Ерэмияа 49:14 - Библи

¹⁴ Би, Ерэмияа, иигэжэ хэлээб: – Эдоомой улад зон, би Эзэнһээ мэдээсэл абабаб. Сэрэгээ суглуулжа, таанадта добтолхоёо бэлдэхэ тухай үндэһэ яһатадта дуулгаха зорилготойгоор Эзэн элшэ эльгээнхэй.

Ерэмияа 49:14 ပူးပေါင်းရင်းမြစ်များ

Исай 30:4

Египедэй хотонууд болохо Цооһанда ударидагшадынь ба Ханээс руу элшэнэрынь хүрөөшье хадань

Исай 37:7

Би Ассириин хаанда һүлдэеэ эльгээхэб, тэрэ нэгэ мэдээсэл абамсаараа, өөрынгөө орон нютаг руу бусаха. Тиигээд Би тэрэниие тэндэнь һэлмээр сабшан һүнөөхэб».

Ерэмияа 49:15

Би шамайе арадуудай дунда тоогдохоор бэшэ ахир бага болгохоб, шамайе булта шоо үзэхэ.

Ерэмияа 51:11

Эзэн Мидиин хаашуулые дуудаа, юуб гэхэдэ, тэрэ Вавилооной орон нютагые усадхаха гэһэн түсэбтэй. Иимэл аргаар Тэрэ Һүмынгөө түлөө үһөөгөө абаха. Сэрэгэй ноёд захирба: «Годлинуудаа хурсадагты! Һаадагуудаа дүүргэгты!

Ерэмияа 51:46

Зоригтнай бү мохог, дуулаһан һураг сууһаа боложо айжа бү байгты! Жэл бүри элдэб һураг дуулдажал байгаа ааб даа: дэлхэй дээрэ боложо байһан дайн дажар тушаа, нэгэ хаанай нүгөө хаантай тэмсэжэ байһан тухай.

Матвей 24:6

Мүн байлдаанууд тухай, дайн сэрэг тухай һураг дуулахат, теэд бү айгаарайгты. Тиимэрхүү юумэнүүд болохо ёһотой. Зүгөөр энэнь үшөөл эсэс бэшэ байха.