Ерэмияа 38:19 - Библи

¹⁹ Цэдэкиия хаан намда иигэжэ хэлэбэ: – Вавилооной тала барин ошоһон манай зонһоо айдаһам хүрэнэ. Би тэдэнэй гарта ороо һаа, үхэтэрөө зобоолгохолби.

Ерэмияа 38:19 ပူးပေါင်းရင်းမြစ်များ

2 Угай бэшэг 30:10

Эпрааимай ба Мэнашшээгэй обогуудай газарһаа эхилээд, Зэбүлүүнэй обогой газар хүрэтэр элшэнэр ябаба, харин улад зон тэдээниие наадалжа, баһажа байба.

Нэхэмьяа 4:1

Бидэниие хана барина гэжэ Санбаллаат мэдэхэдээ, сухалаар бусалан уурлаба. Иудейнүүдые наада барин,

Иоов 31:34

Зоной муу хэлэ аманһаа зайлажа, угсаатанайнгаа зоной зэбүүрхэлһээ айжа гэртээ хороогүйб.

Һургаал 29:25

Хүнһөө айха гээшэ занга юм. Харин Эзэндэ этигэдэг хүн аюулда орохогүй.

Исай 57:11

Эзэн иигэжэ айладхана: «Намайе сэдьхэлдээ хадагалжа байнгүй, худал хэлэжэ байхадаа таанад ямар бурхадһаа айдаг болообта? Удаан сагта абяа шэмээгүй байһандам Намһаа айхаяа болёо гүт?

Ерэмияа 20:7

Эзэмни, Та намтай аяглан, дурыем татажа, би татагдабаб. Та намһаа хүсэтэйт, тиимэһээ намайе диилэбэт. Би бүхэли үдэрэй туршада зоной наада-энеэдэн болоноб, хүн бүхэн намайе баһана.

Ерэмияа 38:22

Тэрэ үзэгдэл соогоо би Иудын хаанай ордон соо орхигдоһон эхэнэрнүүдые хараа һэм. Тэдэ эхэнэрнүүд Вавилооной сэрэгэй ахамадуудта абаашагдаха. Тэдэ эхэнэрнүүд хаанай нүхэд өөрыень мэхэлбэ, тэдэ хааниие буруушаана. Хүлэйнь шабар шабхада ороходо, нүхэдынь

Ерэмияа 38:5

Цэдэкиия хаан тэдээндэ: «Энэ урдатнай тэрэ байнал даа. Һанаһаараа тэрээнтэй юумэ хэгты, би таанадай урдаһаа юушье хэлэхэгүйб», – гэбэ.

Ерэмияа 39:9

Харуулай ахамад Набузарадаан хото соо үлэһэн зониие, мүн дайсанай тала баримталан ошогшодые Вавилоон руу нүүлгэн абаашаба.

Иоанн 12:42

Ахамадуудайшье дунда Иисүүстэ этигэһэн хүн үсөөн бэшэ һэн, харин энээн тухайгаа сэхэ хэлэхэеэ фарисейнүүдһээ түбэгшөөдэг, мүргэлэй гэрһээ намнуулхабди гэжэ айдаг байгаа.

Ударидагшад 16:25

Найрлан сэнгэжэ байһан пилиштүүд иигэжэ хашхаралдабад: – Түрмэһөө Самсоониие эндэ асарагты! Тэрэ бидэниие сэнгүүлэн хүхеэг! Тэдэнэр Самсоониие харанхы түрмэһөө асаруулаад, бидэниие сэнгүүлэн хүхеэ гэжэ тэрээндэ захирба. Хүтэлөөд ябагша залуухан хүбүүн Самсоониие Дагоон бурханай һүмын досоохи хоёр бахана тулгын хоорондо хүтэлэн асарба.

Ударидагшад 9:54

Абимээлэх зэбсэгыень абажа ябагшаяа дары түргэн дуудажа ерүүлээд: «Эхэнэр хүн намайе алаа гэжэ хэлсэхэгүйн тула һэлмэеэ һугалаад, ши намайе ала», – гэжэ тэрээндэ хэлэбэ. Залуу хүбүүн һэлмээрээ хадхажа тэрэниие алаба.

1 Хаан түрэнүүд 15:24

Саул Самуилда: – Би нүгэл хээб. Арад зонһоо айжа, үгыень дуулажа, Эзэнэй захиралта ба танай үгые дүүргээгүйб.

1 Хаан түрэнүүд 31:4

Тиихэдээ Саул өөрынь зэр зэбсэгые үргэгшэдэ: – Ши һэлмэеэ һугалаад, намайе хадхажа ала. Бэлгэеэ отолуулаагүй эдэ хүнүүд ерэжэ, намайе хадхан алажа, доромжолхол, – гэбэ. Теэд зэр зэбсэгынь үргэгшэ ехэ айжа, тэрэ захиралтыень дүүргэжэ шадабагүй. Саул һэлмэ абажа, дээрэнь унашаба.