Ерэмияа 51:50 - Библи

⁵⁰ Эзэн Вавилоондо байһан Өөрынгөө арад түмэндэ иигэжэ айладхана: – Таанад абарагдаат! Мүнөө тиигээд ябагты! Хүлеэжэ бү байгты! Гэрһээ холошье байгаа хадаа Нам, өөрынгөө Эзэн, тушаа һанагты, Иерусалим һанаан бодолдотнай орог лэ.

Ерэмияа 51:50 ပူးပေါင်းရင်းမြစ်များ

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Исай 51:11

Танай абарһан зон Сион руу баяртайгаар дуулалдан гараха, зугаа, баяр дэлгэрхэ. Тэдэ хэтэ мүнхэдөө жаргалтай байха, гай тодхор, гашуудал тэдээнһээ һэегүй һалаха.

Исай 52:2

Шоройгоо өөрһөө гүбижэ, һэргэн бодыш, баряанда байгаа Иерусалим! Баряанда байгаа Сионой улад зон, хүзүүнһээ гэнжэ таһалан хаягты!

Ерэмияа 31:21

Өөртөө зорюулан, замай тэмдэгүүдые табижа, дохёо тэмдэгүүдые бүхэлэ. Өөрын оюун бодолые ябаһан зам руугаа, ехэ зам руу шэглүүлэ. Эрьен ерыт, Израилиин улад зон, өөрын орхин ошоһон хото руу эрьен ерэгты.

Ерэмияа 44:28

Гансал үсөөхэн зонтнай амиды мэндэ үлэжэ, Египедһээ Иудын орон нютагаа бусаха. Тэдэ амиды үлөөшэд лэ Минии гү, али тэдэнэй үгын бэелүүлэгдэһые ойлгохо.

Ерэмияа 50:8

Израилиин арад түмэн, Вавилоонһоо тэрьедэн ошогты! Тэрэ орон нютагһаа гаран ошогты! Эгээл түрүүлэн ошогты!

Ерэмияа 51:45

Израилиин улад зон, тэндэһээ тэрьедэгты! Өөһэдынгөө ами наһа Минии шанга уур сухалһаа абарагты!

Ерэмияа 51:6

Вавилооной орон нютагһаа тэрьедэгты! Өөһэдынгөө ами наһа аршалагты! Вавилооной гэм зэмын түлөө бү хюдуулжа байгты! Би хэһэн хэрэгүүдэйнь хэм соо хэһээлтэ амасуулнаб!

Эзэкээл 6:9

Баряанда байхадаа тэдэ зон Нам тушаа һанаха, Намһаа холодоһондоо, онгонуудта мүргэжэ эхилһэндээ тэдэ өөһэдһөө жэрхэжэ эхилхэ.

Даниил 6:11

Бурхандаа мүргэжэ байха үеыень һамбаашалан, тэдэ зон Даниилда бултадаа ерэжэ, зальбаржа байһыень хараба.

Гэршэлгэ 18:4

Тэнгэриһээ иигэжэ хэлэһэн ондоо абяан намда дуулдаа: – Энэ ниислэлэй нүгэл шэбэлынь таанарта нүлөөлхэгүйн тула, гай аюулынь таанарые дайрахагүйн тула, арад зомни тэрэ хотые орхиит.