Ерэмияа 49:19 - Библи

¹⁹ Иорданай шугы шэдхэһээ тунга ногоон бэлшээри руу ошожо байһан арсаландал Би гаража, Эдоомой улад зониие гэнтэ орон нютагһаань тэрьедүүлхэб. Минии шэлэһэн хүн арад түмэниие хүтэлбэрилхэ. Хэн Намтай зэргэсэжэ шадахаб? Хэн Минии урдаһаа тулажа шадахаб? Ямар удамарша урдаһаамни һөөргэдэхэб?

Ерэмияа 49:19 ပူးပေါင်းရင်းမြစ်များ

1 Угай бэшэг 12:15

Тэдэнэр түрүүшын һарада Иордан гаталжа, эрье дээрэһээ добтолоод, зүүн, баруун голнуудта ажаһуугшадые байраһаань намнанад.

2 Угай бэшэг 20:6

иигэжэ зальбарба: – Үбгэ эсэгэнэрэймнай Эзэн Бурхан! Огторгойһоо дэлхэйн арадуудые зонхилон байнат. Та агууехэ хүсэ шадалтайт, урдаһаатнай хэншье тулажа шадахагүй!

Иоов 41:10

Тэрэнэй найтаахань сахилгаан сахилһан мэтэ һүрөөтэй. Нюдэниинь мандажа байһан наран мэтэ.

Иоов 9:19

Эрхэ шадалынь хизааргүй ехэ, хэншье Тэрээндэ эсэргүүсэхэ шадалгүй. Шүүлсэхэ гээ һаа, хэн Тэрээниие дуудажа шадахаб?

Иоов 9:21

Үнэхөөр буруугүй байнам, теэд тэрэ шухала аал? Үхэхэм намда дээрэ байна.

Псалманууд 143:2

Тэрэ хадаа энэрэл хайрам, тулгуурни, бүхэлэлтэм ба минии абарагшам, минии бамбай ба минии найдал, арад зониием намаар захируулагшамни мүн.

Псалманууд 76:7

Һүниндөө дуунуудаа һананаб, зүрхэнтэеэ хөөрэлдэнэб, һүнэһэм харюу бэдэрнэ.

Псалманууд 76:8

Эзэн хэтэ мүнхэдөө буруу хараа юм гү? Саашадаа Тэрэ нигүүлэсхыгээр хандахагүй юм гү?

Псалманууд 89:6

Та зониие үерэй уһандал туугаат, тэдэ нойрто абтаа. Үглөөгүүр тэдэ шэнээр ургаһан ногоон мэтэ. Үглөө тэдэ сэсэглэжэ, шэнээр ургадаг. Үдэшэ дүтэлхэдэ, тэдэ хагдаран хатадаг.

Псалманууд 89:8

Та манай бурууе Өөрын урда табижа, манай нюусые Өөрын оршоһон гэрэлдэ байлгабат.

Египедһээ гаралга 15:11

Эзэнтэй жэшэхээр бурхад үгыл! Хутагтанарай дунда Тан шэнги хүсэ шадалтай хэншье олдохогүй! Алдар солоороо һүр дарагша, эди шэдиин Эзэн!

Исай 40:25

Нангин Арюун Бурханиие хэнтэй адлидхахаар бэ? Хэнтэй тэнсүүлхээр бэ?

Исай 46:9

Үни эртын, урданай зүйл һанагты. Минии ори ганса Бурхан байһые баталан дэмжэгты, Намтай адли хэншье байхагүй.

Ерэмияа 12:5

Эзэн иигэжэ айладхаба: Ерэмияа, хэрбээ ши гүйгөөшэдтэй гүйжэ, ядараа, эсээ хадаа моридтой яажа урилдажа шадахабши? Хэрбээ ши салуу, үргэн нютагта бүдэрэн унажа байбал, Иорданай бүтүү шэрэнги соо яаха болонош?

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 30:21

Ударидагшань – тэдэнэй нэгэн, захирагшань – өөһэд дундаһаань тодорхо. Минии тэдэниие урихада, тэдэ дүтэлэн ерэхэ. Урилгагүйгөөр Нам руу дүтэлхэеэ зүрхэсэхэ хэн байхаб даа?

Ерэмияа 4:7

Нюуса газарһаа гаража байһан арсаландал, үндэһэн арадуудые усадхагша хүдэлэн гаража эхилээ. Иудын хан түрые үгы хэхэеэ тэрэ өөрын газарһаа гараба. Хотонуудтнай һандаргаагдаха, тэндэ хэншье ажаһуухагүй.

Даниил 7:4

Түрүүшын амитан бүргэдтэл адли далитай, гэбэшье түхэлөөрөө арсаланда адли. Хараһаар байтарни, далинуудынь хуулагдан абтаба. Тиигээд тэрэ үргэгдөөд, хүндэл адли хүл дээрээ табигдаба, хүнэй ухаан бодол тэрээндэ үгтэбэ.

Наум 1:6

Тэрэнэй зэбүүрхэн байхада хэн амиды мэндэ байжа шадахаб? Шатан дүрэлзэжэ байгаа уурыень хэн тэсэхэб? Уур хилэнгынь гал мэтэ дэлгэржэ, хада ууланууд урдань нуран унанал.

Захарияа 11:3

Тунга ногоон бэлшээри халсаржа, малшадай уйлаха дуулдана. Иорданай һүр жабхалан һүйдхэгдэжэ, залуу арсалангуудай хэрхирхэнь соностоно.

Тоололго 16:5

Коорахта болон тэрээнтэй үгэеэ нэгэдэн үгэсэлдэгшэдтэ иигэжэ хэлэбэ: – Үглөө үглөөгүүр Эзэн үнэхөөрөө хэн Тэрэнэйб, хэн арюун нангин бэ, Өөр руугаа хэниие дүтэлүүлдэг байха тухайгаа харуулха даа. Тэрэнэй шэлэһэн хүн лэ Тэрээндэ дүтэлдэг байха.

Нүүнэй Иисүүс 3:15

Хэлсээнэй ханза үргөөшэдэй Иорданда орожо, шажанай албатанай хүлнүүдэй уһанда нороходо (Иордан шэниисэ хадаха бүхы үдэрнүүдтэ эрьеһээ халижа байгаа),

Гэршэлгэ 6:17

Эдэ Хоёрой айхабтар ехэ уур сухалай үдэр хүрэжэ ерэбэ, тиин тэрэ ехэ уур сухалыень хэн тэсэжэ шадахаб?