Ерэмияа 44:30 - Библи

³⁰ Хараарайгты даа, Вавилооной хаан Навуходоносорой һабарта Иудын хаан Цэдэкиия гэгшые үгэһэндэл, Би Египедэй хаан фараон Хопраае дайсадтань дамжуулхаб.

Ерэмияа 44:30 ပူးပေါင်းရင်းမြစ်များ

Ерэмияа 27:7

Орон нютагайнь болон өөрынь Навуходоносорой доройтохо сагай ерэтэр бүхы үндэһэ яһатан тэрээндэ, хүбүүндэнь болон ашадань алба хэн байха. Доройтоһонойнь удаа өөрынь арад зон олон зонтой яһатанда болон томо хаашуулда алба хэдэг болохо.

Ерэмияа 34:21

Иудын хаан Цэдэкиия гэгшые, тушаалтадыень дайсадайнь һабарта үгэхэб. Урдаһаатнай добтолгоёо саг зуура тогтооһон Вавилооной сэрэгтэ тэдэниие дамжуулхаб.

Ерэмияа 44:29

Энэ газар дээрэ таанадые Минии хэһээхэ байһанай, таанадта гай тодхор минии татаха байһанай дүлгэ тэмдэг харуулхаб.

Эзэкээл 30:21

– Хүнэй үри Эзэкээл! Египедэй хаан фараоной гарые хухалааб. Хэншье тэрэниие орёогоо, боогоогүй, һэлмэ барижа шададаг болоторынь эдэгээгээгүй.

Эзэкээл 31:18

Египедэй фараон! Эдээмэй сэсэрлигэй али модонтой ши алдар солоороо, һүр жабхалангаараа зэргэсэхэ аргатайбши? Иимэ ушар шамтай болон улад зонтойш тохёолдохо. Дэлхэйн зонһоо эгээл хүсэтэй, үндэр байхадаш шамайе тэрэ модонтой жэшэхээр бэлэй. Эдээмэй Минии сэсэрлигэй мододой үхэн хатадагтал ши мүн лэ үхэхэш, үхэлэй орон руу эльгээгдэхэш, Бурхан гэжэ мэдэхэгүй, мүн дайн дажарта алуулһан зоной дунда хэбтэхэш. Энэ болбол Би, Эзэн Бурхан, айладхана мүн!