36 Тиимэһээ Эзэн Иерусалимай улад зондо иигэжэ айладхана: – Би танай хэрэг үмэглэжэ, танай түлөө дайсадһаатнай үһөөгөө абахаб. Би Вавилооной булагые хатаахаб, гол мүрэнүүдыень хуурай болгохоб.
Эзэн ядуу хүнүүдэй гомдол шүүн шиидхэжэ, тэдэниие зобооһон хүнүүдэй амииень абана.
Тэдээндэ хүсэтэ Үмэглэгшэ байха. Тэдэнэй талаһаа Тэрэ зарга бариха.
Далайн уһан хатажа, Нил мүрэнэй уһан шэргэхэ.
Израилиин арюун Бурхан, таанадые Абарагша Эзэн иигэжэ айладхал буулгана: «Таанадые абархын тула Би Вавилооной урдаһаа сэрэг эльгээгээб, баяртай бардамаар хашхардаг халдейшүүдэй уһанай онгосоор тэрьедэхэдэнь, хюдахаб!
Минии тэнгис далайда захирхада, уһаниинь шэргэжэ хатадаг.
Газар дайдадань ган гасуур болог! Гол мүрэнүүдынь шэргэг! Вавилоон орон нютаг хадаа аймшагтай шүтөөнүүдэй газар, тэдэнь зониие үбэштэй болгоо.
Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!
Вавилооной орон нютагһаа тэрьедэгты! Өөһэдынгөө ами наһа аршалагты! Вавилооной гэм зэмын түлөө бү хюдуулжа байгты! Би хэһэн хэрэгүүдэйнь хэм соо хэһээлтэ амасуулнаб!
Минии арад түмэн Израиль Минии түлөө Эдоомһоо үһөөгөө абаха, уур хилэнгыем Эдоомой зондо мэдэрүүлхэ, иигэжэ тэдэ Минии үһөөгөө абалга ямар гээшэб гэжэ мэдэдэг болохо.
Бусад обогуудта орходоо Эпрааим үнэр олоншье хадаа, зүүн зүгһөө бодоһон һалхинда, сүл губиһаа Минии эльгээһэн һалхинда тэрэнэй үрэжэл хаташаха, булагынь шэргэхэ. Би үнэтэ сэнтэй юумэ нөөсэлһэн һангыень хооһолхоб.
Аха дүүнэр, үһөөгөө абахые бү һэдэгты, харин Бурханай уур сухалда тэрэнээ даалгагты. «Би үһөөгөө абахаб, Би харюулхаб гэжэ Эзэн хэлэнэ», – гээд Нангин Бэшэг соо бэшээтэй байдаг.
Бүдэрхэдэнь, үһөөгөө абахаб, зэмыень амасуулхаб. Хосорхо сагынь дүтэлөө, удахагүй тэдэнэр хэһээгдэхэ».
Бусад яһатад, Бурханай арадтай хамта баярлагты! Юуб гэхэдэ, зарасануудыень алаһан зондо Тэрэ хэһээлтэ амасуулдаг, тэдэнэй түлөө дайсадһаа үһөөгөө абадаг, Өөрынгөө газарай, арад зоной нүгэл хүлисэн арюудхадаг.
Зургаадахи Эльгээмэл өөрынгөө аяга соохиие асари ехэ Евфрат мүрэн руу адхаба. Тиихэдэнь тэрэ мүрэн хатажа, Зүүн зүгэй хаашуулай хуурай газараар ябаха харгы гаргагдашаба.