Ерэмияа 51:30 - Библи

³⁰ Вавилооной сэрэгшэд тулалдахаа болижо, бата хэрэмүүдтээ хоргодон байна. Тэдэ шэн зориггүй, хүсэгүй ядуу болонхой. Хотын бартаанууд һандаргагдаа, гэр байрануудынь галдагдаа.

Ерэмияа 51:30 ပူးပေါင်းရင်းမြစ်များ

Псалманууд 76:5

«Нюдыем анюулнагүйт, угаа ехэ сохилто абаад, дуугаржа шадахаа болёод байнам».

Исай 19:16

Египедэй зон эмэ зондол адли аймхай болохо. Түмэн Сэрэгтэ Эзэнэй тэдэниие хэһээхэеэ гараа һунгахые харахадаа, тэдэ айн шэшэржэ байха.

Исай 47:14

Тэдэ һолоомо мэтэ боложо, галда дүрөө! Өөһэдыгөөшье абаржа шадаагүй! Дулаасаха согшье, хажуудань һууха галшье үлөөгүй.

Ерэмияа 48:41

Хотонууд, хэрэмүүд дайсанай хүнэһэн болохо. Тэрэ үдэр Моһаабай сэрэгшэдэй зүрхэ сэдьхэл үхибүү түрэжэ, үбдэжэ байһан эхэнэртэл адли аймхай болохо.

Ерэмияа 50:15

Хотые тойрон дайнай оог хашхараа суряатуулагты! Вавилоон абтаа, тэрэнэй хананууд хамхаран унаа, бута сохигдоо. Би тэрээнһээ үһөөгөө абахам, таанадшье өөһэдтэтнай тэрэнэй хандаһанай хэмээр үһөөгөө абыт.

Ерэмияа 51:32

Гараамшуудыешье дайсан эзэлээ, хэрэмүүдыешье шатаагаа. Вавилооной сэрэгшэд угаа айнхай.

Ерэмияа 51:57

Түшэмэлнүүдыень, сэсэн мэргэшүүлыень, удамаршадыень, сэрэгшэдыень һогтоохоб. Тэдэ унтажа, хэтэ мүнхын нойроор нойрсохо, һэрихэгүй. Энэ хадаа Би, хаан, Би, Түмэн Сэрэгтэ Эзэн, айладхана мүн!

Гашуудал 2:9

Бартаанууд газарта унаа, Тэрэ шэбхыень сохижо унагаагаа. Хаан болон түшэмэлнүүд баряанда туугдан ошоо, һургаал эбдэгдээ. Лүндэншэдтэ Эзэнһээ үзэгдэл эльгээгдэнэгүй.

Амоос 1:5

Дамааск хотын хаалга эбдэхэб, Аавэн нюруугай уладые хюдахаб, Бэт-Ээдэнэй удамаршые һалгаахаб! Араамай арад зон баряанда сүлэгдэн Киир руу туугдаха.

Наум 3:13

Үзөөрэй, сэрэгшэдшни һамгадтал адли, газар дайдыншни хаалганууд дайсанай урда үргэнөөр сэлигдэхэ, шэбхэнүүдшни гал дүлэндэ шатан һалаха.

Гэршэлгэ 18:10

Тиин хаашуул холо зогсон тэрээниие хараад, ядарал зоболонһоонь үхэтэрөө айжа, иигэжэ хэлэхэ: – Аргагүй хүсэтэй, агуу ниислэл Вавилоон, аймшагтай ехэ гашуудал зоболон шамда тудаба – зарга шүүбэридэ шаамайе үгэжэ хэһээхэ саг гэб гэнтэ ерэбэ!