын Һамаанай һэдэн гаргаһан тогтоолые болюулха тухай зарлиг гаргажа болохо гү?

Эстээр 9:1

Еврей он тоололгын арбан хоёрдохи һарын, иудей хэлээр адаар һарын арбан гурбан болобо. Тэрэ үдэр эзэн хаанай нэрээр гаргаһан анханай зарлигай ёһоор дайсад иудейнүүдые диилэхэбди гэжэ һанаа бэлэй. Гэбэшье тад ондоогоор хэрэг эрьебэ, иудейнүүд харшалагшадаа диилээ һэн.

Эстээр 9:5

Иигэжэ иудейнүүд өөһэдыень үзэн ядадаг дайсадаа хайра гамгүй һэлмээр сабшан хюдажа, өөһэдын дураар хэрэг үйлэдэбэ.

Иоов 9:25

Амидарални гүйгшэдэй урилдаан мэтэ хурдан үнгэрнэ. Тэрэ һайниие юрэдөө үзэнэгүй.

Исай 10:6

Би Ассириие бурхангүй үндэһэтэнэй урдаһаа, Минии уур хилэн хүдэлгэһэн арад түмэнэй урдаһаа ябуулхаб. Дээрмэдэхэ, тонохын тула, гудамжын шабар шабхай мэтээр зониие гэшхэхын тула эльгээхэб».

Ерэмияа 51:31

Хотын заха бүхэнһөө эзэлэгдэһэн тухай Вавилооной хаанда дуулгахаяа зарлагша нүгөөдэ зарлагшатай мүргэлдэн шахуу гүйлдэжэ байна.

Римэйхиндэ 3:15

Тэдэнэр гэмтээхэ, алахадаа түргэн юм.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.

1 Хаан түрэнүүд 15:3

Мүнөө ши ошожо, амалээгүүдые бута сохин, тэдэнэй хамаг юумые усадха, бү хайрла. Эрэ, эмые, нарай нялха хүүгэдыньшье, үхэр ба хони, тэмээ ба элжэгыень бултыень хюда» гэнэ, – гэбэ.

1 Хаан түрэнүүд 22:19

Тэрэ санаартанай хото Нообые, эрэшүүлһээ эхилээд эхэнэрнүүд хүрэтэр, эдиршүүлһээ эхилээд нарай нялха үхибүүд хүрэтэр, үхэр, элжэгэ болон хонидые һэлмын эреэр усадхаба.