Ерэмияа 50:10 - Библи

¹⁰ Вавилооной орон нютаг дээрмэдүүлэгдэхэ, дээрмэшэд дураараа юумэ абаха. Энэ болбол Би, Эзэн, айладхана мүн!

Ерэмияа 50:10 ပူးပေါင်းရင်းမြစ်များ

Исай 33:23

Аргамжануудтнай һула болоо, далбагын модо баринагүй, далбагануудые татаха арга байхагүй. Баян эд баялиг хубаарилагдаха, дохолоншье хүн зөөри буляан абахал.

Исай 33:4

Таршаа шумуулдал адляар, танай дундаһаа олзо суглуулаа бэлэй, таршаа шумуулдал адли, тэрэ олзо руу шуумайгаа бэлэй!

Исай 45:3

Шамайе нэрээршни дуудадаг Израилиин Эзэн Бурхан Би гээшэб гэжэ шамда мэдүүлхын тула харанхы, нюуса газарнуудһаа эд баялиг, эрдэни зэндэмэни үгэхэб.

Ерэмияа 25:12

Удаань гэм зэмэйнь түлөө Вавилооной арад зониие хаантайнь хамта хэһээхэб. Тэрэ орон нютагые хюдажа, хэтэ мүнхын һандарал болгоод орхихоб.

Ерэмияа 27:7

Орон нютагайнь болон өөрынь Навуходоносорой доройтохо сагай ерэтэр бүхы үндэһэ яһатан тэрээндэ, хүбүүндэнь болон ашадань алба хэн байха. Доройтоһонойнь удаа өөрынь арад зон олон зонтой яһатанда болон томо хаашуулда алба хэдэг болохо.

Ерэмияа 50:26

Бүхы талаһаа тэрээндэ добтолон орогты, талха таряа нөөсэтэй амбаарнуудыень сэлигты! Дээрмэдэһэнээ таряанай обоо мэтээр обоологты! Орон нютагые үгы хэгты! Юушье бү үлөөгты!

Ерэмияа 50:37

Морид болон дайшалхы тэргэнүүдынь һалаг! Хүлһэлэн асарһан хариин сэрэгшэдынь хосорог! Тэдэ угаа һула! Эрдэни зэндэмэнинь һалаг! Тоногдог!

Ерэмияа 51:24

Эзэн иигэжэ айладхана: – Сион дээрэ хэһэн бүхы муу бузар хэрэгүүдэйнь түлөө Би танай хараһаар байтар Вавилоондо хэһээлтэ амасуулхаб.

Ерэмияа 51:35

Сионой зон иигэжэ хэлэхэ: «Маанад тушаа хүсэ хэрэглэһэнэйнгээ түлөө гансал Вавилоон харюусаха». Иерусалимай зон иигэжэ хэлэхэ: «Бидэнэй шуһа урдахуулһанайнгаа түлөө гансал Вавилоон зэмэтэй!»

Эзэкээл 11:24

Тиигээд үзэгдэл соо Бурханай Һүлдэ намайе үргэжэ, Вавилоондо сүлэлгэдэ байгааша улад зондо абаашаа һэн. Удаань үзэгдэл үгы болошобо.

Аввакуум 2:8

Олон арадуудые дээрмэшэлһэнэйш түлөө бусад бүхы арад түмэн урдаһааш тулан, хүнэй шуһа урасхуулһан, орон нютагыень, хото һууринуудыень, ажаһуугшадыень хооһоруулан һүйдхүүлһэнэйш түлөө шамайе хэһээн дээрмэшэлхэ.

Гэршэлгэ 17:16

Шинии хараһан эдэ арбан эбэрнүүд, мүн арьяатан тэрэ Янхан эмые үзэн ядажа зэбүүрхэхэ, тэрэниие үгырүүлэн хооһоруулха, салдаган нюсэгөөр үлөөхэ, тэрэ эмые эдижэрхихэ, тиигээд галда шатааха.