Ерэмияа 49:24 - Библи

²⁴ Дамааскын улад зон аймхай, айһандаа тэдэ тэрьедээ, үхибүү түрэжэ байһан эхэнэртэл, үбдэжэ, зобожо байна.

Ерэмияа 49:24 ပူးပေါင်းရင်းမြစ်များ

Эхин 3:16

Эхэнэртэ Тэрэ айладхал буулгаба: – Шинии хээлитэй болохые хэмгүй зоболонтой болгохоб, зобожо, үбдэжэ хүүгэдые түрэдэг болохош, үбгэеэ хододоо хүсэн байхаш, үбгэншни шинии эзэн болохо.

Исай 13:8

Тэдэ айжа, гар-хүлынь таталдажа, үбдэжэ эхилхэ. Тэдэ түрэжэ байһан эхэнэртэл зобохо. Бэе бэеэ айжа хараха, нюурынь эшэһэндээ улайха.

Ерэмияа 30:6

Асуугты, бодоод үзэгты: эрэ хүн үхибүү түрэжэ шадаха гү? Теэд үхибүү түрэжэ байһан эхэнэртэл, эрэ хүн бүхэнэй гараа гэдэһэн дээрээ хээд байхые юундэ Би харанабиб? Юундэ бултанайнь шарайнууд сухигар бэ?

Ерэмияа 4:31

Би түрэхэ гэжэ үбдэжэ байһан эхэнэрэй оог хашхараанда адли дууе, түрүүшын үхибүүгээ түрэжэ байһан эхэнэрэй ёолоходол абяае, гараа һунгаад: «Аа, би гасаланда орооб! Намайе алахаяа тэдэ ерэнэ!» – гэжэ амияа абажа ядажа байһан Сионой үхинэй абяае соносооб.

Ерэмияа 48:41

Хотонууд, хэрэмүүд дайсанай хүнэһэн болохо. Тэрэ үдэр Моһаабай сэрэгшэдэй зүрхэ сэдьхэл үхибүү түрэжэ, үбдэжэ байһан эхэнэртэл адли аймхай болохо.

Ерэмияа 49:22

Далияа дэбиһэн бүргэдтэл, дайсан Боцраа хото руу добтолон орохо. Тэрэ үдэр Эдоомой сэрэгшэд үхибүүгээ түрэжэ байһан эхэнэртэл, зобохо.

Ерэмияа 49:29

Майхангуудыень, мал һүрэгыень, майхангуудайнь хүшэгэнүүдые, майхан соо байгаа бүхы юумыень эзэмдэн абагты. Тэмээнүүдыень абагты, тиигээд зондо «Тойроод аюул!» гэжэ дуулган хашхарагты.

Ерэмияа 49:37

Элаамай улад зониие дайсадһаа айдаг болгохоб. Уур сухал дундаа тэдээндэ гай тодхор ушаруулжа, бултыень һалгаатараа сэрэг тэдээндэ эльгээжэл байхаб.

Ерэмияа 50:43

Вавилооной хаан тэдээн тушаа һураг суу дуулажа, һал һуушаба. Түрэжэ байһан эхэнэртэл үбшэндэ, гай зоболондо тэрэ нэрбэгдэбэ.

Ерэмияа 6:24

Иерусалимай зон иигэжэ хэлэнэ: – Тэдээн тушаа һураг суу дуулажа, һал һуушабабди. Түрэжэ байһан эхэнэртэл үбшэндэ, гай зоболондо бидэ нэрбэгдэбэбди.

Һошээ 13:13

Эхын умайһаа гарахаяа арсажа байгааша үхибүүндэл Израиль тэнэг хонгор байна. Теэд тэрэ гэмээ амасаха.

Матвей 24:8

Зүгөөр эдэ бүхэн бэрхэшээл зоболонгуудай эхииень лэ табиха.

Марк 13:8

Нэгэ арад нүгөө арадтаа добтолон орохо, хаан оронууд хоорондоо хёморолдон тэмсэхэ; эндэ тэндэ газар хүдэлхэ, үлэсхэлэн зоболон, үхэл тахал тохёолдохо. Зүгөөр эдэ бүхэн бэрхэшээл зоболонгуудай эхииень лэ табиха.