Ерэмияа 51:27 - Библи

²⁷ Добтолхо тухай тэмдэг үгэгты! Үндэһэ яһатадай бултадаа дуулахаар бүреэ үлеэгты! Вавилооной урдаһаа дайлалдахаар арадуудые зэһүүлэгты! Арараат, Миннии болон Ашхэнааз хаан түрэнүүдые тэрээндэ добтолхыень дуудагты! Байлдаае ударидаха жанжиниие томилогты! Үй түмэн таршаа шумуул мэтээр олон моридые бодхоогты!

Ерэмияа 51:27 ပူးပေါင်းရင်းမြစ်များ

Эхин 10:3

Гоомэрэй хүбүүд: Ашхэнааз, Рипаат ба Тогармаа.

Эхин 8:4

Долоодохи һарын арбан долооной үдэр ханза-онгосо Арараат уула дээрэ газардан тогтобо.

4 Хаан түрэнүүд 19:37

Нэгэтэ тэрэнэй өөрынгөө Нисроох бурханай һүмэ соо мүргэл хэжэ байхада, тэрэнэй Адраммээлэх, Шарээцэр гэжэ хоёр хүбүүд эсэгээ һэлмээр сабшан алаад, өөһэдөө Арараат нютаг руу зугадаба. Сэннахэриибэй орондо Эсархаддоон гэжэ хүбүүниинь хаан шэрээ эзэлээ һэн.

1 Угай бэшэг 1:6

Гоомэрэй хүбүүд: Ашхэнааз, Рипаат ба Тогармаа.

Исай 18:3

Юртэмсын улад зон, газар дэлхэй дээрэ ажаһуугша бүгэдэ зон! Гүбээнүүд дээрэ дохёо тэмдэг туг үргэгдэхэ, харахат! Бүреэгэй дуу шагнахат!

Исай 37:38

Нэгэтэ тэрэнэй өөрынгөө Нисроох бурханай һүмэ соо мүргэл хэжэ байхада, тэрэнэй Адраммээлэх, Шарээцэр гэжэ хоёр хүбүүд эсэгээ һэлмээр сабшан алаад, өөһэдөө Арараат нютаг руу зугадаба. Сэннахэриибэй орондо Эсархаддоон гэжэ хүбүүниинь хаан шэрээ эзэлээ һэн.

Ерэмияа 25:14

Вавилооной зоной хэһэн юумые өөһэдтэнь хүргэхэб, олон үндэһэ яһатад, агууехэ хаашуул тэдэниие богоол болгохо.

Ерэмияа 46:23

Тэдэ ой модо бултыень отолхол, тоолохын аргагүй олон, таршаа шумуулһаа олон лэ.

Ерэмияа 50:2

Үндэһэ яһатанда һураг суу дуулгагты! Соносхогты! Дохёо тэмдэг үгэжэ, дуулгагты! Нюужа бү байгты! Вавилоон һалаа! Бээл нэрээ хухараа! Мэродаах бурханиинь бута һүрөө! Вавилооной хүрэгүүд эшхэбтэр зүйл болоо, шүтөөнүүдынь бута сохигдоо!

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Ерэмияа 50:9

Би хойто зүгһөө агууехэ үндэһэ яһатадай бүлэг Вавилоон руу асархаб. Тэдэ добтолжо, илаха, хото олзологдохо, Тэдэнэй годлинууд бэрхэ харбаашанай табиһан годлидол сэхэ, дэмы, миин табигдахагүй.

Ерэмияа 51:12

Вавилооной хэрэм хананууд руу добтолжо эхилхэ тухай тэмдэг үгэгты! Харуул бүхэлэгты, манаа табигты! Хүниие отуулагты!» Вавилооной улад зондо хэхэб гэжэ айладхаһанаа Эзэн бэелүүлбэ гээшэл.

Ерэмияа 51:14

Түмэн Сэрэгтэ Эзэн хадаа Вавилоон руу үй түмэн хорхой мэтэ олон зониие добтолуулан асарха, оог шууяа урдаһаань тэдэнэй татаха тухай Өөрөөрөө тангариглаа.

Ерэмияа 51:28

Вавилооной урдаһаа дай үүдхэхыень бүхы үндэһэ яһатаниие зэһүүлэгты! Мидиин хаашуулай, захирагшадайнь, ударидагшадайнь, бүхы орон нютагайнь сэрэгэй хойноһоо эльгээжэ, дуудагты!

Ерэмияа 6:1

Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Ёһээл 3:9

Арад үндэһэтэнэй дунда энээниие тунхагла, дайнда бэлдэ. Эрэлхэг хүсэтэй дорюун эрэшүүлые бодхоогты. Бүхы сэрэгшэд тулалдахын түлөө суглараг.

Амоос 3:6

Хото соо бүреэ үлеэхэдэ, зон шэшэрэлдэхэгүй юм гү?! Хото соо гай тодхор тохёолдобол, тэрэниие Эзэн хэһэн бэшэ юм гү?!

Захарияа 14:2

«Би Иерусалимда эсэргүүсэхын тула бүхы үндэһэтэниие суглуулхам. Тэдэ хотые эзэлжэ, гэрнүүдые тонохо, эхэнэрнүүдые хүсэрхэн, хахад зонииень сүлэлгэдэ туужа абаашаха. Үсөөхэн лэ зон хото соо үлэхэ».

Ударидагшад 6:5

Ушар тиимэһээ тэдэнэй асарһан өөһэдынь майханууд болон үхэр малнууд таршаа шумуул мэтэ олон байгаа. Тоо томшогүй олон тэмээнүүдтэ ашаагаа тээһэн тэдэнэр Израилиин газарай хара шорой болотор ябабад.