Ерэмияа 46:6 - Библи

⁶ Хурданшье хүлтэйнь тэрьедэжэ шадахагүй, хүсэтэйшүүлыньшье амиды гарахагүй. Хойто зүгтэ, Евфрадай хажууда тэдэ бүдэржэ унахал.

Ерэмияа 46:6 ပူးပေါင်းရင်းမြစ်များ

4 Хаан түрэнүүд 23:29

Тэрэ сагта Египедэй хаан, фараон Нээхо Ассириин хаанда добтолхоёо Евфрат мүрэн тээшэ ошобо. Ёшияа хаан тэрэниие угтахаяа урдаһаань ошобо. Фараон Мэгиддоодо Ёшияае харамсаараа алаба.

4 Хаан түрэнүүд 24:7

Египедэй хаан өөрынгөө орон нютагһаа бэшэ гарабагүй. Вавилооной хаан Египедэй хаанай мэдэлдэ урдань байһан Египедэй һудалһаа Евфрат хүрэтэрхи бүхы газарнуудыень булимтаран абаба.

Псалманууд 27:2

Тан руу туһаламжа гуйн дуудахадам, эгээл нангин газар руутнай гараа һунгахадам, гуйһан дуу хоолойем соносыт!

Экклезиаст 9:11

Нарата дэлхэйдэ хараһан зүйл соо хурданиинь урилдаанда шалгардаг бэшэ, эрэлхэгтэ илалта ерэдэггүй, мэргэн сэсэндэ олоһон хилээмэниинь хүртэхэгүй, ухаатайда зөөри баялиг байхагүй, уран дүйтэйдэ шадабари үгтэдэггүй, бүхы хүнүүд эрэ бэрхэдээ бэшэ, аза талаангайл тудахада юумэн хуу ушарха сагтаа болодог.

Исай 8:15

Олохон зон бүдэржэ унаха, тэһэ бута унаха. Тэдэ урьха зангада орожо баригдаха.

Ерэмияа 1:14

Тиихэдэ Эзэн намда: – Энэ нютаг ороной бүхы ажаһуугшадта гай тодхор хойто зүгһөө тохёолдохо.

Ерэмияа 20:11

Теэд Та, Эзэмни, хүсэн түгэс баатартал, намтай хамта байнат. Тиимэһээ намайе мүрдэгшэд бүдэржэ, намайе диилэжэ шадахагүй, нэрээ хухарха, зориһоноо бэелүүлжэ шадахагүй. Нэрээ гутааһаниинь хэтэ мүнхэдөө мартагдахагүй!

Ерэмияа 25:9

хойто зүгэй арадуудай болон Өөрынгөө албатан, Вавилооной хаан Навуходоносорой хойноһоо эльгээжэ, танай орон нютагай, улад зонойтнай, хүршэ арадуудайтнай урдаһаа дайлахыень асархамни. Таанадые хүршэнэртэйтнай хамта бүримүһэн усадхажа, хэтэ мүнхын һандарал, аймшагтай, угаа муухай зүйл болгон үлөөхэб. Энэ болбол Би, Эзэн, айладхана мүн!

Ерэмияа 4:6

Тогтонгүй гүйжэ, амияа абархыень туг үргэн, Сиондо дохёо тэмдэг үгэгты. Ушарынь гэбэл, Эзэн хойто зүгһөө гай гасалан ба агууехэ сүйд асаржа байна.

Ерэмияа 46:10

Энэ үдэр болбол Түмэн Сэрэгтэ Эзэнэй үһөөгөө абаха үдэр. Тэрэ дайсадһаа үһөөгөө абажа, һэлмэнь садатараа тэдэниие залгиха, шуһыень садатараа ууха. Энэ хадаа Түмэн Сэрэгтэ Эзэндэ хойто зүгтэ, Евфрат мүрэнэй дэргэдэ үргэһэн үргэл болоно.

Ерэмияа 46:12

Үндэһэ яһатад шинии доройтолго тухай дуулаа. Оог хашхарааншни бүхы дэлхэйгээр сууряатаа. Хүсэтэ нэгэн нүгөөдэтэеэ нэшэлдээд, хоюулаа газар руу унабал.

Ерэмияа 46:16

Танай сэрэгшэд бэе бэеэ нэшэлдэн унаа, бэе бэедээ: «Бодогты, гэр руугаа, арад түмэндөө бусая, дайсанһаа хороё!» гэлдэнэ,

Ерэмияа 50:32

Бардам зантай үндэһэ яһатантнай бүдэрэн унаха, хэншье тэрэниие һэргээжэ-үндылгэжэ шадахагүй.

Ерэмияа 6:1

Бэньямиинэй үри һадаһад, ами наһаяа абархаяа Иерусалимай хотонуудһаа тэрьедэн ошогты! Гай гасалан, агууехэ сүйд хойто зүгһөө болохоёо байна гэжэ Тэкооһада бүреэ үлеэжэ, Бэт-Һахээрэмдэ һэргылэмжын тугуудые үргэгты.

Даниил 11:19

Тэрэ һөөргөө өөрын орон нютаг, хана хэрэмүүд руугаа шэглэхэ, гэбэшье аян замдань тэрээндэ дайсан добтолжо, һамна сохихо, иигэжэ тэрэ һэегүй үгы болохо.

Даниил 11:22

Тэрэнэй урдаһаа эсэргүүсэһэн лэ хүн, хэдэн байлдаануудта илалта туйлаһан сэрэгшэдшье, Хэлсээнэй удамаршаншье өөрөө байг, адли хосорхо юм.