Ерэмияа 50:11 - Библи

¹¹ Эзэн иигэжэ айладхана: – Вавилооной улад зон, таанад Минии арад түмэниие тоноот. Жаргажа, налайжа, таряа сохижо байһан үнеэндэл ябабат, азаргадал инсагаалнат.

Ерэмияа 50:11 ပူးပေါင်းရင်းမြစ်များ

Һургаал 17:5

Ядуу хүниие баһамжалагша Бүтээгшые доромжолно. Гай тодхорто баясагша хэһээлтэ абаха.

Исай 47:6

Би Өөрын арад түмэндэ уурлан, доромжолжо, шинии мэдэлдэ дамжуулаа бэлэйб. Ши тэдээндэ энэрэл хайра үзүүлэнгүй, наһатайшье зониие дарлан-зобоон байгааш.

Исай 47:8

Баян байдалда һуранхай ши одоо амархан һуугаад, бил гээшэб, намһаа ондоо хэншье байхагүй гэжэ шэбшэжэ байгша ши, бэлбэһэн эхэнэр болохогүйб, хүүгэдээ алдахые үзэхэгүйб гэжэ сэдьхэгшэ ши, энээниие шагна!

Ерэмияа 12:14

Эзэн иигэжэ айладхана: – Минии арад түмэн болохо Израильда заяаһан газар орондом добтологшо хүршэнэр тухайнь: хараарайгты, ургамал үндэһөөрнь таһа татажа гаргаһандал, Би тэдэниие газар нютагһаань гаргахаб, Иудын хан түрые тэдээнһээ абархаб.

Ерэмияа 46:20

Египет гоё һайхан үнеэндэл адли, гэбэшье хойто зүгһөө үхэл ерэжэл, ерэжэл байна.

Ерэмияа 46:21

Хүлһэлэн абаһан сэрэгшэдыньшье тугал мэтэ тоолхогүй. Тэдэ тэсэнгүй һөөргөө гүйлдэбэ, тэдэнэй һалаха сагынь хүрэжэ ерээ, үхэхэ сагынь.

Ерэмияа 5:28

Тэдэ таргалаа, тоһо өөхөөр ялаганаа. Элдэб муу хэрэгүүдые үйлэдэнэ, буруу шүүбэрилнэ, үншэн хэнзын хэрэгһээ баяжана, ядуу зоной эрхэшье хамгаалнагүй.

Ерэмияа 5:8

Тарган садхалан моридтол тэдэ инсагаалан, хүршынгөө һамгантай һальхайралдахаяа дуудан байха юм.

Ерэмияа 50:17

Эзэн иигэжэ айладхана: – Израилиин улад зон арсалангуудта намнуулжа тараагдаһан һүрэг мэтэ. Урид тэдээндэ Ассириин хаан добтолон орожо мүлжэдэг һэн, удаань Вавилооной хаан Навуходоносор яһа уһыень хухалаа.

Ерэмияа 50:27

Бүхы сэрэгшэдыень алагты! Мал үүсэлһэндэл, һалгаагты! Вавилооной зондо гасалан зоболонойнь саг буугаа. Хэһээгдэхэ сагынь ерээ!

Гашуудал 1:21

Дайсад минии ёолохые дуулаа, хэншье намайе һатааруулхагүй. Минии зоболон тушаа тэдэ соносожо, Танай энээниие үйлэдэһэндэ баясаа. Тэдэниие намтай адли болгохо үдэр тухай Та тунхаглаһан ёһоороо асараарайт!

Эзэкээл 35:15

Израилиин һалан һандаржа байхада баясажа байгаа бэлэйш. Тон тиимэ юумэн шамтай тохёолдохо: Сэһиирэй хадалиг улас, хамаг Эдоом орон нютаг хооһорон һандарха. Тиихэдэ хүн бүхэн Намайе Эзэн гээд ойлгохо.

Эзэкээл 36:5

Угаа ехээр уурлан, тэдэ арадуудай, илангаяа Эдоомой арад түмэнэй, урдаһаа тулахаб гэжэ айладханаб! Таанадые баһан, тэдэ бусадһаа шангаар энеэгээ бэлэй, газар бэлшээрииетнай эзэмдээ.

Һошээ 10:11

Таряа сохихо ажалда һурамхи гунжан үнеэн мэтэ Израиль. Би Өөрөө һайхан хүзүүн дээрэнь хөөмэгшэ тохохоб, хүндэ ажалда хүдэлүүлхэб. Иудые газар хахалха, Яковые борнойлхо ажалда зарахаб.

Амоос 4:1

Самариин эхэнэрнүүд, таанад тобир тарган үнеэнүүд мэтэт! Таанар ядуу зониие дарлажа, үгытэйшүүлые харшалан даран байнат! Үбгэдтөө «Үзэмэй дараһан архи асар! Уухамнай!» гэжэ хэлэнэт.

Авдии 1:12

Өөрын дүүгэй золгүй тэрэ үдэр бардамлаха бэшэ, Иудын зоной һүйдхэлтэ үдэр баясаха бэшэ, тэдэнэй зоболонгой үдэр энеэжэ байха бэшэ байгааш.

Аввакуум 1:15

Дайсан тэдэниие дэгээгээр гоходон татажа, губшуураар шүүрдэн барижа, баярлан-хүхин байнал.

Захарияа 14:12

Иерусалимда эсэргүү дай үүдхэһэн арад түмэниие Эзэн хэһээхэ. Тэдэнэй хүл дээрээ ябаһаар байтарынь, мяхан бэень шалзаржа, нюдэниинь улхархайдаа, хэлэниинь аман соогоо үжэжэ эхилхэ.

Хуули дабталга 32:15

Ешүрүүн маряажажа, дээрэлхүү зантай болобо, таргалаа, бүдүүрээ, үсэд болоо, Бүтээгшэ Бурханаа, өөрын абаралта Хабсагайгаа тообогүй.