Ерэмияа 50:13 - Библи

¹³ Минии уур хилэнсэглэхэдэ, тэндэ хэншье ажаһуухаяа болихо. Вавилоон һандаргагдажа, тэрээн дээгүүр гарагша хүн бүхэн сошон-гайхан үнгэрхэл.

Ерэмияа 50:13 ပူးပေါင်းရင်းမြစ်များ

Иоов 27:23

Хара һалхин тэрэниие наада барин, альга ташаһан мэтэ эшхэрэн, байраһаань хобхо татан үлдэнэ.

Ерэмияа 18:16

Тэдэ өөрын нютагаа жэгшүүрилтэ зүйл, баһан наадалха зүйл болгоо! Тэрэнэй хажуугаар үнгэрһэн хүн бүхэн угаа гайхажа, толгойгоо һэжэрхэл.

Ерэмияа 19:8

Энэ хотые угаа ехээр һандаргаахаб. Хажуугаарнь гараһан хүн бүхэн сошохо, шархануудыень хаража, сэдьхэлээ доһолхо.

Ерэмияа 25:12

Удаань гэм зэмэйнь түлөө Вавилооной арад зониие хаантайнь хамта хэһээхэб. Тэрэ орон нютагые хюдажа, хэтэ мүнхын һандарал болгоод орхихоб.

Ерэмияа 34:22

Минии захирхада, дайсадай сэрэг һөөргөө энэ хото руу бусаха. Тэдэ добтолон орожо, хотые эзэмдээд, дууһан шатааха. Иудын хан түрын хотонуудые зэлүүд хооһон, нэгэшье амитанай ажаһуудаггүй хото болгохоб. Энэ болбол Би, Эзэн, тунхаглана мүн!

Ерэмияа 49:17

Эзэн айладхана: – Эдоом угаа ехээр һандаргагдаха, хажуугаарнь гараһан хүн бүхэн сошохо, шархануудыень хаража, шоо үзэхэ.

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Ерэмияа 51:26

Һандарал болоһон шулуунуудһааш нэгэшье шулуун дахин гэр барихада хэрэглэгдэхэгүй. Хэтэ мүнхэдөө зэлүүд хооһон газар боложо үлэхэш. Энэ хадаа Би, Эзэн, айладхана мүн!

Ерэмияа 51:29

Газар хүдэлжэ, шэшэржэ байна, юуб гэхэдэ, Вавилоониие хэнэйшье ажаһуухагүй, хооһон орон нютаг болгохо гэһэн түсэбөө Эзэн бэелүүлжэ байна.

Ерэмияа 51:37

Вавилоон һандархай шулуунуудай, сүүбэн шононуудай орон нютаг, угаа үзэмжэгүй муухай болохо, хэншье тэндэ байхагүй, эдэ бүгэдые харагша хэн нэгэн ехэ һүрдэхэ.

Ерэмияа 51:62

Тиигээд иигэжэ зальбараарайт: «Эзэн, Та энэ газарые хүнэйшье, амитанайшье байдаггүй, зэлүүд хооһон хэтэ мүнхэдөө болгохо тухай айладхаа бэлэйт».

Эзэкээл 27:36

Ши ошонгоо ошоош, хэтэ мүнхэдөө үгы болоош. Дэлхэйн бүхы наймаашад шинии аймшагтай хуби заяае хаража доһолоол».

Цэпаанияа 2:15

Аюулгүй оршогшо, баяр зугаатай байгша, «бил гээшэб, намһаа ондоо һайхан хото байхагүй» гэжэ досоогоо бардамлажа байгааша хото иимэ болохо! Ан арьяатанай байра, һандаралай үүр тэрэл! Хажуугаарнь үнгэрөөшэ хүн бүхэн шоо үзэн, гараараа занган гараха.

Захарияа 1:15

Амар тайбан һууһан арадуудта Би маша ехээр уурлажа байнаб. Сухалаа номгоруулхадам, тэдэнэй хоро шараниинь бусална.

Хуули дабталга 29:22

Саашанхи үетнай, танай һүүлээр ажаһууха уг удамтнай, холын газар нютагһаа ерэһэн хариин зон тэрэ газар дайдын гай тодхор, Эзэнэй тэрэ газарта дэлгэрүүлһэн зоболон хаража, иигэжэ хэлэхэ: