Ерэмияа 51:45 - Библи

⁴⁵ Израилиин улад зон, тэндэһээ тэрьедэгты! Өөһэдынгөө ами наһа Минии шанга уур сухалһаа абарагты!

Ерэмияа 51:45 ပူးပေါင်းရင်းမြစ်များ

Исай 48:20

Вавилоонһоо гарагты, Халдейһээ зугадагты! Баяртайгаар хашхаран, тунхаглагты, дэлхэйн хизаар хүрэтэр иимэ мэдээ тараагты: «Эзэн Өөрынгөө богоол Яковта эрхэ сүлөө үршөөгөө!»

Ерэмияа 50:28

Вавилооной орон нютагһаа тэрьедэн гүйжэ, Иерусалим руу ерэгшэдэй абяан дуулдана. Тэдэ Эзэн Бурханаймнай Һүмын түлөө үһөөгөө абаһан тухай дуулгана.

Ерэмияа 50:8

Израилиин арад түмэн, Вавилоонһоо тэрьедэн ошогты! Тэрэ орон нютагһаа гаран ошогты! Эгээл түрүүлэн ошогты!

Ерэмияа 51:50

Эзэн Вавилоондо байһан Өөрынгөө арад түмэндэ иигэжэ айладхана: – Таанад абарагдаат! Мүнөө тиигээд ябагты! Хүлеэжэ бү байгты! Гэрһээ холошье байгаа хадаа Нам, өөрынгөө Эзэн, тушаа һанагты, Иерусалим һанаан бодолдотнай орог лэ.

Ерэмияа 51:6

Вавилооной орон нютагһаа тэрьедэгты! Өөһэдынгөө ами наһа аршалагты! Вавилооной гэм зэмын түлөө бү хюдуулжа байгты! Би хэһэн хэрэгүүдэйнь хэм соо хэһээлтэ амасуулнаб!

Ерэмияа 51:9

Тэндэ ажаһуугша хариин зон иигэжэ хэлэбэ: – Бидэ Вавилоониие аргалхаяа һэдээбди, теэд болобогүй. Тэрэниие орхижо, гэртээ хария. Бурхан бии шадал соогоо Вавилоониие хэһээгээ, энээн тушаа бүхы арадууд мэдэнэ.

Захарияа 2:7

«Һэй, Сион, Вавилооной үхинтэй хамта байрлаһан таанар тэндэһээ зайлагты» гээ.

Тоололго 16:26

Моисей арад зондо иигэжэ мэдээсэбэ: – Эдэ нүгэлтэй хүнүүдэй майхануудһаа холодогты, юумэнүүдтэнь гар бү хүрэгты. Хэрбэеэ тэдээндэ гар хүрэбэл, хэһэн нүгэлэйнь түлөө хосорхот!

Хэрэгүүд 2:40

Мүн ондоошье олон үгэнүүдээр Пётр тэдэниие һэргылэн идхаба: – Энэ забхай ябадалтан дээрэ бууха Бурханай хэһээлтэһээ яажа бэеэ абархаяа бодогты.

Коринфынхидтэ 2-дохи 6:17

«Тиимэһээ тэдэ һүзэггүй зоной оршолониие орхижо, тэдэ зонһоо холодогты. Бузар юумэндэ бү хүрэгты, тиигэбэл Би таанадые һайшаахаб.

Гэршэлгэ 18:4

Тэнгэриһээ иигэжэ хэлэһэн ондоо абяан намда дуулдаа: – Энэ ниислэлэй нүгэл шэбэлынь таанарта нүлөөлхэгүйн тула, гай аюулынь таанарые дайрахагүйн тула, арад зомни тэрэ хотые орхиит.