Ерэмияа 50:46 - Библи

⁴⁶ «Вавилоон абтаа!» гэһэн оог хашхараанһаа газар доһолон хүдэлхэ, бусад үндэһэ яһатан хашхараа, шууяа дуулаха.

Ерэмияа 50:46 ပူးပေါင်းရင်းမြစ်များ

Исай 15:5

Моһааб тушаа зүрхэ сэдьхэлни уйлана. Моһаабай зон Цооһар болон Эглаат-Шэлишияа руу гүйлдэнэ. Лүхиит руу үгсэхэдөө, уйлалдан гарана, гай тухайгаа шангаар бархиралдан, Хоронааһим руу ошоно.

Исай 5:7

Израилиин арад – Түмэн Сэрэгтэ Эзэнэй үзэмэй жэмэсэй сэсэрлиг гээшэл; Иудын хан түрын улад зон – Тэрэнэй дуратай үзэмэй модоной эшэнүүд. Үнэн зүбөөр хэрэгүүд эрхилэгдэхэ гээд Тэрэнэй хүлеэһэниинь тэдэ алууршад болоо. Үнэн шударгые хүлеэһэниинь гомдол, оог бархираан гансал гарана.

Ерэмияа 10:10

Харин Та, Эзэн, ори ганса, үнэн бодото Бурхан болонот. Та – амиды Бурхан, хэтэ мүнхэдөө зонхилдог Хаан гээшэт. Танай уур сухалһаа газар дэлхэй доһолжо, үндэһэ яһатан Танай уур хилэн тэсэжэ шададаггүй.

Ерэмияа 46:12

Үндэһэ яһатад шинии доройтолго тухай дуулаа. Оог хашхарааншни бүхы дэлхэйгээр сууряатаа. Хүсэтэ нэгэн нүгөөдэтэеэ нэшэлдээд, хоюулаа газар руу унабал.

Ерэмияа 49:19

Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Эдоомой улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 49:21

Эдоомой унахадань, оог хашхараанһаа газар доһолон хүдэлхэ, Хулһата далай хүрэтэр хашхараа шууяа дуулдаха.

Ерэмияа 51:29

Газар хүдэлжэ, шэшэржэ байна, юуб гэхэдэ, Вавилоониие хэнэйшье ажаһуухагүй, хооһон орон нютаг болгохо гэһэн түсэбөө Эзэн бэелүүлжэ байна.

Ерэмияа 51:54

Эзэн иигэжэ айладхана: Вавилоонһоо хашхарха абяан, агууехэ һандаралай абяан дуулдаха.

Эзэкээл 26:18

Харин мүнөө Тиир хото унаа, һалаа. Эрьеын бусад арадууд энээниие харахадаа, ехэ сошоо, һалганан айгаа.

Эзэкээл 27:28

Далайда шэнгэжэ байгааша зонойш оог хашхараае эрьеын зон шагнажа, ехэ һүрдөө бэлэй.

Эзэкээл 31:16

Тэрэ модоной шууяа гарган унажа, Эдээмэй Минии тэрэниие үхэлэй орон руу шэглүүлхэдэ, дэлхэйн үндэһэ яһатад айн шэшэрэлдэхэ. Үхэлэй орондо оршогшо модод – Минии сэсэрлигэй болон Ливаанай эрхим модод тэрэ модоной унахада сэдьхэлээ ханаха, баясаха.

Эзэкээл 32:10

Олон үндэһэ яһатад айжа эхилхэ. Шамайе диилэжэ, илалта туйлаһандаа һэлмээ үргэн ялагануулхадам, тэдэ арадуудай хаашуул угаа айжа, шэшэрэн һалганан байха.