Ерэмияа 37:7 - Библи

⁷ – Иудын хаан Цэдэкиияда: Фараоной сэрэг таанадта туһалхаяа ерэжэ ябаһан аад, һөөргөө Египет руугаа бусаха.

Ерэмияа 37:7 ပူးပေါင်းရင်းမြစ်များ

4 Хаан түрэнүүд 22:18

Эзэнһээ асуухаяа таанадые эльгээһэн Иудын хаанда иигэжэ дамжуулагты! Эзэн, Израилиин Бурхан шамда уншажа үгэһэн номой тэдэ үгэнүүд тухай иигэжэ хэлэнэ:

4 Хаан түрэнүүд 24:7

Египедэй хаан өөрынгөө орон нютагһаа бэшэ гарабагүй. Вавилооной хаан Египедэй хаанай мэдэлдэ урдань байһан Египедэй һудалһаа Евфрат хүрэтэрхи бүхы газарнуудыень булимтаран абаба.

Һургаал 21:30

Эзэнэй һанаагүйдэ мэргэн сэсэн, оюун ухаан, хүнэй түсэб түлэблэл юуншье бэшэ.

Исай 30:7

Египедэй туһа ямаршье ашагүй, хооһон. Тиимэһээ Би «Аюулгүй Рааһаб» гэжэ Египедые нэрлэнэб.

Исай 36:6

Египет туһалха гээд найданат. Теэд энэ болбол хухарһан таяг хэрэглэн, түшэһэндэл адли болохол! Хухарһан таяг дууһан хухаржа, альгыетнай шаажа, соо хадхахал. Египедэй хаан фараондо найдаха гээшэ энээндэл адли юм.

Ерэмияа 2:18

Һанаад үзыт, Иудын зон, Нил мүрэнэй уһа уухаяа таанадай Египет руу ошохо түсэбтэ энэ болбол туһалаа гү? Евфрат мүрэнэй уһанһаа уухаяа Ассири руу ошохо түсэбтэтнай энэ хадаа туһалха гү? Үгы!

Ерэмияа 2:36

Ондоо арад зоной бурхадта мүргэжэ, өөһэдыгөө доромжолбот. Ассириин таанадые наада хараһандал адли Египедшье баһа таниие наада харахал.

Ерэмияа 2:37

Эшэһэндээ нюураа бүглэн, Египедһээ гарахат. Би, Эзэн, танай найдажа байһан эдэ улас оронуудһаа буруушаан татагалзааб, тэдэ танда туһалхагүй.

Ерэмияа 21:1

Цэдэкиия хаан нам руу Малхияагай хүбүүн Пашхуурые болон Маашэяагай хүбүүн, санаартан Цэпаанияа гэгшэдые эльгээжэ, иигэжэ хэлүүлбэ:

Ерэмияа 21:2

«Манай түлөө Эзэниие гуйгыш. Юуб гэхэдэ, Вавилооной хаан Навуходоносор бидэндэ дайлажа байна. Манай түлөө оролдожо, Эзэн Өөрынгөө гайхамшагта нэгэ үзэгдэл харуулжа магад, тиихэдэнь Навуходоносор бидэнһээ сухарин ошохо аалам».

Ерэмияа 37:3

Цэдэкиия хаан Шэлээмияагай хүбүүн Еһүкаалые болон Маашэяагай хүбүүн санаартан Цэпаанияа гэгшэдые нам руу эльгээжэ, «Эзэн Бурхандаа арад зон тухайгаа зальбархыем гуйгаа» бэлэй.

Ерэмияа 37:5

Вавилооной сэрэг Иерусалимые бүһэлөөд байһан аад, Египедһээ фараоной сэрэгэй ерэжэ ябаһан тухай дуулахадаа, һөөргөө хотирбо.

Ерэмияа 37:6

Тиихэдэ Израилиин Эзэн Бурхан:

Гашуудал 1:7

Гай тодхорто үдэрнүүдэй ерэхэдэ Иерусалим урдандаа ямар үнэтэ зүйлые эзэмдэн байдагаа һанан байна. Теэд арад түмэниинь дайсанда диилдээ, хэншье туһалнагүй. Дайсад тэрээн руу хаража, хүсэгүй байра байдалыень наадалан энеэлдэнэ.

Гашуудал 4:17

Харин бидэ туһаламжа хүлеэн, дэмы нюдэеэ эсээгээбди. Маанадые абаржа шадахагүй арадые хараашалан, харуулай самхагһаа шэртэн хүлеэгөөбди.

Эзэкээл 17:17

Вавилооной сэрэгэй добтолон, хото руу нэбтэрэн орохоёо, ажаһуугшадыень алахаяа далан барижа, бүһэлүүр ханануудые бодхоожо байхадань, хүсэтэй олон сэрэгтэй Египедэй фараоншье тэрээндэ туһалжа шадахагүй.

Эзэкээл 29:16

Израиль тэдэнэй туһаламжаһаа бэшэ хэзээдэшье дулдыдажа байхагүй. Тиихэдэ Египедтэ найдаһамнай буруу байгаа гэжэ Израилиин зон ойлгохо. Тиигээд тэдэ Минии, Эзэн Бурханай, эдэ бүгэдые үйлэдэһые мэдэхэ.

Эзэкээл 30:22

Египедэй фараоной урдаһаа тулахаб, элүүр, мүн хухарһаншье гарнуудыень хоюулынь хухалхаб, тиигэжэ гарһаань һэлмэ унагаахаб гээд Намайе, Эзэн Бурханиие, айладхана гэжэ фараондо дуулга.