Ерэмияа 50:18 - Библи

¹⁸ Тиимэһээ Би, Түмэн Сэрэгтэ Эзэн, Израилиин Бурхан, Навуходоносор хааниие, гүрэн түрыень Ассириин хааниие хэһээһэндэл адляар хэһээхэб.

Ерэмияа 50:18 ပူးပေါင်းရင်းမြစ်များ

Исай 10:12

«Сион уула дээрэ болон Иерусалимда Өөрынгөө хэрэг хэжэ дүүргэхэдөө, бардам һайрхуу зантай Ассириин хааниие хэһээхэб», – гэжэ Эзэн айладхана.

Ерэмияа 27:7

Орон нютагайнь болон өөрынь Навуходоносорой доройтохо сагай ерэтэр бүхы үндэһэ яһатан тэрээндэ, хүбүүндэнь болон ашадань алба хэн байха. Доройтоһонойнь удаа өөрынь арад зон олон зонтой яһатанда болон томо хаашуулда алба хэдэг болохо.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Наум 3:18

Ассириин хаан! Түшэмэл, удамаршадшни мүнхэ нойроор нойрсонхой. Арад түмэншни хада уулаар таранхай, тэдэниие суглуулха хүн байхагүй.

Наум 3:7

Шамайе харамсаараа хүн бүхэн шамһаа холодон гүйжэ, «Нинэвээ дээрмэдэ орожо хооһороо! Хэн тэрээн тушаа гашуудан байхаб? Хэн тэрэниие аргадан тайшаруулхаб?» гэхэ.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Хуули дабталга 32:41

Өөрынгөө сахилгаан һэлмэ хурсадажа, шүүбэрилжэ эхилхэдээ, дайсадһаа үһөөгөө абахаб, Намайе үзэн ядагшадта зэмыень амасуулхаб;