Ерэмияа 44:14 - Библи

¹⁴ Египедэй газар дайда руу ерэһэн Иудын хан түрын үлдөөсэ зонһоо хэншье амиды мэндэ үлэхэгүй. Сэдьхэлээрээ тэгүүлжэ байһан түрэл Иудын орон нютагаа хэнииньшье бусахагүй. Гансал нэгэ хэды бодхуулшад амиды үлэхэ.

Ерэмияа 44:14 ပူးပေါင်းရင်းမြစ်များ

Исай 10:20

Израилиин үлдөөсэ зоной, Яковай удамай үлөөшэдэй өөһэдыень хюдааша үндэһэ яһатанда бэшэ түшэхөө болихо сагынь дүтэлжэ байна. Тэдэ зүб лэ Эзэндэ, Израилиин арюун Бурханда, түшэглэн этигэжэ эхилхэ.

Исай 4:2

Тэрэ үдэр Эзэнэй мүшэр гоё һайханаар, алдар солоор толоронхой бии болохо, газарай хэшэг Израилиин амиды мэндэ үлэгшэдтэ бахархал, гоо һайханиинь болохол.

Ерэмияа 22:10

Иудын хан түрын зон, үхэһэн хүнэй хойноһоо бү уйлагты, бү гашуудагты. Баряанда туугдан ошоһон хүнэй хойноһоо сурхирса уйлыт. Тэрэ хэзээшье һөөргөө эрьен ерэхэгүйл, түрэл нютагаа хэзээдэшье харахагүйл.

Ерэмияа 42:17

Египет руу ошожо байха һанаатай зон бултадаа дайн дажарта гү, али туража, үгышье һаа, үбдэжэ үхэхэ, нэгэшье хүн амиды мэндэ үлэхэгүй, хэншье Минии татахаяа байгааша гай тодхорһоо зайлахагүй».

Ерэмияа 42:22

Тиимэл хадаа мэдэжэ байгты: ошохоёо һанаһан газартаа дайн дажарһаа, туража, үбшэлжэ таанад үхэхэт.

Ерэмияа 44:26

Тиимэ хадатнай Би, Эзэн, Өөрынгөө агууехэ нэрээр тангаригланаб: Египедэй орон нютагта ажаһуугша иудейнүүдтэ Минии нэрээр тангариглахыень хориноб!

Эзэкээл 20:38

Минии урдаһаа һөөргэдэгшэдые Би таанад сооһоо илгажа, баряанда байгша орон нютагһаань гаргаашье хадаа Израилиин газар руу оруулхагүйб. Тиихэдэм таанад Намайе Эзэн Бурхан гээд мэдэрхэт.

Эзэкээл 6:8

Гэбэшье үсөөхэн зарим зонииетнай абаржа, ондоо үндэһэ яһатадай дундуур сасан байлгахаб.

Матвей 23:33

Могойнууд, хорото могойн таһардаһад! Таанар тамада хаягдаха хэһээлтэһээ яажа хулжархые бодонобта?

Римэйхиндэ 2:3

Гэмнэжэ байһан хүнүүдтэйгээл тон адли юумэ үйлэдэжэ байхадаа, таанад Бурханай хэһээлтэдэ хүртэхэгүйбди гэжэ үнэхөөрөө һанана гүт?

Римэйхиндэ 9:27

«Эзэн зарга шүүбэреэ газар дэлхэй дээрэ шуумгайгаар ябуулха. Тиимэһээ Израилиин арад зоной далайн элһэндэл адли тоогүй олон байгаашье һаань, тэдэнэй үсөөниинь абарагдаха», – гэжэ Израилиин арад тухай Исай лүндэншэн айладхаа.

Еврейнүүдтэ 2:3

Тиимэ агууехэ абаралгые тоонгүй, бидэ хэһээлтэһээ яажа зугадаха гээшэбибди? Эзэн энэ абаралга тухай анхан Өөрөө айладхаа. Тэрэниие дуулаһан хүнүүд абаралга болбол үнэн гэжэ бидэндэ баталан хэлээ.