Ерэмияа 5:31 - Библи

³¹ лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 5:31 ပူးပေါင်းရင်းမြစ်များ

3 Хаан түрэнүүд 22:6

Израилиин хаан дүрбэн зуугаад лүндэншые суглуулжа: – Галаадай Рамоодто добтолхомнай гү, али үгы гү? – гэжэ асууба. Тэдэ: – Добтологты, Эзэн тэрэниие танай гарта үгэжэ байна, – гээд харюусаба.

Һургаал 17:4

Хорон һанаатан нүгэлтэнэй хара мэхэтэ хүүр шагнадаг. Худалша хүн эбдэн һүйдхэгшын үгэдэ анхардаг.

Исай 10:3

Бурханай хэһээлтын үдэр таанад яахабта? Таанад дээрэ алас холоһоо гай тодхор Тэрэнэй асархада, яаха болонот? Хэнһээ туһаламжа эрин гүйхэбта? Баялигаа хаана нюухабта?

Исай 20:6

Тэрэ үе сагай морилходо, далайн эрьеэр ажаһуугшад иигэжэ хэлсэхэ: «Маанадта туһалха, Ассириин хаанһаа абарха гэжэ бидэ тэдэ орон түрэнүүдтэ найдажа, гуйхаяа гүйдэлөөрөө ошодог бэлэйбди. Теэд харыт, манай найдаха юумэн үгы болоол! Яажа абарагдаха гээшэбибди?»

Исай 33:14

Сионой нүгэлтэй зон айба, бурхангүйшүүл шэшэрбэ: «Залгидаг гал дотор хэмнай амидаржа шадахаб, хэтэ мүнхэдөө соробхилдог дүлэн дотор хэмнай амидаржа шадахаб?!»

Исай 43:27

Элинсэг эсэгэшни нүгэл хэжэ, удамаршадшни Намда һөөргэдэбэ.

Исай 47:7

Хэтэ мүнхэдөө хатан байхаб гэжэ ши һанааш. Саашадаа юун болохыень һанаандаашье оруулаагүйш.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 14:14

Эзэн намда: – Лүндэншэд Минии нэрэһээ хуурмаг абарал буулгажа байна. Би тэдэниие эльгээгээгүй, тэдээндэ захираагүй, тэдээндэ айладхаашьегүй бэлэйб. Тэдэ худал хуурмаг үзэгдэл, хубхай хооһон үзэл үзэлгэ, миин өөһэдын һанаашые таанадта дуулгана гээшэ.

Ерэмияа 26:7

Санаартад, лүндэншэд болон бүхы зон Эзэнэй Һүмэ соо минии эдэ үгэнүүдые хэлэжэ байһые дуулажа,

Гашуудал 1:9

Хормойнь муухай юумэндэ зуурагданхай. Тэрэ ерээдүй тухайгаа бодоогүй, тиимэһээ гэнтэ доройтон унаа. Хэншье тэрэниие һатааруулхагүй! «Эзэн! Минии гай зоболон анхарыт! Дайсадай угаа баярлажа байһые!»

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Гашуудал 4:13

Иерусалим дотор үнэн шударга зоной шуһа урасхуулһан нүгэлтэ лүндэншэдэйнь, гэмтэ санаартадайнь үйлэ хэрэгэй түлөө энэ болоо.

Гашуудал 4:18

Тэдэ алхам бүхэнииемнай отожо байгаа, гэрһээ гарахаа айнабди! Үхэл дүтэлжэ байна, үдэрнүүднай дууһаа! Үхэлнай ерээ!

Эзэкээл 13:10

Бүгэдэ юумэн амгалан тайбан гэжэ хэлэн, тэдэ Минии арад түмэниие мэхэлнэ. Амгалан тайбан юумэн үгы! Арад зоноймни бата бэшэ хана барихадань, тэдэ ерэжэ сагаанаар будана.

Эзэкээл 13:6

Тэдэ худал хуурмагаар үзэл хараабди гэжэ, Минии, Эзэнэй, тэдэниие эльгээгээгүй байхада «Эзэн тунхаглажа байна» гэжэ хэлэжэ, худалаар лүндэн табина. Тиигээд тэдэ өөһэдын үгэнүүдые бэелхэ гээд зониие дэмы найдуулна.

Эзэкээл 22:14

Таанадай урдаһаа тулахадам, зоригтнай мохожо, гараа үргэхэ хүсэ шадалгүй болоод байхат. Би, Эзэн, айладхаа бол заабол бэелүүлхэб!

Һошээ 4:9

Арад зониие яажа хэһээнэбиб, тон тиимээр санаартадые хэһээхэб. Хэһэн үйлэ хэрэгэйнь хэмээр тэдээндэ хэһээлтэ амасуулхаб.

Һошээ 6:10

Би Израиль соо жэгтэй муухай юумэ харанаб: арад зомни онгонуудта мүргэжэ байнал!

Һошээ 9:5

Эзэниие магтан дуулаһан һайндэрнүүдэй үедэ таанад юу хэхэбта?

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Михей 2:6

Зон намда иигэжэ хэлэбэ: «Огтолон бү хөөрэ! Бидэ эшхэбтэр байдалда орохо дурагүйбди, тиимэһээ бү хөөрэ!»

Михей 3:11

Бэлэг абажа, удамаршадынь сүүд үйлэдэнэ, түлбэри абажа, санаартадынь һургаал заана, мүнгэ абажа, лүндэншэдынь лүндэн табина. Тэдэ бүгэдэ «Эзэн бидэнтэй хамта! Гай тодхор бидэнтэй болохогүй!» гэлдэн, Эзэндэ түшэглэнэ.

Цэпаанияа 3:4

Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Хуули дабталга 32:20

Тиигээд Тэрэ иигэжэ айладхаба: «Тэдээнһээ буруу хаража, һүүлдэнь юун бологшо ааб гээд хүлеэхэмни. Тэдэ ёһоо алдаһан зон, аша харюулхаяа мартаһан үхибүүд мэтэ.

Хуули дабталга 32:29

Ухаатай гээшэ һаа, тэдэнэр тэдээнтэй юунэй болохоёо байһыень ойлгохо бэлэйл.