Ерэмияа 33:26 - Библи

²⁶ Эдэ бүгэдые хэһэн хадаа Би Яковай уг унгитай ба Минии албатан болохо Давидтай хэлсээгээ бэелүүлхэб. Абраһаамай, Исаак гэгшын, Яковай уг удамуудые хүтэлбэрилхэ Давидай нэгэ үри һадаһые Би шэлэхэб. Өөрынгөө арад зондо энэрэл хайраяа үзүүлхэб, амжалта туйлуулхаб.

Ерэмияа 33:26 ပူးပေါင်းရင်းမြစ်များ

Эхин 49:10

Иудын үри һадаһад хододоо гартаа хаанай баяг бариха, уг удамынь хододоо зонхилогшод байха. Олон улас түрэнүүд шинии уг удамда албан татабари түлэжэ, урдаш һүгэдэн байха.

Эзраа 2:1

Вавилооной хаан Навуходоносорто дайгаар абтажа, хүсөөр Вавилоон абаашагдаад, тэндэһээ Зэрубабээлтэй, Иисүүстэй, Нэхэмьяатай, Сэраяатай, Рээлааяатай, Мордохайтай, Билшаантай, Миспээрэдтэй, Бигбайтай, Рэхүүмтэй, Баһанаатай хамта Иуда, Иерусалим болон өөр өөрынгөө хотонуудта бусажа ерэһэн израильшуудай нэрэй жагсаал иимэ:

Эзраа 2:70

Санаартад, левидүүд, дуушад, үүдэнэй харуулшад, һүмын зарасанар гэхэшэлэн бүхы зон, бүхы израильшууд өөһэдынгөө хотонуудта ажаһуудаг болобо.

Псалманууд 126:1

[Үгсэлгын дуун. Соломооной зохёоһон.] Эзэнэй гэрнүүдые байгуулаагүй һаа, барилгашадынь дэмы хүдэлнэ. Эзэнэй хотонуудые хамгаалаагүй һаа, харуулша хүн дэмы һэрюун байна.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 54:8

Уурлаһан сагтаа агшам зуур Би шамайе орхёо һэм, гэбэшье хэтэ мүнхын энэрэл хайраяа шамда үзүүлхэб». Шамайе Абарагша Эзэн иигэжэ айладана.

Ерэмияа 3:12

Тэрэ минии хойто зүг руу ошожо, Израильда иигэжэ хэлэхыемни захирба: – Израилиин найдабаригүй арад зон, бусан ерэгты. Таанадта уурлажа байхагүйб, нигүүлэсхы мэдэрэл досоомни түрэнэ. Хододоо таанадта уурлан хилгэнтэжэ байхагүйлби.

Ерэмияа 31:20

Эпрааим Минии хайрата хүбүүн бэшэ юм гү? Эгээл дуратай үхибүүмни бэшэ юм гү? Тэрээн тухай ама гараха бүхэндөө тэрэниие угаа энхэрэн һанадагби. Минии зүрхэ сэдьхэл тэрээн руу тэгүүлдэг, Эпрааимда үршөөл хайраяа үзүүлхэб!

Ерэмияа 31:35

Үдэрэй гэрэлтэ нарые, һүниин һара болон одо мүшэдые Эзэн үршөөгөө, долгидойнь шааятар далайе доһолгоогоо. Тэрэнэй нэрэ болбол Түмэн Сэрэгтэ Эзэн мүн.

Ерэмияа 31:37

Хэрбээ дээдэ тэнгэриин хэмжэгдэдэг юм һаань, доодо газарай һууринуудай шэнжэлэгдэдэг һаань, Израилиин арад зоншье хэһэн бүхы юумэнэйнгээ түлөө Эзэндэ тоогдохоёо болихо бэлэйл. Энэ хадаа Эзэн айладхаа мүн!

Ерэмияа 33:24

– Израиль болон Иудын хан түрые шэлэһэн аад, Минии тэдэниие буруушааһан тухай зоной хэлсэжэ байһые ойлгоо гүт? Тэдэ Минии арад түмэн руу дээрэлхыгээр хаража, үндэһэ яһатан байна гэжэ тооногүй.

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Һошээ 1:7

Харин Иудын арад зониие хайрлахаб. Би, Эзэн Бурханиинь, тэдэниие абархаб. Гэбэшье дайн дажар – һурша номо, һэлмэ, морин сэрэг эндэ хэрэглэхэгүйб.

Һошээ 2:23

Энэ арадые газар дэлхэйдэ олошоруулан үдүүлхэб, «Юрөөл хэшэггүй» гээд урдандаа нэрлэгдэдэг арад зондо нигүүлэсхы абари зан үзүүлхэб, «Минии бэшэ» гээд нэрлэдэг арад зоноо «Минии арад түмэн» гээд хэлэдэг болохоб, тиихэдэм тэдэ Намайе «Та манай Бурхан» гээд хэлэхэл.

Захарияа 10:6

«Би Иудын удамда тэнхээ оруулжа, Иосифой үри һадаһанда дайсанаа илаха шадалтай болгохоб. Би тэдэниие хайрлаһан ушарһаа гэртэнь бусаахаб. Би тэдэниие голон орхёогүй мэтэ байхаб. Юуб гэхэдэ би тэдэнэй Эзэн Бурхан болоноб».

Римэйхиндэ 11:32

Үршөөл хайраяа бултанда хайрлахын тула Бурхан бүхы хүнүүдые үсэд зүрюу ябадалай барлагууд болгоо.