Ерэмияа 46:17 - Библи

¹⁷ «Египедэй хаан, фараондо шэнэ нэрэ үгэгты: арга боломжоёо алдаһан дэмы хашхараашан гэжэ» гэлдэнэ.

Ерэмияа 46:17 ပူးပေါင်းရင်းမြစ်များ

3 Хаан түрэнүүд 20:10

Бэн-Һадаад иигэжэ харюу дамжуулба: – Угаа олон сэрэг таанад руу дахуулан асархадам, һандаргагдаһан Самариин үнэһэн шорой тэдэ асаруулааша зондом бултандань альган соонь хүртэхэгүй. Энээниие бэелүүлээгүй һаам, бурхад намда гай гасалан ушаруулаг лэ!

3 Хаан түрэнүүд 20:11

Израилиин хаан харюу эльгэбэ: – Юушье хээгүй аад, һайрхаха гээшэ үлүү. Хэрэгэй эсэстэ һайрхаһан дээрэ.

3 Хаан түрэнүүд 20:18

– Амидыгаар тэдэниие барижа асарагты! Амгалан тайбаншье хэрэгээр ябаа һаань, дайлахаяашье ябаа һаань, – гэжэ Бэн-Һадаад захирба.

Египедһээ гаралга 15:10

Үлеэхэдэтнай, уһан долгин дайсаниие хушаа, шэдэһэн туулган мэтэ уһанда тэдэ шэнгээ.

Египедһээ гаралга 15:9

«Хүсэһүүб даа наанаһаашни намнажа, хайшаа намһаа зугадабаш, – гэһэн харата дайсанай бодол тэнюун, – ойронь хүрэжэ гамгүй хюдахадаа, олзодо одоол садахамни хаяа, эритэ мэсынгээ үзүүртэ оруулжа, эльгэ сэдьхэлээ ханаха сагни ерээл».

Экклезиаст 3:1

Тэнгэри дорохи хамаг юумэн саг болзортой ба хамаг юумэн болохол сагтаа боложо байдаг:

Исай 31:3

Египедэй зон Бурхан бэшэ, юрын лэ зон ха юм даа. Тэдэнэй морид миин моринһоо үлүү бэшэ. Эзэнэй гараа һунгахадань, тэрэ туһалжа байгааша хүсэтэй зон бүдэржэ, туһалуулжа байһан хүсэгүй зон унажа, тэдэ хамта хосорхо.

Эзэкээл 29:3

Иигэжэ тэрээндэ хэлэ: Египедэй фараон, голой дунда хэбтэжэ байгша мантан крокодил мэтэш, «энэ Нил мүрэн минии, би тэрэниие өөрөө бүтээгээб» гэжэ хэлэнэш. Харин Би, Эзэн Бурхан, шинии урдаһаа тулахаб!

Эзэкээл 31:18

Египедэй фараон! Эдээмэй сэсэрлигэй али модонтой ши алдар солоороо, һүр жабхалангаараа зэргэсэхэ аргатайбши? Иимэ ушар шамтай болон улад зонтойш тохёолдохо. Дэлхэйн зонһоо эгээл хүсэтэй, үндэр байхадаш шамайе тэрэ модонтой жэшэхээр бэлэй. Эдээмэй Минии сэсэрлигэй мододой үхэн хатадагтал ши мүн лэ үхэхэш, үхэлэй орон руу эльгээгдэхэш, Бурхан гэжэ мэдэхэгүй, мүн дайн дажарта алуулһан зоной дунда хэбтэхэш. Энэ болбол Би, Эзэн Бурхан, айладхана мүн!