Ерэмияа 44:23 - Библи

²³ Энэ гай тодхор танай гэм зэмэһээ болоо: таанад хариин бурхадта үргэл үргэжэ эхилээт, Эзэнэй үгэ дуулаагүйт, нүгэл урдань хээт.

Ерэмияа 44:23 ပူးပေါင်းရင်းမြစ်များ

3 Хаан түрэнүүд 9:9

Тэрээндэ иимэ харюу үгэхэ: «Египедһээ гаргаһан Эзэн Бурханаа орхижо, ондоо бурхадта няалдан, шүтэн мүргэжэ, тэдээндэ алба хэдэг болоһонойнь түлөө Эзэн тэдээндэ иимэ гай гасалан эльгээгээ».

4 Хаан түрэнүүд 17:15

Израильшууд Тэрэнэй хуулинуудые, үбгэ эсэгэнэртэйнь баталһан үнэн сэхэ байха тухай хэлсээе, тэдээндэ захиһан захяае мартажа, оршон тойронхи арадуудые һажаалдажа, онгон бурхадтань шүтэн мүргэдэг болобо. Эзэн тэдэниие бү һажаалдагты, тэдээнһээ жэшээ бү абагты гэжэ израильшуудта хэлэһэн байгаа.

2 Угай бэшэг 36:16

Теэд тэдэ Бурханай элшэдые наадалжа, Үгыень анхарангүй, лүндэншэдыень хараажа байба. Тиимэһээ арад зоной абарагдахын аргагүйгөөр Эзэн арадтаа уурлаба.

Нэхэмьяа 13:18

Танай үбгэ эсэгэнэрэй иимэ ябадалайнь түлөө манай Бурхан маанадта, энэ хотодо бэрхэшээлнүүдые эльгээгээ бэлэй. Субботые бузарлаһанайнгаа түлөө таанар Израильда үшөө ехэ гай тодхор ушаруулхатнай.

Псалманууд 78:10

«Бурханиинь хаана юм?» гэжэ үндэһэтэд юундэ хэлэжэ байха юм? Богоолнуудайтнай шуһа урасхуулһанай түлөө яажа хэһээдэгыетнай манай хараһаар байтар тэдэ үндэһэтэд үзэг лэ!

Ерэмияа 26:4

Зондо иигэжэ хэлэхыемни Эзэн захираа: – Минии дамжуулһан һургаал заабари сахиха ёһотойт.

Ерэмияа 40:3

Иигэжэ Тэрэ айладхаһанаа бэелүүлээ, Эзэнэй урдаһаа нүгэл хэжэ, үгыень дуулаагүй байһанайтнай түлөө Тэрэ тиигээ.

Ерэмияа 44:10

Тэдэ мүнөөшье болотор тиигэһээр. Минии та бүгэдэндэ болон үбгэ эсэгэнэртэтнай үгэһэн хуулинуудые сахинагүй, Намһаа айнагүй.

Ерэмияа 44:18

Харин Тэнгэриин хатан бурханда үргэл, сэржэм үргэхэеэ болиходоо, юушьегүй болообди, зомнайшье дайн дажарта, үлэсхэлэн хооһон байдалһаа наһа бараа.

Ерэмияа 44:2

Түмэн Сэрэгтэ Эзэн, Израилиин Бурхан иигэжэ айладхаа: – Иерусалим болон Иудын хан түрын хотонуудта Минии татаһан бүхы гай тодхорые таанад хараа-үзөө бэлэйт. Мүнөө болотороо тэдэ хооһон, һандархай, хэншье тэндэ ажаһуунагүй.

Ерэмияа 44:21

– Иудын хан түрын хото һууринуудта, Иерусалимай үйлсэнүүдтэ таанадай, үбгэ эсэгэнэрэйтнай, хаашуулайтнай, удамаршадайтнай хэжэ байһан үргэл тухай Эзэн мартаа гү, али мэдэнэгүй гэжэ һанаа гүт?

Ерэмияа 44:3

Ямар ушар шалтагаанһааб гэхэдэ, тэдэ зон муу юумэ хээ – элинсэг хулинсагайнгаашье, өөһэдөөшье, үхи хүүгэдэйнгээшье мэдэхэгүй ондоо бурхадта үргэл үргэдэг байгаа.

Ерэмияа 44:8

Шүтөөнүүдые хэжэ, Египедэй газар дайдада ондоо бурхадта үргэл үргэжэ, өөһэдыгөө һалгаахатнай гү? Дэлхэйн арадуудай доромжолол болохо, танай нэрые хараал мэтээр дурдадаг болохын тула гү?

Гашуудал 1:8

Иерусалим ехэ нүгэл хээ, тиимэһээ бузартай болоо. Тэрээндэ соло үргэн байгаашад мүнөө шоо үзэн хаража байна. Өөрөө тэрэ уйлажа, буруу хараад байна.

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Коринфынхидтэ 1-дэхи 10:20

Үгыл даа, бусад арадуудай онгонуудта үргэдэг юумэнүүд Бурханда бэшэ, харин ада шүдхэрнүүдтэ зорюулаатай гэжэ би хэлэхэ һанаатайб. Тиимэһээ таанадай ада шүдхэрнүүдтэй нэгэдэхые хүсэнэгүйб.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».