Ерэмияа 36:12 - Библи

¹² Тиигээд тэрэ хаанай ордон руу, хаанай бэшээшын таһалга руу ошобо. Тэндэ бүхы түшэмэлнүүд – хаанай бэшээшэ Элишамаа, Шэмаяагай хүбүүн Дэлайяа, Ахбоорой хүбүүн Элнатаан, Шапаанай хүбүүн Гэмаария, Ханаанияагай хүбүүн Цэдэкиия болон бусад тушаалтан байгаа.

Ерэмияа 36:12 ပူးပေါင်းရင်းမြစ်များ

4 Хаан түрэнүүд 22:12

Тиигээд хаан Хилкияа санаартанда, Шапаанай хүбүүн Ахикаамда, Михайн хүбүүн Ахбоордо, Шапаан бэшээшэдэ болон хаанай зараса Асайяада хандан захирба:

4 Хаан түрэнүүд 22:14

Санаарта Хилкияа, Ахикаам, Ахбоор, Шапаан, Асайяа табан Хулдаа гэдэг лүндэншэ эхэнэртэй хөөрэлдэхэеэ ерэбэ. Хулдаа хадаа һүмын санаартадай хубсаһа хадагалдаг Шаллуумай һамган бэлэй. Шаллуум болбол Тикваагай хүбүүн, Хархаасай аша бэлэй. Хулдаа Иерусалимай хоёрдохи тойрогто ажаһуудаг һэн. Тэдэнэр ерэһэн хэрэгээ тэрэ эхэнэртэ хэлэбэд.

4 Хаан түрэнүүд 22:3

Ёшияа өөрынгөө хан түрые арбан наймадахи жэлээ засаглажа байхадаа, Мэшуллаамай аша, Ацаалияагай хүбүүн Шапаанда иимэ захиралтатайгаар бэшээшэеэ Эзэнэй һүмэдэ эльгээбэ:

4 Хаан түрэнүүд 24:8

Ехонияа арбан найма наһатайдаа хаан боложо, гурбан һара ба арбан үдэр хааншалаа. Тэрэнэй эхэ Иерусалимын Элнатаанай басаган Нэхуштаа гэжэ нэрэтэй байгаа.

Ерэмияа 26:10

Иудын түшэмэлнүүд энээн тухай дуулахадаа, хаанай ордонһоо Эзэнэй Һүмэ руу ошожо, Шэнэ Бартаануудай хажуугаар һуурияа эзэлбэ.

Ерэмияа 26:22

Тиихэдэнь Ёякиим хаан Египет руу тэрэнэй хойноһоо Ахбоорой хүбүүн Элнатааные хэдэн хүнтэй хамта эльгээгээ.

Ерэмияа 26:24

Теэд би Шапаанай хүбүүн Ахикаамай туһалһанай ашаар зондо үгтөөгүйб, алуулаагүйб.

Ерэмияа 36:25

Элнатаан, Дэлайяа болон Гэмаария хуйламал номые шатаахагүй тухай хааниие гуйба, теэд тэрэ гуйлтыень анхарбагүй.

Ерэмияа 38:4

Тиихэдэм түшэмэлнүүд хаанда ошожо, «Энэ хүн саазалуулагдаха ёһотой. Элдэб юумэ хэлэжэ, тэрэ сэрэгшэдэй зориг мохооно, һүр һүлдыень дарана. Хотын бүхы зондошье тэрэ иимэ юумэ хэлэнэл. Арад зондо туһа бэшэ, тушаа хэнэ гээшэ», – гэжэ дуулгаба.

Ерэмияа 41:1

Тэрэ оной долоодохи һарада хаанай гэр бүлын Элишамаагай аша, Нэтаанияагай хүбүүн, хаанай ахамад түшэмэл Ишмаһээл арбан хүнтэй хамта Ахикаамай хүбүүн Гэдаалияада Мицпаа руу ерэбэ. Тэдэнэй тэндэ Мицпаада хамта эдеэлжэ байхада,