Ерэмияа 7:31 - Библи

³¹ Басагад, хүбүүдээ галда шатаахаяа Бэн-Һинноомой хүндыдэ Тоопэт гэжэ нэрэтэй мүргэлэй обоо зохёон тэдэ түхеэрбэ.

Ерэмияа 7:31 ပူးပေါင်းရင်းမြစ်များ

4 Хаан түрэнүүд 17:17

хүбүүд басагадаа үргэл болгожо галда шатаадаг, үзэл үзэжэ, эльбэ жадха хэжэ һурахые оролдодог болобо. Тиигэжэ тэдэнэр Эзэндэ таарамжагүй хэрэгүүдтэ ба нүгэлдэ дарагдаба.

4 Хаан түрэнүүд 23:10

Тэрэ Бэн-Һинноомой хүнхэртэхи Тоопэдтэ Моолох бурханда өөрынгөө хүбүү ба басага галда үгэлгые болюулба.

4 Хаан түрэнүүд 23:20

Тиигээд тэрэ үргэлэй шэрээнүүд дээрэ санаартадые алаад, тэдэнэй үхэһэн бэенүүдые шатааба. Тиигээд тэрэ Иерусалимда бусаба.

2 Угай бэшэг 28:3

Һинноом хүндыдэ Ахааз уталгануудые ууюулдаг, Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, хүбүүдээ галда шатаан бурхадта үргэдэг байба.

2 Угай бэшэг 33:6

Бэн-Һинноомой хүндыдэ тэрэ хүбүүдээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

Исай 30:33

Ассириин хааниие асари ехэ галда шатааха газар үнинэй бэлдэгдэнхэй. Тэрэ газар гүнзэгы, үргэн. Тэндэ үндэрөөр ябталаатай түлеэе шатаахын тула Эзэн гал дүлэ аманһаа гаргаха!

Исай 57:5

Һаглагар модод доро хурисал хэжэ байһандал, шүтөөнүүдтэ мүргэл хэжэ, хадын жалгаар, горхоной хажуугаар үхи хүүгэдээ аладаг бэшэ гүт?

Ерэмияа 19:2

Потшертэ бартаануудаар гаража, Бэн-Һинноомой хүндыдэ ошожо, Тэрэнэй намда айладхаһан үгэнүүдые би тунхаглаха ёһотой бэлэйб.

Ерэмияа 2:23

Өөрыгөө бузарлаагүйб, Баалда мүргөөгүйб гэжэ ши яагаад хэлэжэ шаданабши? Хүндыдэ өөрынгөө ябадалые харыш! Юу хэһэнээ мэдэжэ аба! Ши хадаа нэгэл замаа дабтан гүйжэ ябаһан хурдан энги мэтэш!

Ерэмияа 32:34

Намда мүргэдэг байхаар баригдаһан Һүмэ соо тэдэ жэгшүүритэй муухай шүтөөнүүдөө хэжэ, бузарлаа.

Ерэмияа 32:35

Тэдэ хүбүүд, басагадаа Моолохто үргэн шатаахын тула Бэн-Һинноомой хүндыдэ Баалда зорюулан, үргэлэй газарнуудые байгуулаа. Энээниие үйлэдэхэ тухай Би тэдээндэ захираа бэшэб, иимэ юумэ хэхэ, Иудын хан түрын бүхы зониие нүгэлтэй болгохо гэжэ һанаандамнишье орохогүй байгаа.

Эзэкээл 16:20

Намда зорюулан түрэгшэ үхи хүүгэдээшье ши абажа, тэдэ онгонуудта үргэл болгон үргөөш! Өөрөө намда урбахашни багадаад,

Эзэкээл 20:26

Жэгшүүрилтэй муухай үргэлнүүдые, тэрэ тоодо ууган хүбүүдээ үргэл болгон үргэхые Би тэдээндэ зарлан байгааб. Энэ хадаа тэдээндэ хэһээлтэ ушаруулха, Минии Эзэн байһые тэдээндэ гэршэлхэ ёһотой бэлэйл.

Эзэкээл 20:31

Онгонуудта бэлэг сэлэг, үнгэрхэдөө, өөрын үхи хүүгэдые үргэжэ, өөһэдыгөө бузарлаад, мүнөө болоходо Минии хүсэл, түсэб мэдэхэеэ һананат. Ямаршье харюу таанадта үгэхэгүйб гэжэ Би, Эзэн Бурхан, амиды мэндэ байһаараа тангариглан соносхоноб.

Левит 18:21

Өөрынгөө үри хүүгэдээ Моолохто бү һүгэдүүлэ, өөрынгөө Бурханай нэрэ гутаахаш. Би хадаа Эзэнби.

Михей 6:7

Теэд Эзэндэ хэдэн мянган хуса, гол мэтэ дууһашагүй оливын тоһо абаад ошоошье һаам, Тэрээндэ энэ һайшаагдаха гү? Нүгэлөө наманшалхаяа ууган хүбүүгээ үргэхэ гүб?

Хуули дабталга 12:31

Эзэн Бурхандаа тэдээндэл адляар бү хандагты. Эзэнэй жэрхэдэг, үзэн ядадаг юумые эдэнэр хэдэг, үхи хүүгэдээшье бурхадтаа үргэн, гал дээрэ шатаадаг байгаал!

Хуули дабталга 18:10

Хүбүүгээ гү, али басагаяа гал дээрэ шатаажа үргэхэ ёһогүйт. Ерээдүйе айладагша, тааха шэдитэн, юумэ харадаг хүн, эльбэ жэльбэтэй нэгэн таанадай дунда бү байг,

Нүүнэй Иисүүс 15:8

Тэндэһээ хилэ Һинноомой хүбүүнэй хүнды тээшэ Евүүсэй урда талаһаа үгсэнэ. Тэрэ Иерусалим гээшэ. Тиигээд хилэ Һинноомой хүнды тушаа баруун тээнь байһан хадын оройдо гарана. Һинноомой хүнды хойшоо Рэпаиимэй хүндын захада оршодог.