Ерэмияа 50:16 - Библи

¹⁶ Вавилоондо таряа тариха, хуряаха хэрэгые болюулагты, тэндэ ажаһуудаг хариин хүн бүхэн добтолон орохо сэрэгһээ айжа, түрэл орон нютаг руугаа бусаг лэ.

Ерэмияа 50:16 ပူးပေါင်းရင်းမြစ်များ

Исай 13:14

Ангуушанһаа тэрьедэһэн гүрөөһэндэл, эзэгүй хонидтол адли зон өөрын арад руу эрьежэ, түрэлхи нютаг руугаа зугадаха.

Ерэмияа 25:38

Өөрынгөө эшээн орхижо ошоһон арсаландал адли Эзэн Өөрын арад зонһоо арсан ошобо. Орон нютагынь дайн дажарһаа, Тэрэнэй шэрүүн уур хилэнһээ боложо хооһон элһэн сүл губи болоол!

Ерэмияа 46:16

Танай сэрэгшэд бэе бэеэ нэшэлдэн унаа, бэе бэедээ: «Бодогты, гэр руугаа, арад түмэндөө бусая, дайсанһаа хороё!» гэлдэнэ,

Ерэмияа 51:23

Танаар хонишониие болон хонин һүрэгыень, таряашан болон хүллэһэн малыень, удамаршадые болон захирагшадые усадхадаг бэлэйб.

Ерэмияа 51:9

Тэндэ ажаһуугша хариин зон иигэжэ хэлэбэ: – Бидэ Вавилоониие аргалхаяа һэдээбди, теэд болобогүй. Тэрэниие орхижо, гэртээ хария. Бурхан бии шадал соогоо Вавилоониие хэһээгээ, энээн тушаа бүхы арадууд мэдэнэ.

Ёһээл 1:11

Таряашад, гашуудагты, уһан үзэм ургуулагшад бархирагты, таряалангай шэниисэ, ешмээн усадхагдаа.

Амоос 5:16

Тиимэһээ Түмэн Сэрэгтэ Эзэн Бурхан иигэжэ айладана: Бүхы талмайнуудаар хүдөөлүүлгын гашуудал, бүхы гудамжануудаар «гай тодхор тудалдаа!» гэһэн ёолоонууд дуулдаха. Гашуудалай ёһололдо ажалшадые, хүдөөлгэндэ уйлагша эхэнэрнүүдые дуудаха!