Ерэмияа 6:20 - Библи

²⁰ Шэбааһаа асардаг гүгэл, алас холо нютагһаа санзай ууюулганууд Намда юуштэб? Тэдэнэй түгэс шатаалта үргэлнүүд Намда хэрэггүй, үргэлнүүдынь Намда зохисгүй.

Ерэмияа 6:20 ပူးပေါင်းရင်းမြစ်များ

2 Хаан түрэнүүд 15:12

Абшалоом үргэл хэхэдээ хүниие ябуулжа, Давидай зүбшэгшэ Ахитоопэлые Гилоо хотоһоонь дуудажа асаруулба. Иигэжэ шанга нюуса хэлсээн байгуулагдажа, Абшалоомтой нэгэдэн ниилэхэ зоной тоо олон боложол байгаа бэлэй.

3 Хаан түрэнүүд 10:10

Тиигээд тэрэ хаанда асарһан бэлэгүүдээ барюулба: зуун хорин талаант шэжэр алта, үнэтэ эрдэни шулуунуудые, үнэтэ хангалтай гүгэлнүүдые. Соломоон хаанда Шэбаагай хатанай бэлэглэһэнһээ үлүү иимэ ехэ гүгэл бэшэ хэзээдэшье асаржа байгаагүй юм.

Псалманууд 40:6

Харин дайсадни нам тушаа иигэжэ муу юумэ хэлсэнэ: «Тэрэ хэзээ үхэжэ, нэрэнь дурдагдахаяа болихо гээшэб?».

Псалманууд 66:3

Тиигэбэл, Танай зам газар дэлхэй дээр ойлгосотой болохо, бүхы үндэһэтэд абаралыетнай ойлгохо.

Египедһээ гаралга 30:23

– Эгээл эрхим хүжэ санзай болохо табан зуун шээкэл мирра модоной дабирхай, хоёр зуу табин шээкэл халуун ороной хангалта лавр модоной нюдэһэн холтоһо, хоёр зуун табин шээкэл хангал үнэртэй хулһа,

Һургаал 15:8

Хара нүгэлтэнэй үргэлһөө Эзэн жэрхэдэг. Үнэн сэдьхэлтэй хүнэй зальбарал Тэрэнэй талархалда хүртэдэг.

Һургаал 21:27

Нүгэлтэнэй үргэһэн үргэлыншье бузартай, илангаяа хорон муу һанаагаар үргэһэн үргэл бүришье муухай.

Исай 1:11

Тэрэ иигэжэ айладхана: «Танай эды олон үргэл Намда хэрэгтэй бэшэл. Хусын түгэс шатаалта үргэлдэ, тарган тобир малай өөхэндэ үни хада саданхайб. Бухын, хурьга, ямаанай шуһаншье Намда хэрэггүй.

Исай 60:6

Тэмээн хамбы Мидиан болон Эпааһаа ерэхэ. Алта, үнэтэ гүгэл тэдэ Шэбааһаа асарха. Тиигээд ерэһэн зон Эзэнэй хэһэн хэрэгүүд тушаа һайн мэдээ дуулгаха.

Исай 66:3

Үргэл үргэжэ, үхэр алана гү, али хүниие алана гү; хурьга үргэл гэжэ үргэнэ гү, али нохойн хүзүү мушхана гү; орооһо таряа үргэнэ гү, али гахайн шуһа үргэнэ гү; уталга ууюулна гү, али шүтөөндэ мүргэнэ гү, – зондо хамаагүй болонхой. Бузар муухай юумэ хэхэдээ тэдэ баясадаг.

Ерэмияа 14:10

Эзэн эдэ арад зон тухай иигэжэ айладхана: «Тэдэ Намһаа холодон зайха дуратай, бэеэ барижа шададаггүй арад. Тиимэһээ Би тэдээндэ талархалгүй болооб. Одоо мүнөө тэдэнэй гэм зэмые хадуун абажа, нүгэлэйнь түлөө хэһээхэб».

Ерэмияа 14:12

Тэдэнэй масаг баряашье хадань, Би уйлаха-бархирхыень дуулахагүйб. Түгэс шатаалта болон таряан үргэлнүүдые тэдэнэй үргөөшье хадань, Би тэдээндэ талархалтай болохогүйб. Харин дайн дажарта, үлэсхэлэн хооһон байдалда болон тахал үбшэндэ тэдэниие хюдан һалгаахаб!

Эзэкээл 20:39

Израилиин арад түмэн, онгонуудтаа мүргөө хадаа мүргэжэл байгты! Тэдээндэ бэлэг-сэлэг үргэжэ, Минии нэрэ гутаажа байхыетнай тииһээр Би болюулхаб! Миниил захиралта дууладаг болохот.

Эзэкээл 27:22

Шэбааһаа, Раамааһаа наймаашад эгээл эрхим халуун ногоогоор, үнэтэ шулуугаар, алтаар шинии эд бараа андалдан абадаг һэн.

Һошээ 8:13

Таанад Намда тахил үргэхэеэ мяха асараад, тэрэнээ эдижэ байнат. Теэд Би, Эзэн, энээндэ дурагүйб. Мүнөө Би тэдэнэй нүгэлнүүдые һанажа, энээнэйнь түлөө тэдэниие хэһээхэм. Би таанадые Египет руу һөөргэнь бусаахаб!

Һошээ 9:4

Хариин газарта тэдэ Эзэндэ архяар үргэл хэдэггүй, бусадшье тахил үргэдэггүй байха. Эдеэ хоолынь ямбада эдиһэн хоолдол, эдиһэн лэ хүниие хорлохо. Хилээмэнь гансал үл залгахын тула, Эзэнэй нангин үргөө руу хэзээдэшье оруулагдахагүй.

Малаахи 1:10

«Минии үргэлэй шэрээ дээрэ гал носоожо байнхаар хэн нэгэнтнай хаалгаяа хааха байгаа. Би таанадта дураа гутажа байнаб, таанадай гарһаа үргэлытнай абахагүйб» гэжэ Түмэн Сэрэгтэ Эзэн айладажа байна.