Эстээр 2:16 - Библи

¹⁶ Ахашвероош хаанай шэрээдэ заларһанай удаа долоодохи жэлэй арбадахи һарада, иудейнүүдэй тоололгоор, тэбээт һарада, Эстээрые хаанай үргөөдэ оруулба.

Эстээр 2:16 ပူးပေါင်းရင်းမြစ်များ

Эзраа 4:6

Хаан түрэеэ Ахашвероошой һая эзэлээд байхада Иудын газарта, Иерусалимда ажаһуугшадые гэмнэжэ, дайсалагша зон гомдол бэшэһэн юм.

Эзраа 7:8

Хаанай хан шэрээдэ һууһаар долоодохи жэлэй табадахи һарада тэдэ Иерусалим хүрэжэ ерээ.

Эстээр 2:1

Энэ үйлэ хэрэгэй удаа Ахашвероош хаан уур сухалайнгаа буурахада, Баштии, тэрэнэй хэһэн хэрэг, тэрээн тушаа буулгаһан зарлиг тухайгаа һанаба.

Эстээр 2:15

Абиһааилай басаган Эстээр, Мордохайн үеэлэ, үргэмэл басаганиинь, хаанда орохо сагайнгаа ерэхэдэ, хаанай тайган түшэмэл Хигай гэгшын зүбшэлэй ёһоор хубсаһа хунар үмдэжэ, гоёолто зүүжэ тааруулба. Тэрэ бэшэ юушье эрибэгүй. Эстээрые хараһан хүн бүхэн өөрыень һайхашаажа байба.

Эстээр 2:17

Эзэн хаан бусад басагадһаа үлүүгээр Эстээртэ дурлажа, энхэрэн илдамаар хандажа, толгой дээрэнь хатанай титим табижа, Баштиин орондо хатан болгон үргэбэ.

Эстээр 2:3

Хан түрын бүхы аймаг нютагуудаар залуу һайхан басагадые шэлэн бэдэрхэ түлөөлгэтэй зониие томилыт. Тэдэ басагадые ниислэл хото Сүүзэдэ, ордоной эхэнэрнүүдэй таһагта асараг. Басагад, эхэнэрнүүдэй харуулшан, тайган түшэмэл Хигайн харууһан доро үгтэхэ, тэдээндэ гоё һайханаар анхилһан түрхидэг тоһон үгтэдэг байха.

Эстээр 8:9

Иигэжэ иудейнүүдэй он тоололгоор гурбадахи һарын, иудей хэлээр «сиваан» һарын хорин гурбанда хаанай бэшээшэд дуудуулагдажа, Перс ба Мидиин улас түрын Энэдхэгһээ Эфиопи улас түрэ хүрэтэр оршодог зуун хорин долоон можо нютагаар ажаһуугааша бүхы иудейнүүдтэ, улас түрын засаг баригшадта барандань, можо аймагай захирагшадта, ноёд, түшэмэлнүүдтэ зорюулһан зарлигые Мордохайн хэлэгшын ёһоор бэшэбэ. Энэ зарлиг улас түрын бүхы можо нютагуудаар ажаһуугааша үндэһэ яһатан бүхэнэй хэлэн дээрэ, өөһэдынь үзэг бэшэгээр бэшэгдэбэ. Энээнһээ гадна зарлиг иудей хэлэн дээрэ үзэг бэшэгээрнь бэшэгдэбэ.