Ерэмияа 52:8 - Библи

⁸ Теэд Вавилооной сэрэг Цэдэкиия хаанай хойноһоо мүшхэн ябажа, Ерихооной талада тэрэниие хүсэжэ бариба. Цэдэкииягай сэрэгшэд бултадаа хаанаа орхижо тэрьедэбэ.

Ерэмияа 52:8 ပူးပေါင်းရင်းမြစ်များ

Ерэмияа 21:7

Тэрэнэй удаа Иудын хаан Цэдэкиия, шамайе, түшэмэлнүүдыеш болон дайн дажарай, үлэсхэлэн хооһон байдалай, зуд тахалай һүүлээр үлөөшэ зониие Вавилооной хаан Навуходоносороор, таанадые алахаяа һанаһан дайсадаартнай, баряанда абхуулхаб. Навуходоносор таанадые һэлмээр сабшан алаха. Тэрэ хэнииешье амиды мэндэ үлөөхэгүй, хайрлахагүй, энэрэл үзүүлхэгүй. Энэ болбол Би, Эзэн, айладхана мүн!» гээшые нам руу ерэһэн зондо дамжуулан хэлэбэб.

Ерэмияа 32:4

«Иудын хаан Цэдэкиияшье тэрьедэжэ шадахагүй, Вавилооной хаанда баригдаха, улаан нюураараа уулзалдан, хөөрэлдэхэ.

Ерэмияа 34:21

Иудын хаан Цэдэкиия гэгшые, тушаалтадыень дайсадайнь һабарта үгэхэб. Урдаһаатнай добтолгоёо саг зуура тогтооһон Вавилооной сэрэгтэ тэдэниие дамжуулхаб.

Ерэмияа 37:17

Цэдэкиия хаан минии хойноһоо эльгээжэ, ордон руугаа асаруулаад, «Эзэнһээ мэдээсэл бии гү?» – гэжэ асууба. «Бии, – гэжэ хэлээд, – Вавилооной хаанай һабарта орохот», – гэжэ нэмэбэб.

Ерэмияа 37:18

Тиигээд Цэдэкиия хаанһаа би асуугаа һэм: – Ямар гэм зэмэ би танай болон түшэмэлнүүдэйтнай урдаһаа хэһэндээ түрмэ шорондо баригдана гээшэбиб?

Ерэмияа 38:23

бүхы эхэнэрнүүдтнай болон үхи хүүгэдтнай Вавилооной зоной мэдэлдэ орохо, та өөрөө Вавилооной хаанай баряанда орохот. Энэ хото дууһан галдагдаха.

Ерэмияа 39:5

Теэд Вавилооной сэрэг Цэдэкиия хаанай хойноһоо мүшхэн ябажа, Ерихооной талада тэрэниие хүсэжэ бариба. Хамаат нютагай Риблаа хотодо байһан Вавилооной хаан Навуходоносорто Цэдэкиияе асаржа тушаахадань, тэндэ хаан тэрэниие шиидхэбэ.