Ерэмияа 49:17 - Библи

¹⁷ Эзэн айладхана: – Эдоом угаа ехээр һандаргагдаха, хажуугаарнь гараһан хүн бүхэн сошохо, шархануудыень хаража, шоо үзэхэ.

Ерэмияа 49:17 ပူးပေါင်းရင်းမြစ်များ

3 Хаан түрэнүүд 9:8

Энэ мүнөө байгааша Һүмэ тухай хажуугаарнь һүүлдэнь гарагша хүн бүхэн: «Энэ газар дайдые болон энэ Һүмые Эзэн юунэйнь түлөө хэһээгээ гээшэб?» – гэжэ һүрдэн, эшхэрэн байха.

Ерэмияа 18:16

Тэдэ өөрын нютагаа жэгшүүрилтэ зүйл, баһан наадалха зүйл болгоо! Тэрэнэй хажуугаар үнгэрһэн хүн бүхэн угаа гайхажа, толгойгоо һэжэрхэл.

Ерэмияа 49:13

Боцраа хото үзэмжэгүй муухай, зэлүүд хооһон болохо гэжэ Би тангариглаа һэм. Зон тэрэниие доромжолон наадалжа, хараал хэлэхэдээ нэрыень дурдадаг болохол. Дүтын һууринууд хэтэ мүнхэдөө һандаргагданхай үлэхэ. Энэ болбол Би, Эзэн, айладхана мүн!

Ерэмияа 50:13

Минии уур хилэнсэглэхэдэ, тэндэ хэншье ажаһуухаяа болихо. Вавилоон һандаргагдажа, тэрээн дээгүүр гарагша хүн бүхэн сошон-гайхан үнгэрхэл.

Ерэмияа 51:37

Вавилоон һандархай шулуунуудай, сүүбэн шононуудай орон нютаг, угаа үзэмжэгүй муухай болохо, хэншье тэндэ байхагүй, эдэ бүгэдые харагша хэн нэгэн ехэ һүрдэхэ.

Эзэкээл 25:13

Тиимэһээ улад зонииень, адууһа малыень усадхажа, Эдоомые хэһээхэб. Газар дайдань Тэмаанһаа эхилээд, Дэдаан хүрэтэр ханха зайдан болохо, бүхы зонииень һэлмээр усадхахаб.

Эзэкээл 27:36

Ши ошонгоо ошоош, хэтэ мүнхэдөө үгы болоош. Дэлхэйн бүхы наймаашад шинии аймшагтай хуби заяае хаража доһолоол».

Эзэкээл 35:15

Израилиин һалан һандаржа байхада баясажа байгаа бэлэйш. Тон тиимэ юумэн шамтай тохёолдохо: Сэһиирэй хадалиг улас, хамаг Эдоом орон нютаг хооһорон һандарха. Тиихэдэ хүн бүхэн Намайе Эзэн гээд ойлгохо.

Эзэкээл 35:3

Тэдээндэ Минии иигэжэ айладхаһые хэлэ: Би, Эзэн Бурхан, урдаһаатнай тулахаб! Орон нютагыетнай хубхай хооһон тала болгохоб!

Эзэкээл 35:7

Сэһиир оронииетнай зэлүүд хооһон болгожо, дээгүүрнь гарааша амитан бүхэниие алахаб.

Михей 6:16

Омрии хаанай болон Ахаабай бүлынхидэй үйлэ жэшээ даган, зүблэлөөрнь ябанаш, тиимэһээ Би шамда гай һандарал ушаруулжа, ажаһуугшадыеш шоодбори болгохоб. Арад түмэнэйм жэгшүүритэй эшхэбтэр байдал таанад дээрэл бууха».

Цэпаанияа 2:15

Аюулгүй оршогшо, баяр зугаатай байгша, «бил гээшэб, намһаа ондоо һайхан хото байхагүй» гэжэ досоогоо бардамлажа байгааша хото иимэ болохо! Ан арьяатанай байра, һандаралай үүр тэрэл! Хажуугаарнь үнгэрөөшэ хүн бүхэн шоо үзэн, гараараа занган гараха.

Хуули дабталга 29:22

Саашанхи үетнай, танай һүүлээр ажаһууха уг удамтнай, холын газар нютагһаа ерэһэн хариин зон тэрэ газар дайдын гай тодхор, Эзэнэй тэрэ газарта дэлгэрүүлһэн зоболон хаража, иигэжэ хэлэхэ: