Ерэмияа 36:6 - Библи

⁶ Тиимэһээ ши зоной масаг бариха үедэ тиишээ ошожо, бүхы зоной, ондоо хотонуудһаа ерэһэн иудей уладай дуулахаар, шангаар хуйламал ном соохи Эзэнэй үгэнүүдые уншан тунхагла.

Ерэмияа 36:6 ပူးပေါင်းရင်းမြစ်များ

Ерэмияа 18:11

Тиимэһээ одоо Иудын хан түрын, тэрэ тоодо Иерусалим хотын, улад зондо Минии тэдэнэй урдаһаа түсэблэн байгаа гай тодхор тухай, мүн тэдэниие хэһээхэеэ бэлдэжэ байһан тухайм дуулга. Хүн бүхэн нүгэлһөө зайлажа, һанаа бодол, хэрэгүүдээ хубилгаха ёһотой.

Ерэмияа 19:14

Айладхалынь дуулгахаяа Эзэнэй намайе эльгээһэн Тоопэдһээ би тиигээд гаража ошоо һэм. Эзэнэй Һүмын хорёо соо зогсоод, бүхы улад зондо

Ерэмияа 26:2

Эзэн намда иигэжэ айладхаба: – Һүмын хашаа соо зогсожо, мүргэхэеэ тиишээ Иудын хан түрын бүхы хотонуудһаа ерэһэн улад зондо Минии хэлэхыеш захирһан бүхы үгэнүүдые соносхон бай. Нэгэшье үгэ бү алда!

Ерэмияа 36:2

– Хуйламал ном абажа, Израиль болон Иудын хан түрэ тухай, бүхы үндэһэ яһатан тухай Минии айладхалай үгэнүүдые тэндэ бэшэ. Ёшияагай хаан байхаһаа нааша мүнөө болотор Минии айладхаашые бэшэ.

Ерэмияа 36:4

Тиигээд би Нэрияагай хүбүүн Баруух гэгшые дуудажа, Эзэнэй айладхал хэлэхэдэм, Баруух эдэ үгэнүүдые хуйламал номдо бэшэбэ.

Захарияа 8:19

Түмэн Сэрэгтэ Эзэн иигэжэ айладажа байна: Дүрбэдэхи, табадахи, долоодохи, арбадахи һарануудта гашуудалай масагай үдэрнүүд таанарта бии. Гашуудалай эдэ үдэрнүүд Иудын уг удамда баяр баясхалантай, хүхюутэй һайхан һайндэрнүүд болог. Гансал үнэниие, амар амгалангые хайрлагты.

Хэрэгүүд 27:9

Бидэ ехэ саг гээжэ, Масаглалгын Үдэрэй үнгэрһэн тула саашадаа тамархань ехэ аюултай боложо байгаа.