Ерэмияа 51:25 - Библи

²⁵ Вавилоон, ши бүхы орон дэлхэйе усадхажа байгааша хада уула мэтэш. Би, Эзэн, шинии урдаһаа тулахаб. Шамайе абажа, дээрэһээ унагаажа, шатанхай, үнэһэн тоброог болгон орхихоб.

Ерэмияа 51:25 ပူးပေါင်းရင်းမြစ်များ

Эхин 11:4

Хоорондоо тэдэ дахин хэлсэбэ: – Газар дэлхэйгээр таража бутархагүйн тула бидэ асари хүсэтэй, алдар солотой, һүр ехэтэй улас түрэ болохо ёһотойбди. Тиимэһээ тэнгэри тулама үндэр самхаг, бата найдамтай хэрэмтэй хото бария.

Псалманууд 138:7

Танай Һүлдэһөө би хайшаа ошожо шадахабиб? Танай нюурһаа хайшаа зугадажа шадахабиб?

Исай 13:2

Нюсэгэн толгой дээрэ туг бодхоон намилзуулагты! Сэрэгшэд руу хашхаран захиралта үгэгты! Омог бардам хотын бартаануудта добтолон орохо тухай дохёо тэмдэг үгэн, гараараа зангагты!

Ерэмияа 25:12

Удаань гэм зэмэйнь түлөө Вавилооной арад зониие хаантайнь хамта хэһээхэб. Тэрэ орон нютагые хюдажа, хэтэ мүнхын һандарал болгоод орхихоб.

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 50:25

Буу зэбсэгэйнгээ һан нээжэ, уур сухал дундаа Би тэдэнээ гаргабаб. Ушар гэхэдэ, Вавилооной орон нютагта Минии, Түмэн Сэрэгтэ Эзэн Бурханай, үйлэдэхэ ажал бии юм.

Ерэмияа 50:31

Вавилооной улад зон, таанад бардам зантайт. Тиимэһээ Би, Түмэн Сэрэгтэ Эзэн Бурхан, таанадай урдаһаа тулахаб. Таанадые Минии хэһээхэ саг ерэбэ.

Ерэмияа 51:53

Вавилооной тэнгэри өөдэ дэгдэжэ, тэндэ бата хэрэмээ баряашье һаань, Би зониие тэрээн руу эльгээжэ, усадхахаб. Энэ хадаа Би, Эзэн, айладхана мүн!

Ерэмияа 51:58

Вавилооной үргэн хана хэрэм һуури хүрэтэрөө һандаргагдаха, үндэр бартаануудынь дууһан шатаха. Үндэһэ яһатан юуншье бэшэ юумэнэй түлөө ажаллаа, тэдэнэй оролдолгонууд галда дүрөө. Энэ хадаа Би, Түмэн Сэрэгтэ Эзэн, айладхана мүн!

Ерэмияа 51:7

Бүхы дэлхэйе һогтуулжа байһан, Минии гартахи алтан хундага мэтэ һэн Вавилоон.

Даниил 4:30

Эдэ бүгэдэ тэрэ дары Навуходоносор хаантай тохёолдожо, тэрэ зоной дунда байхаяа болибо, малдал адли үбһэ ногоогоор хооллодог, бэень шүүдэртэ угаагдадаг болобо. Бүргэдэй үдэ һодондол адляар үһэниинь ургажа, шубуунай һабартал хюмһаниинь болобо.

Захарияа 4:7

Асари хада, Зэрубабээлэй урда ши хэмши? Ши тэгшэ тала гээшэш. Һүмын оройн шулуу дээшэнь гаргажа табихадань, арад зон «Эзэнэй үгэһэн аша буян энэл» гэжэ соло дуудаха.

Пётрой 2-дохи хандалга 3:10

Гэхэтэй сасуу Эзэнэй Үдэр хулгайшандал адли һанамсаргүй байхада ерэхэ. Тэрэ Үдэр огторгой шангаар дуугаран үгы болохо, огторгойдо байһан нара, һара, одо мүшэд шатажа һүнэхэ, газар дэлхэй болон дээрэнь оршоһон бүхы юумэнүүд галда шатан усадхагдаха.

Гэршэлгэ 8:8

Хоёрдохи Эльгээмэлэй бүреэгээ дуугаргахадань, дүрэжэ байһан мантан томо хада шэнги юумэн далайда унашаба. Тиихэдэнь далайн гурбанай нэгэ хубинь шуһан болошобо.