Ерэмияа 51:49 - Библи

⁴⁹ Вавилоон хадаа бүхы дэлхэйн арад түмэниие хюдажа байгаа, Израилииншье угаа олон зониие алаа, мүнөө өөрөө алдалан унаха. Энэ болбол Би, Эзэн, айладхана мүн!

Ерэмияа 51:49 ပူးပေါင်းရင်းမြစ်များ

Ерэмияа 50:11

Эзэн иигэжэ айладхана: – Вавилооной улад зон, таанад Минии арад түмэниие тоноот. Жаргажа, налайжа, таряа сохижо байһан үнеэндэл ябабат, азаргадал инсагаалнат.

Ерэмияа 50:29

Вавилооной урдаһаа харбагшадые дуудагты. Хотые тойрон, хэнииешье тэндэһээ амиды мэндэ табингүй тэдэ зогсог лэ! Үйлэдэһыень өөртэнь бусаагты! Ондоо арадуудта ямараар хандаа һэм, тон тиимээр өөртэнь хандагты! Юуб гэбэл, Вавилоон Минии, Израилиин Нангинай, урдаһаа бардамлан үндыгөөл.

Ерэмияа 51:24

Эзэн иигэжэ айладхана: – Сион дээрэ хэһэн бүхы муу бузар хэрэгүүдэйнь түлөө Би танай хараһаар байтар Вавилоондо хэһээлтэ амасуулхаб.

Ерэмияа 51:35

Сионой зон иигэжэ хэлэхэ: «Маанад тушаа хүсэ хэрэглэһэнэйнгээ түлөө гансал Вавилоон харюусаха». Иерусалимай зон иигэжэ хэлэхэ: «Бидэнэй шуһа урдахуулһанайнгаа түлөө гансал Вавилоон зэмэтэй!»

Матвей 7:2

Ушарынь хэлэбэл, бусадые яажа зэмэлнэбта, тиигэжэл Бурхан таанадые зэмэлхэ, ямар хэмжээгээр хэмжэнэбта, тиимэл хэмжээгээр танда хэмжэжэ үгэхэ.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.

Гэршэлгэ 18:24

Бурханай хүнүүдэй, лүндэншэдэй, газар дэлхэйдэ амидаржа ябахадаа алуулһан зоной шуһа адхарһанда энэ хото зэмэтэй!»

Ударидагшад 1:7

Адони-Бээзэг тэдээндэ иигэжэ хэлэбэ: – Би далан хаашуулай хүлэйнь болон гарайнь эрхы хургануудые таһар сабшаа һэм. Минии шэрээ доро мухарин унаһан тэдэ эрхы хургануудые тэдэнэр суглуулаа бэлэй. Мүнөө Эзэн эгээл тэрэ минии хэһэн үйлэ хэрэгээрни намайе хэһээбэ. Тэрэниие Иерусалимда асарба. Тэрэ тэндэ наһа бараа.