Ерэмияа 50:42 - Библи

⁴² Тэдэ һурша ном, жада гартаа адханхай, хэрзэгы хархис зантай, хайра гамгүй. Тэдэнэй хашхараан тэнгис далай мэтэ хүнхинэнэ. Вавилооной басаган, шинии урдаһаа дайлахаяа тэдэ нэгэ хүн мэтэ жагсан, морёор гүйлгэлдэн ерэжэ байна!

Ерэмияа 50:42 ပူးပေါင်းရင်းမြစ်များ

Псалманууд 46:6

Эзэн Бурхан хашхарха дуунай дунда, бүреэгэй абяан доро дээшээ залараа!

Исай 14:6

Тэдэ угаа хайра гамгүйгөөр арадуудые дарладаг байгаа. Диилэһэн үндэһэтэдөө эсэхэ сусахые мэдэнгүй мүрдэн гүрдэн байгаа лэ.

Исай 47:1

Эзэн иигэжэ айладана: «Вавилооной басаган, хүүхэн, доошоо буужа, шорой дээрэ һуу! Газарта һуу! Халдейшүүдэй басаган, хан шэрээ бэшэ үгы шуу! Хэзээдэшьеб шамайе урихан, нариихан басагантай жэшээлдэг байгаа, харин мүнөө тиимэ бэшэш!

Исай 47:6

Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.

Исай 5:28

Тэдэнэй годлинууд хурса, һурша номынь татаатай. Моридойнь туруунууд сахюур шулуун мэтэ хатуу, тэргынь мөөрнүүд хуй һалхин мэтэ.

Исай 5:30

Тэрэ үдэр тэдэ олзо дээгүүрээ далай мэтэ хүрхирхэ. Энэ орон нютагые харабал, Хаб харанхы ба уй гашуудал тэндэ үзэхэш. Гэрэл унтаржа, шэб харанхы болохо.

Ерэмияа 30:14

Бүхы амарагуудтнай таниие мартаа, бэшэ таанадые хэрэгсээхэеэ болёо. Дайсанай сохилтоор, шэрүүн хэһээлтээр таанадые дайрааб, юуб гэбэл, гэм зэмэтнай угаа ехэ. Нүгэлтнай тоолошогүй олон.

Ерэмияа 47:3

Азаргануудай гүйлдэхэ түбэрөө, дайшалхы тэргэнүүдэй дүржэгэнөө, сахаригуудайнь хонгироо тэдэ дуулаха. Эсэгэнэр хүүгэдүүд руугаа эрьежэ харахагүй, юуб гэбэл, юушье хэжэ шадахагүй болоно бшуу.

Ерэмияа 50:14

Харбагшад, Вавилооной урдаһаа тулалдахаяа нэгэн жэгдэ жэрылдэгты. Тэрээн руу харбагты. Тэрэниие бү хайрлагты, юуб гэхэдэ, тэдэ Минии, Эзэнэй, урдаһаа нүгэл үйлэдөө.

Ерэмияа 50:9

Би хойто зүгһөө агууехэ үндэһэ яһатадай бүлэг Вавилоон руу асархаб. Тэдэ добтолжо, илаха, хото олзологдохо, Тэдэнэй годлинууд бэрхэ харбаашанай табиһан годлидол сэхэ, дэмы, миин табигдахагүй.

Ерэмияа 51:27

Добтолхо тухай тэмдэг үгэгты! Үндэһэ яһатадай бултадаа дуулахаар бүреэ үлеэгты! Вавилооной урдаһаа дайлалдахаар арадуудые зэһүүлэгты! Арараат, Миннии болон Ашхэнааз хаан түрэнүүдые тэрээндэ добтолхыень дуудагты! Байлдаае ударидаха жанжиниие томилогты! Үй түмэн таршаа шумуул мэтээр олон моридые бодхоогты!

Ерэмияа 8:16

Дайсаднай – Даанай хотонуудта! Моридойнь турьяхые дуулаабди. Адуунайнь инсагаалха абяанһаа бүхы газар доһолно. Дайсад ерэжэ, орон нютаг, тэндэ байгааша бүхы юумэ, хото болон ажаһуугшадыень залгин һалгаахань.

Эзэкээл 26:3

Энээнэйнь түлөө Би, Эзэн Бурхан, Тиирэй урдаһаа тулахаб! Далайн долгинуудаа туун асардагтал мэтэ Би Тииртэ добтолхыень олон үндэһэ яһатадые эльгээхэб!

Ёһээл 2:5

Хадын оройгоор дайшалхы тэргэнүүд мэтэ наяраа түерөөтэйгөөр дабшана. Галда тас-няс дүрэһэн һолоомо мэтэ шууяатайгаар байлдаанда орохоор хододоо бэлэн арад бэлэй.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.

Гэршэлгэ 16:6

Тэдэнэр Бурханай арадай, лүндэншэдэй улаан шуһа адхаруулаа, тиихэдэнь Та тэдэндэ шуһа уулгажа, тэдэнэй гэмые зүб амсуулаат!