Ерэмияа 36:7 - Библи

⁷ Эдэ зон Эзэндэ зальбаржа, муу замһаа эрьежэ магад. Эзэн эдээндэ угаа ехээр уурлан хилгэнтэхэ тухайгаа айладхаа һэм шуу.

Ерэмияа 36:7 ပူးပေါင်းရင်းမြစ်များ

4 Хаан түрэнүүд 22:13

– Ошогты, Эзэнһээ нам тухай, арад зон тухай, бүхы иудынхид тухай һурагты. Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

4 Хаан түрэнүүд 22:17

Юундэб гэхэдэ, тэдэ Намайе орхижо, ондоо бурхадта уталгануудые ууюулдаг байгаа. Иигэжэ тэдэнэй хэһэн хэрэгүүд Минии сухал хүргэбэ. Энэ газарта Минии уур хилэн бушаганажа, унтархагүй».

2 Угай бэшэг 34:21

– Ошогты, Эзэнһээ нам тухай, Израилиин, Иудын үлөөшэ арад зон тухай һурагты: Мүнөө олдогшо ном соохи бэшэлгэ бидэндэ ямар удхатайб? Юуб гэхэдэ, энэ ном соо бэшээтэй бүхы юумэ үбгэ эсэгэнэрнай сахин байгаагүй, Эзэнэй үгэ дуулаагүй, тиимэһээ Эзэн маанадта угаа ехэ уур хилэнсэгтэй байна.

Ерэмияа 1:3

Ёшияагай хүбүүн Ёякиимэй Иудын хаан түрэ зонхилжо байха үедэ Тэрэ Ерэмияада мүн лэ хандаа. Ёшияагай үшөө нэгэ хүбүүн Цэдэкиия гэгшын хаан түрэ барижа, хааншалалгынь арба нэгэдэхи жэлэй эсэс хүрэтэр Эзэн Ерэмияада айладхал буулгажал байгаа. Тэрэ онойнь табадахи һарада Иерусалимай ажаһуугшад баряанда абтан сүлэгдөө бэлэй.

Ерэмияа 16:10

Шинии эдэ бүхы үгэнүүдые энэ арад түмэндэ дуулгахадаш, тэдэ шамда «Ямар ушарһаа Эзэн маанадта иимэ агууехэ гай тодхор тохоо гээшэб? Бидэ ямар гэм зэмэтэйбибди? Өөһэдын Эзэн Бурханай урда ямар нүгэлтэйбибди?» – гэлдэхэ.

Ерэмияа 19:15

Израилиин Бурхан, Түмэн Сэрэгтэ Эзэн иигэжэ айладана: «Үзөөрэйгты, Минии үгэ дуулахагүй гэжэ үсэрхэһэнэйтнай түлөө Би тунхаглаһан бүхы гай тодхороо энэ хотодо болон оршон тойронхи һууринуудтань шэглүүлхэмни», – гээшые дуулгаа һэм.

Ерэмияа 21:5

Таанадта уурлан, хилгэнтэн, угаа ехээр дурагүйдэн, бии хүсэ шадалаараа урдаһаатнай туласалдахаб.

Ерэмияа 25:5

Эзэнэй та бүгэдэндэ болон үбгэ эсэгэнэртэтнай хэтэ мүнхэдөө үгэһэн газар нютагта саашадаашье ажаһуухынтнай тула ажабайдалай муу замһаа, хэдэг бузар муухай үйлэ хэрэгүүдһээ таанадай буруу харан ошохо тухай тэдэ хэлээ һэн.

Ерэмияа 26:3

Тэдэ шагнажа, муу замаа орхижо магадгүй. Тиигээ һаань, муу муухай үйлэ хэрэгүүдэйнь түлөө тэдээндэ гай тодхор татахаяа байһан түсэбөө Би болюулхаб.

Ерэмияа 36:3

Иудын хан түрын улад зон Минии тэдээндэ татахаяа байһан гай тодхор тухай дуулажа, муу муухай харгы замһаа эрьехэ аалам. Тиигээ һаань, Би тэдэнэй нүгэл шэбэлые арюудхан хүлисэхэб.

Ерэмияа 37:20

Үндэр түрэлтэ хаан, мүнөө намайе шагныт. Намайе һөөргэнь Ёнатаанай шорон болоһон гэртэ бү эльгээгыт. Эльгээгээ һаатнай, би тэндэ хосорхолби.

Ерэмияа 4:4

Минии арад түмэн бологты, зүрхэ сэдьхэлээ хубилгагты. Иудын ба Иерусалимай улад зон, тиигээгүй һаатнай, таанарай үйлэдэһэн муу муухай хэрэгүүдһээ боложо, Минии уур хилэн гал дүлэн мэтэ бушаганаха. Хэншье тэрэниие унтаргаажа шадахагүй.

Ерэмияа 42:2

намда ерэжэ, иигэжэ хэлэбэ: – Манай гуйһан гуйлтые дүүргыт! Манай түлөө, энэ үлөөшэ зоной түлөө Эзэн Бурхандамнай зальбарыт. Олон байһанаа үсөөн болообди, та өөрөө харана ха юмта даа.

Гашуудал 4:11

Эзэн уур сухалаар дүүрэжэ, уур сухалаа адхаба, Сиондо гал түймэр носообо, дууһан шатааба!

Эзэкээл 12:3

Тиимэһээ ши, хүнэй үри Эзэкээл, сүлэлгэ руу нүүхэдэ хэрэгтэй болохо зөөриеэ бэлдэжэ, бүрэг бараг болоогүйдэ, гэгээн сагаан үдэр дунда, хараһаар байтарнь гаргаарай. Ондоо газар руу нүүхыешни тэдэ хаража байг, тиихэдэ тэдэ үгэ дууладаггүйгөө ойлгохо аалам.

Эзэкээл 13:13

Тиимэһээ Эзэн Бурхан иигэжэ тунхаглана: – Уур сухал дундаа Би шанга һалхи, аадар бороо, мүндэр эльгэжэ, хана унагаахаб.

Эзэкээл 20:33

Шанга гараараа, бүхы хүсэ шадалаараа Би таанадые зонхилон байхаб гэжэ Би, Эзэн Бурхан Өөрөөрөө батадхан тунхагланаб. Таанад Минии уур хилэнгые одоо мэдэрхэт.

Эзэкээл 22:20

Тэрэ мүнгэ, зэд, түмэр, туулга, хүнгэн сагаае хайлуулхаяа зууха руу хэдэгтэл, Би уур хилэн дундаа тэдэниие суглуулжа, хамта болгоод, хайлуулхаб.

Эзэкээл 5:13

Иигэжэ уурайнгаа таратар тэдэниие хэһээхэб. Тиихэдэм Минии, Эзэн Бурханай, таанадтай хөөрэлдэһые ойлгохот.

Эзэкээл 8:18

Тиимэһээ тэдэ Минии уур хилэнгэй бүхы хүсые мэдэрхэ! Хайрлахагүйб, энэрэл үзүүлхэгүйб! Намайе гуйжа хашхаралдаашье һаань, Би тэдэниие шагнахагүйб!

Даниил 9:13

Моисейн хуули ёһо соо бэшээтэй тэрэ гай тодхор бидэнтэй тохёолдоошье һаань, бидэ гуйжа Эзэн Бурхандаа хандабагүйбди, нүгэл хэхэеэ болибогүйбди, үнэн зүбыень мэдэрбэгүйбди.

Даниил 9:18

Бурхамнай, шагныт, Танай нэрээр нэрлэгдэһэн хотын хэр хооһороод байһые харыт! Бидэ Танда гуйжа хандахадаа өөрын үнэн зүб байһанда түшэглэнэ бэшэбди, харин Танай агууехэ энэрэл хайрада найданабди!

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Ёһээл 2:12

Эзэн айладхажа байна. «Мүнөө нүгэлтэ таанадай уйлаха саг ерээ. Масаг барижа, уйлажа, гашуудажа, бүхы зүрхэ сэдьхэлээрээ Нам тээшэ эрьегты.

Ёһээл 2:13

Таанад хубсаһаяа бэшэ, зүрхэ сэдьхэлээ удар татагты!» Одоол өөһэдын Эзэн Бурхан тээшэ эрьегты. Тэрэ хадаа нигүүлэсхы хайра үршөөлтэй, уурлахадаа удаан, тэсэбэритэй, муудашье зөөлэн хандадаг.

Иона 3:8

Зон гашуудалай шэрүүн бүд хубсаһа үмдэг, мүн мал иимэ бүдөөр хушагдаг, Бурханда хандан, бии шадалаараа зальбараг, хүн бүхэн гэмтэ ябадал, буруу хэрэгүүдые хэхэеэ болиг.

Захарияа 1:4

«Нүгэлтэ харгыһаа, хилэнсэгтэ үйлэ хэрэгүүдһээ зайлагты», – гэжэ урданай лүндэншэд таанарай үбгэ эсэгэнэртэ хэлэдэг байгаашье һаань, тэдэ Намайе дуулаагүй, үгыем анхараагүй. Тиимэрхүү үбгэ эсэгэнэртээ адляар бү байгты гэжэ Түмэн Сэрэгтэ Эзэн айладажа байна.

Хуули дабталга 31:16

Тиигээд Эзэн Моисейдэ иигэжэ үгүүлбэ: – Удахагүй наһа барахашни. Тиихэдэшни энэ арад һальхай ябадал гаргажа, зорин ошожо байһан хариин газар дайдын бурхадта мүргэжэ эхилхэ. Намайе орхижо, өөһэдтэйнь баталһан Минии хэлсээе тэдэнэр эбдэхэ.

Хуули дабталга 31:17

Тиихэдэнь тэрэ дары Минии уур сухал бужаганажа, Би тэдэниие орхихоб, тэдээндэ туһалхаяа болихоб. Тэдэнэр һалаха тээшээ болохо, элдэб олон гай тодхор дээрэнь бууха. Тиихэдэнь тэдэ иигэжэ хэлэхэ: «Бурханаймнай маанадтай байгаагүйһөө боложо, энэ муу юумэн бидэниие дайраа бэшэ гү?»