25 Жаргалтай байһан энэ мэдээжэ хото орхигдонхой.
Удамаршадые, зүбшэгшэдыетнай анханай удамаршадтал адли болгоходом, Иерусалим үнэн зүб, үнэн сэхэ хото гээд нэрлэгдэдэг болохо».
Иерусалим хадаа баярай, нэрэ хүндын һүлдэ боложо, Би тэрэнээр омогорхон байхаб. Иерусалимай түлөө Минии хэһэн һайн һайхан хэрэгүүд тушаа, энэ хотодо үршөөһэн Минии хэрэгүүд тухай дэлхэйн үндэһэ яһатан бүхэн дуулажа, айха, шэшэрхэ.
Моһаабай магтаал солонь буураа. Дайсан Хэшбоон эзэлэн абаа. Моһаабай арад түмэниие үгы хэхэ нюуса хэлсээн ябуулагдана. Мадмээн хото абяа аниргүй болгохо, сэрэг хойноһоонь дахаад һалахагүй.
Моһааб һандаргагдаа! Хашхаралдыт! Моһааб доромжолуулагдаа. Тэрэ үндэһэ яһатанай наада энеэдэн болоо. Энэ болбол Би, Эзэн, айладхана мүн!
Эзэн Вавилоон тушаа иигэжэ айладхал буулгана: – Бүхы дэлхэйн магтаал мэтэ Шэшаах хото олзологдоо! Үндэһэ яһатанда Вавилоон ямар ехэ айха зүйл болоо гээшэб!
Эдэ бүгэдэ тэрэ дары Навуходоносор хаантай тохёолдожо, тэрэ зоной дунда байхаяа болибо, малдал адли үбһэ ногоогоор хооллодог, бэень шүүдэртэ угаагдадаг болобо. Бүргэдэй үдэ һодондол адляар үһэниинь ургажа, шубуунай һабартал хюмһаниинь болобо.
Тиин хаашуул холо зогсон тэрээниие хараад, ядарал зоболонһоонь үхэтэрөө айжа, иигэжэ хэлэхэ: – Аргагүй хүсэтэй, агуу ниислэл Вавилоон, аймшагтай ехэ гашуудал зоболон шамда тудаба – зарга шүүбэридэ шаамайе үгэжэ хэһээхэ саг гэб гэнтэ ерэбэ!
