Ерэмияа 36:9 - Библи

⁹ Ёшияагай хүбүүн Ёякиимэй Иудын хан түрые табадахи жэлээ, юһэдэхи һараа зонхилжо байха үедэ зон масаг баряа һэн. Энэ масагые Иерусалимай болон ондоо хотонуудһаа ерэһэн бүхы зон сахин-дүүргэн байгаа.

Ерэмияа 36:9 ပူးပေါင်းရင်းမြစ်များ

2 Угай бэшэг 20:3

Ёшапаат айжа, Эзэндэ мүргэжэ эхилбэ. Тиигээд тэрэ Иудын улад зондо масаг бариха тухай захиралта буулгаба.

Нэхэмьяа 9:1

Израильшууд тэрэ һарын хорин дүрбэнэй үдэр сугларжа, гашуудалай шэрүүн хубсаһа үмдөөд, бэе дээрээ шорой адхаад, масаглабад.

Эстээр 4:16

– Та мүнөө ниислэл хото Сүүзэдэ байгааша иудейнүүдые бултыень суглуулаад, минии түлөө гурбан хоног юушье эдин уунгүй масаглажа, Эзэн Бурханһаа туһаламжа гуйгты! Тэрэ үедэ бишье зараса эхэнэрнүүдтэеэ хамта мүн лэ эдеэ хоол барингүй байхаб. Энээнэй һүүлээр хэды буруушье юумэ хэжэ байгаашье һаа, би хааниие бараалхан орохоб. Үхэхэ ёһотой һаа, үхүүжэб!

Ерэмияа 36:1

Ёшияагай хүбүүн Ёякиимэй Иудын хан түрые дүрбэдэхи жэлээ зонхилжо байха үедэ Эзэн намда иигэжэ айладхаба:

Ерэмияа 36:22

Энэ үйлэ хэрэг үбэл болоо һэн. Хаан үбэлэйнгөө ордон соо галай хажууда һуужа байгаа.

Ерэмияа 36:6

Тиимэһээ ши зоной масаг бариха үедэ тиишээ ошожо, бүхы зоной, ондоо хотонуудһаа ерэһэн иудей уладай дуулахаар, шангаар хуйламал ном соохи Эзэнэй үгэнүүдые уншан тунхагла.

Ёһээл 1:13

Санаартан, гашуудалай хубсаһа нэмэрэн уйлагты. Үргэлэй шэрээдэ үйлэ бүтээгшэд орилогты. Гашуудалай таар хубсаһа үмдөөд, һүниие үнгэргэгты. Ушарынь хадаа Бурханай үргөөдэ эдеэн үргэл, үргэлэй үзэмэй дараһан архи үгы болоо.

Ёһээл 1:14

Масаг сахилга тунхаглагты, ёһололой суглаа зарлагты. Ахамад болон орон нютагай хамаг зониие Эзэн Бурханай үргөөдэ суглуулжа, Эзэндэ зальбарагты.

Левит 23:27

– Баһа долоодохи һарын арбадахи үдэр арюудхалгын үдэр гээшэ, үргэл мүргэл болохо, масаг баригты, Намда, Эзэндэ, үргэл үргэгты.

Иона 3:5

Нинэвээ хотынхид Эзэндэ этигэбэ, масаг соносхобо, багашуулһаа эхилээд, бүхы зон шэрүүн бүдөөр оёгдоһон гашуудалай хубсаһа үмдэбэ.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Ударидагшад 20:26

Тиихэдэнь израильшуудай бүхы сэрэг Бэт-Ээл хото ошобо. Тэдэнэр тэндэ үдэшэ болотор масаглажа, һүмын тахилай шэрээгэй урда уйлалдаад, Эзэндэ түгэс шатаалта болон амгалан байдалай түлөө үргэлнүүдые үргэбэд.

1 Хаан түрэнүүд 7:6

Тэдэ Мицпаада сугларжа, уһа удхан, Эзэнэй урда сасан, тэрэ үдэр масаглан: – Бидэ Эзэнэй урда нүгэл хээбди, – гэбэ. Самуил Мицпаада Израилиин зониие ударидан байгаа.