Ерэмияа 51:6 - Библи

⁶ Вавилооной орон нютагһаа тэрьедэгты! Өөһэдынгөө ами наһа аршалагты! Вавилооной гэм зэмын түлөө бү хюдуулжа байгты! Би хэһэн хэрэгүүдэйнь хэм соо хэһээлтэ амасуулнаб!

Ерэмияа 51:6 ပူးပေါင်းရင်းမြစ်များ

Псалманууд 94:1

Ерэгты, Эзэндэ баяртай дуу дуулая, абаралайнгаа Хабсагайда баяртай шанга дуулалдая.

Һургаал 13:20

Сэсэнтэй ябагша сэсэн болоно. Харин тэнэгтэй нүхэсэгшэ зоболон амсана.

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 63:4

Өөрын арад түмэниие абарха, дайсадыень хэһээхэ саг ерээ гэжэ шиидэбэб.

Ерэмияа 25:14

Вавилооной зоной хэһэн юумые өөһэдтэнь хүргэхэб, олон үндэһэ яһатад, агууехэ хаашуул тэдэниие богоол болгохо.

Ерэмияа 25:16

Тэдэ уужа, найгажа эхилхэ, тэдээн руу Минии шэглүүлһэн дайн дажарһаа боложо, ухааниинь муудаха.

Ерэмияа 27:7

Орон нютагайнь болон өөрынь Навуходоносорой доройтохо сагай ерэтэр бүхы үндэһэ яһатан тэрээндэ, хүбүүндэнь болон ашадань алба хэн байха. Доройтоһонойнь удаа өөрынь арад зон олон зонтой яһатанда болон томо хаашуулда алба хэдэг болохо.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Ерэмияа 48:6

«Түргөөр! Ами наһаяа абарагты! Сүл губиин зэрлиг элжэгэн мэтэ гүйгты!»

Ерэмияа 50:15

Хотые тойрон дайнай оог хашхараа суряатуулагты! Вавилоон абтаа, тэрэнэй хананууд хамхаран унаа, бута сохигдоо. Би тэрээнһээ үһөөгөө абахам, таанадшье өөһэдтэтнай тэрэнэй хандаһанай хэмээр үһөөгөө абыт.

Ерэмияа 50:28

Вавилооной орон нютагһаа тэрьедэн гүйжэ, Иерусалим руу ерэгшэдэй абяан дуулдана. Тэдэ Эзэн Бурханаймнай Һүмын түлөө үһөөгөө абаһан тухай дуулгана.

Ерэмияа 50:31

Вавилооной улад зон, таанад бардам зантайт. Тиимэһээ Би, Түмэн Сэрэгтэ Эзэн Бурхан, таанадай урдаһаа тулахаб. Таанадые Минии хэһээхэ саг ерэбэ.

Ерэмияа 50:8

Израилиин арад түмэн, Вавилоонһоо тэрьедэн ошогты! Тэрэ орон нютагһаа гаран ошогты! Эгээл түрүүлэн ошогты!

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!

Ерэмияа 51:36

Тиимэһээ Эзэн Иерусалимай улад зондо иигэжэ айладхана: – Би танай хэрэг үмэглэжэ, танай түлөө дайсадһаатнай үһөөгөө абахаб. Би Вавилооной булагые хатаахаб, гол мүрэнүүдыень хуурай болгохоб.

Ерэмияа 51:45

Израилиин улад зон, тэндэһээ тэрьедэгты! Өөһэдынгөө ами наһа Минии шанга уур сухалһаа абарагты!

Ерэмияа 51:50

Эзэн Вавилоондо байһан Өөрынгөө арад түмэндэ иигэжэ айладхана: – Таанад абарагдаат! Мүнөө тиигээд ябагты! Хүлеэжэ бү байгты! Гэрһээ холошье байгаа хадаа Нам, өөрынгөө Эзэн, тушаа һанагты, Иерусалим һанаан бодолдотнай орог лэ.

Ерэмияа 51:56

Тэдэ Вавилоониие усадхахаяа ерээ. Вавилооной сэрэгшэд баригдаха, һурша номуудынь эбдэгдэхэ. Би хэһээлтэ амасуулдаг Бурхамби, Вавилооной муу юумэ хэһэн хэмээрнь тэрээндэ хэһээлтэ амасуулхаб.

Ерэмияа 51:9

Тэндэ ажаһуугша хариин зон иигэжэ хэлэбэ: – Бидэ Вавилоониие аргалхаяа һэдээбди, теэд болобогүй. Тэрэниие орхижо, гэртээ хария. Бурхан бии шадал соогоо Вавилоониие хэһээгээ, энээн тушаа бүхы арадууд мэдэнэ.

Гашуудал 3:64

Эзэн, хэһэн хэмээрнь тэдээндэ харюулыт!

Тоололго 16:26

Моисей арад зондо иигэжэ мэдээсэбэ: – Эдэ нүгэлтэй хүнүүдэй майхануудһаа холодогты, юумэнүүдтэнь гар бү хүрэгты. Хэрбэеэ тэдээндэ гар хүрэбэл, хэһэн нүгэлэйнь түлөө хосорхот!

Хуули дабталга 32:25

Газаа – тэдэнэр һэлмээр хороогдохо, гэртээ – айһанһаа зүрхэеэ хахаран гээгдэхэ: эдир хүбүүншье, залуу хүүхэншье, хүхөөр үхибүүншье, сагаан үһэтэй үбгэншье.

Хуули дабталга 32:41

Өөрынгөө сахилгаан һэлмэ хурсадажа, шүүбэрилжэ эхилхэдээ, дайсадһаа үһөөгөө абахаб, Намайе үзэн ядагшадта зэмыень амасуулхаб;

Хуули дабталга 32:43

Бусад яһатад, Бурханай арадтай хамта баярлагты! Юуб гэхэдэ, зарасануудыень алаһан зондо Тэрэ хэһээлтэ амасуулдаг, тэдэнэй түлөө дайсадһаа үһөөгөө абадаг, Өөрынгөө газарай, арад зоной нүгэл хүлисэн арюудхадаг.

Тимофейдэ 1-дэхи 5:22

Эзэндэ өөһэдыгөө зорюулан алба хэхэ һанаатай хүнүүдые гараараа адислахаяа бү яара. Хүнүүдэй нүгэлдэ бү оролсо, өөрыгөө арюун сэбэрээр абажа яба.

Гэршэлгэ 16:19

Аргагүй томо хото гурбан хуби боложо бутаран һандаршаба, бусад арадуудай хотонууд хяа бута һүрэн унашаба. Агуу ниислэл Вавилоон тухай Бурхан һанажа, аргагүй ехэ уур сухалайнгаа аягатай үзэмэй дараһан архиие тэрэ ниислэлдэ уулгаба.